Լադո Ասաթիանի

Լադո Ասաթիանի
Ծնվել է	հունվարի 14, 1917
Ծննդավայր	Քութայիս, Քութայիսի նահանգ, Ռուսական կայսրություն
Վախճանվել է	հունիսի 23, 1943 (26 տարեկան)
Վախճանի վայր	Թբիլիսի, Վրացական ԽՍՀ, ԽՍՀՄ
Գերեզման	Դիդուբեի պանթեոն
Մասնագիտություն	բանաստեղծ
Քաղաքացիություն	Ռուսական կայսրություն, Վրաստանի Դեմոկրատական Հանրապետություն և ԽՍՀՄ
Կրթություն	Q28096182? և Ակակի Ծերեթելիի անվան պետական համալսարան
Ժանրեր	լիրիկա
Ուշագրավ աշխատանքներ	Q28096185?
	Lado Asatiani Վիքիպահեստում

Վիքիպեդիայում կան հոդվածներ Ասաթիանի ազգանունով այլ մարդկանց մասին։

Լադո Մելիքսեդեկի Ասաթիանի (վրաց.՝ ლადო ასათიანი , հունվարի 14, 1917(1917-01-14)^[1], Քութայիս, Քութայիսի նահանգ, Ռուսական կայսրություն - հունիսի 23, 1943(1943-06-23)^[2]^[1], Թբիլիսի, Վրացական ԽՍՀ, ԽՍՀՄ), վրացի խորհրդային գրող^[3]^[4]։

Կենսագրություն

Ասաթիանիի պապը՝ Գուջուն, եղել է Լեչխում պատմական երկրամասի Բարդնալա գյուղի բնակիչ և ենթարկվել է կուլակաթափության։ Այդ դեպքից հետո Մելիքսեդեկների ընտանիքը տեղափոխվում է Քութայիսի, որտեղ Լադոն ավարտում է 7-ամյա դպրոցը և սկսում ուսումը գյուղատնտեսական տեխնիկումում^[4]։ Ասաթիանին հետագայում կարողանում է վերադառնալ հայրական գյուղ^[4] և կնոջ հետ դասավանդել տեղի դպրոցում։ Սակայն 1937 թվականին նրա կինը իշխանությունների կողմից հալածանքի է ենթարկվում։

Այնուհետև Ասաթիանին շարունակելով ուսումը՝ 1938 թվականին ավարտում է Քութայիսի մանկավարժական համալսարանը^[3] և նույն թվականին տեղափոխվում Թիֆլիս^[4]։ Թղթակցել է «Մեր սերունդը» և «Պատանի լենինական» թերթերին, աշխատել է որպես խմբագիր^[4]։

Մահացել է տուբերկուլոզից, որով հիվանդ էր 1939 թվականից սկսած։ 1968 թվականին նրա աճյունը վերահուղարկավորվել է։ Այժմ ամփոփված է Դիդուբեի պանթեոնում^[4]։

Լադո Ասաթիանիի անունով է անվանակոչվել Վրաստանի մայրաքաղաք Թբիլիսիի հին թաղամասի փողոցներից մեկը^[5]։

Ստեղծագործություններ

Ասաթիանիի առաջին բանաստեղծությունը՝ «Փետրվարյան առավոտն», տպագրվել է «Ստալինելի» թերթում 1936 թվականի փետրվարի 25-ին։ 1941 թվականին լույս է տեսնում «Տաղեր» գիրքը։ Նրա հեղինակած «Ասպինձա», «Բասիանիի ճակատամարտ», «Կոլխիդա» պոեմները տեսանելի հետք են թողել վրացական գրականության ոլորտում^[6]։

Ծանոթագրություններ

Վիքիպահեստն ունի նյութեր, որոնք վերաբերում են «Լադո Ասաթիանի» հոդվածին։

[_6d059ff20551cb31-1] 1 2 3 4 საქართველოს ბიოგრაფიული ლექსიკონი (վրաց.) — 2001.

[_04ed8b943b89638b-2] 1 2 WorldCat Entities — OCLC, Inc., 2022.

[poetry-3] 1 2 «ლადო ასათიანი - პოეტი»(վրաց.)

[burus-4] 1 2 3 4 5 6 «ლადო ასათიანი – ბიოგრაფია»․(վրաց.)

[5] ДОСТОПРИМЕЧАТЕЛЬНОСТИ ТБИЛИСИ․(ռուս.)

[6] «ლადო ასათიანი - ლექსები, პოემები»:(վրաց.)

[1]

[2]

[3]

[4]

[5]

[6]