Լասլո Բիտո

Լասլո Բիտո
Ծնվել է	սեպտեմբերի 7, 1934(1934-09-07)
Ծննդավայր	Բուդապեշտ, Հունգարիայի Թագավորություն
Մահացել է	նոյեմբերի 14, 2021(2021-11-14) (87 տարեկան)
Քաղաքացիություն	Հունգարիա
Կրթություն	Բարդ Քոլեջ (1960)
Մասնագիտություն	գրող, բժիշկ, ակնաբույժ և ֆիզիոլոգ
Պարգևներ և մրցանակներ	«Իմ երկիր» և Միկլոշ Ռադնոտիի մրցանակ՝ ռասիզմի դեմ պայքարելու համար
Կայք	laszlobito.com
László Bitó Վիքիպահեստում

Լասլո Բիտո (հունգ.՝ Bitó László, սեպտեմբերի 7, 1934(1934-09-07), Բուդապեշտ, Հունգարիայի Թագավորություն - նոյեմբերի 14, 2021(2021-11-14)), հունգարացի բժիշկ և գրող. մշակել է գլաուկոմայի բուժման եղանակ, հեղինակել վեպեր, էսսեներ։

Կենսագրություն

Ծնվել է Բուդապեշտում։ Կոմունիստական կարգերի հաստատումից հետո նրանց ընտանիքը հարկադրված է եղել լքելու Բուդապեշտը։ Լասլոն աշխատել է Կոմլոյի ածխահանքում, 1956 թվականի ապստամբության ժամանակ դարձել տեղի առաջնորդներից մեկը, իսկ երբ խորհրդային զորքերը ճնշել են ապստամբությունը, տեղափոխվել է ԱՄՆ։ Այստեղ կրթաթոշակ է շահել Բարդի քոլեջում ուսանելու համար։ 1960 թվականին ավարտել է քոլեջը՝ ստանալով բժշկական գործի մասնագետի որակավորում։ 1963 թվականին Կոլումբիայի համալսարանում հաջողությամբ պաշտպանելով ատենախոսությումը՝ արժանացել է բժշկական բջջային կենսաբանության փիլիսոփայության դոկտորի գիտական աստիճանի։ Բժշկագիտության բնագավառում նրա կատարած հետազոտությունները հանգեցրել են լատենոպրոստի ստացմանը, որը գլաուկոմայի բուժման նպատակով օգտագործվող դեղամիջոց է։

Լասլո Բիտոն հրատարակել է հարյուր հիսունից ավելի գիտական հոդված, արժանացել բազմաթիվ պարգևների, այդ թվում՝ Պրոկտորի մեդալի (2000 թ.), Հելեն Քելլերի մրցանակի (2013 թ.): Կենսաթոշակի անցնելուց հետո վերադարձել է Հունգարիա, սկսել է զբաղվել գրական աշխատանքով։ Արդեն հրատարակել է տասնչորս ոչ գիտական գրքեր՝ վեպեր, էսսեներ, երեք անթոլոգիա։

Աստվածաշնչյան թեմաներով նրա գրած «Աբրահամ և Իսահակ» վեպը, որը լույս է տեսել 1998 թվականին, ջերմ ընդունելության է արժանացել, թարգմանվել մի շարք լեզուներով, վերածվել թատերգության ու բեմականացվել թատրոններում՝ ճանաչում բերելով հեղինակին։ «Վերջին մղոնը» (հունգ.՝ Az utolsó mérföld) գրքի նյութը նախապատրաստությունն է մահին։

Մեծարանք

Ի պատիվ Լասլո Բիտոյի է անվանակոչվել Կոլումբիայի համալսարանի ակնաբուժության ամբիոնը։

Մատենագրություն

Գիտական հրատարակություններ

• The Ocular and Cerebrospinal Fluids, with Davson H, Fenstermacher JD (Eds.),Academic Press, London, 1977.
• The Ocular Effects of Prostaglandins and Other Eicosanoids, with Stjernschantz J (Eds), Alan R. Liss, New York, 1989.
• Ocular Effects of Prostaglandins and Other Eicosanoids (Ed), Special Supplement based on the 9th International PG Symposium (Fort Lauderdale, Florida, 12-13 May 1995) and the ARVO SIG Sessions on Latanoprost (Fort Lauderdale, Florida, 22-23 April 1996). Survey of Ophthalmology Vol. 41, Suppl 2,

Վեպեր

• Istenjárás, Aura, 1994. (Translated from English by Árpád Göncz and Pál Békés) 963-7913-15-7
• Az ötödik lovas, Aura, 1996. (Translated by Pál Békés) 963-7913-17-3
• Ábrahám és Izsák, Magyar Könyvklub, 1998. 963-548-698-7 és Argumentum Kiadó, 2000. 963-446-158-1
• Izsák tanítása, Argumentum Kiadó, 2000. 963-446-131-X
• A Názáreti Izsák, Argumentum Kiadó, 2002. 963-446-208-1

Էսսեներ

• Nekünk kell megváltanunk magunkat, Argumentum Kiadó, 2004. 963-446-288-X.
• Boldogabb élet — Jó halál, Anthenaeum 2000 Kiadó, 2005. 963-9471-82-8.
• Gáspár, Menyhért, Boldizsár, Karácsonyi ős-ökuménia, Ecumenical Chanuka and Christmas story with 30 fullpage color illustrations by Wanda Szyksznian, Jelenkor Kiadó, 2006. 963-676-409-3
• Az utolsó mérföld, Jelenkor Kiadó, 2007. 978-963-676-418-0 (jó halál)

Արտաքին հղումներ

• Պաշտոնական կայք