Լակոնիկոս

Վիքիպեդիայից՝ ազատ հանրագիտարանից
Jump to navigation Jump to search
Լակոնիկոս
Mavrovoyni.JPG
Տեսակծովախորշ և ծոց
ԵրկիրFlag of Greece.svg Հունաստան[1]
ՎարչատարածքՊելոպոնես[1]
Մասն էՀոնիական ծով
Լիճ հոսող գետEurotas?

Լակոնիկոս[2][3][4], Լակոնյան ծոց[5] (հուն․՝ Λακωνικός κολπός), Պելոպոնեսի, մայրցամաքային Հունաստանի և Եվրոպայի ամենահարավային ծովածոցը։ Ծովածոցի ջրերով անցնում են մեծաթիվ առագաստանավեր՝ Արևմտյան Միջերկրական ծովից դեպի Արևելյան Միջերկրական ծովի ու Սև ծովի նավահանգիստներ և հակառակ ուղղությամբ, ինչպես նաև Ադրիատիկ ծովից դեպի Սուեզի ջրանցք և հակառակ ուղղությամբ։

Աշխարհագրություն[խմբագրել | խմբագրել կոդը]

Լակոնիկոս ծոցը ձգվում է հյուսիսից դեպի հարավ՝ Էլոսե թերակղզու[4] վրա գտնվող Մալեյա հրվանդանի և Լակոնիկոսի արևմուտքում գտնվող Մանի թերակղզու[5] Տենարոն հրվանդանի միջև։ Թերակղզիների ծայրամասերում փարոսներ են տեղակայված։ Ծոցի սկզբում վերջինիս լայնությունը 37 կմ է։ Ծոցի Սկզբնամասից մինչև Լակոնիկոսի ծովափ երկարությունը կազմում է 41 կմ, խորությունը՝ մինչև 1150 մ, օրական մակընթացությունների մեծությունը՝ 0,3 մ[2]։ Ծոցի մեջ է լցվում Էվրոտաս գետը, որն ակունք է առնում Կենտրոնական Պելոպոնեսի լեռներից և հոսում է դեպի Լակոնիկոսի հարթավայր։

Ծոցում տեղակայված են մի քանի ոչ մեծ կղզիներ, այդ թվում՝ Էլաֆոնիսոսը, Կրանայան, Տրինիսան (Τρίνησα) և Կատերգակին (Κατεργάκι

Ծոցի ափամերձ շրջանի գլխավոր նավահանգիստները Յիթիոնը[2], Նեապոլիսը, Արխանգելոս[el], Պորտո-Կայո[el], Պլիտրան, Էլեյան[5] (Ελαία[6]), Կոտրոնասը (Κότρωνας[6]) և Սկուտարիոնն են[5]։

Ավազուտ ծովափնյա տարածքների մեծամասնությունը տեղակայված է հյուսիսում։ Բացի այդ, կան նաև ոչ մեծ ծովափներ, այդ թվում՝ Յիթիոնի ծովափը, Սելինիցայի ծովափը, որը տեղակայված է Յիթիոնի հյուսիսում, Մավրովունի (Μαυροβούνι) ծովափը, Կոտրոնաս ծովափը, որը տեղակայված է շրջանային ճանապարհի մոտ․ վերջինս միմյանց է կապում Պորտո-Կայոն, Էրոլիմինը (Γερολιμήν[6]), Արեոպոլիսը և Յիթիոնը։

Ծանոթագրություններ[խմբագրել | խմբագրել կոդը]