Իվիցա Դաչիչ

Վիքիպեդիայից՝ ազատ հանրագիտարանից
Jump to navigation Jump to search
Իվիցա Դաչիչ
Ivica Dacic 2013.jpg
 
Կուսակցություն՝ Սերբիայի սոցիալիստական կուսակցություն
Կրթություն՝ Faculty of Political Sciences, University of Belgrade? (1989)
Մասնագիտություն՝ քաղաքական գործիչ
Ազգություն սերբ
Ծննդյան օր հունվարի 1, 1966(1966-01-01)[1][2] (55 տարեկան)
Ծննդավայր Պրիզրեն, Սերբիայի Սոցիալիստական Հանրապետություն, ՀՍՖՀ
Քաղաքացիություն Flag of Serbia.svg Սերբիա
 
Ինքնագիր Ivica Dacic Signature.png
 
Պարգևներ

Բարեկամության շքանշան

Իվիցա Դաչիչ (սերբ.՝ Ивица Дачић, հունվարի 1, 1966(1966-01-01)[1][2], Պրիզրեն, Սերբիայի Սոցիալիստական Հանրապետություն, ՀՍՖՀ), սերբ պետական և քաղաքական գործիչ, Սերբիայի վարչապետի պաշտոնակատար 2017 թվականի մայիսի 31-ից մինչև 2017 թվականի հունիսի 15-ը, Սերբիայի առաջին փոխվարչապետ և արտաքին գործերի նախարար 2014 թվականի ապրիլի 27-ից, ԵԱՀԿ նախագահ 2015 թվականի հունվարի 1-ից մինչև 2016 թվականի հունվարի 1-ը, Սերբիայի Սոցիալիստական կուսակցության նախագահ։

Կենսագրություն[խմբագրել | խմբագրել կոդը]

Ծնվել է 1966 թվականի հունվարի 1-ին Կոսովոյի հարավում գտնվող Պրիզրեն քաղաքում։

Մանկությունն անցկացրել Է երկրի հարավային Թոփլիչ շրջանի Ժիտորաջա գյուղում։ Ավարտել է Նիշ քաղաքի վարժարանը։

Բարձրագույն կրթություն է ստացել Բելգրադի համալսարանի քաղաքական գիտությունների ֆակուլտետում։

Քաղաքական կարիերան սկսել է 1990 թվականին՝ գլխավորելով Բելգրադի երիտասարդական սոցիալիստական շարժումը։

1992-2000 թվականներին եղել է Սերբիայի Սոցիալիստական կուսակցության մամուլի քարտուղարը։

2000-2003 թվականներին զբաղեցրել է ՍՊԱԾ նախագահի տեղակալի պաշտոնը և գլխավորել Բելգրադի բաժանմունքը։

Սերբիայի այսպես կոչված անցումային կառավարությունում 2000 թվականի հոկտեմբերից մինչև 2001 թվականի հունվար զբաղեցրել է տեղեկատվության նախարարի պաշտոնը։

Մասնակցել է 2004 թվականի նախագահական ընտրություններին և դրանց արդյունքներով զբաղեցրել է չորրորդ տեղը՝ հավաքելով 4,04 % ձայն։

2006 թվականի դեկտեմբերին ընտրվել Է Սերբիայի Սոցիալիստական կուսակցության նախագահ։

2008 թվականի հուլիսին կայացած արտահերթ խորհրդարանական ընտրություններից հետո նոր կառավարության կազմում ընդգրկվեց Միրկո Ցվետկովիչը՝ ստանալով առաջին փոխվարչապետի և ներքին գործերի նախարարի պաշտոնը։

2012 թվականի ընտրություններից հետո գլխավորել Է Սերբիայի Հանրապետության կառավարությունը։

2014 թվականի խորհրդարանական ընտրությունների ժամանակ կոալիցիայի կազմում երկրորդ տեղն Է զբաղեցրել խորհրդարանում և համապատասխանաբար՝ կառավարությունում։

2016 թվականի խորհրդարանական ընտրությունների ժամանակ Սերբիայի Սոցիալիստական կուսակցությունը, որը գլխավորում Է Դաչիչը, ձայների քանակով զբաղեցրել է երկրորդ տեղը՝ հավաքելով ավելի քան 10 %։

2017 թվականի նախագահական ընտրություններից հետո, որոնց ընթացքում հաղթանակ է տարել գործող վարչապետ Ալեքսանդր Վուչիչը, Իվիցա Դաչիչը, որպես փոխվարչապետ զբաղեցրել է վարչապետի պաշտոնակատարի պաշտոնը։ 2017 թվականի հունիսի 15-ին նրան փոխարինել է Անա Բրնաբիչը։

Պարգևատրվել է Սերբ ուղղափառ եկեղեցու շքանշաններով։

Պարգևներ[խմբագրել | խմբագրել կոդը]

  • Բարեկամության շքանշան (2018 թվականի հունվարի 25, Ռուսաստան), ժողովուրդների միջև բարեկամության և համագործակցության ամրապնդման գործում ունեցած վաստակի, ազգերի և ազգությունների մշակույթների մերձեցման և փոխադարձաբար հարստացման արդյունավետ գործունեության համար[3]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]