Իվանկովի պատմական և տեղական պատմության թանգարան

Վիքիպեդիայից՝ ազատ հանրագիտարանից
Jump to navigation Jump to search
Իվանկովի պատմական և տեղական պատմության թանգարան
Տեսակթանգարան
ԵրկիրFlag of Ukraine.svg Ուկրաինա
ՏեղագրությունԻվանկով
Հասցեвул. Шевченка, 14, смт Іванків, Вишгородський район, Київська область, 07203
Հիմնադրված էփետրվարի 22, 1981
Կայքivankiv-museum.site

Իվանկովի պատմական և տեղական պատմության թանգարան (ուկրաիներեն՝ Іванківський історико-краєзнавчий музей), Ուկրաինայի Կիևի մարզի Իվանկով քաղաքում գտնվող թանգարան, որը, ըստ տեղեկությունների, ավերվել է 2022 թվականին Ուկրաինա Ռուսաստանի ներխուժման ժամանակ՝ հանգեցնելով նկարչուհի Մարիա Պրիմաչենկոյի ավելի քան քսան աշխատանքների հնարավոր կորստի։

Պատմություն[խմբագրել | խմբագրել կոդը]

Իվանկովի պատմական և տեղական պատմության թանգարանը բացվել է 1981 թվականի փետրվարի 21-ին և գտնվում է միջնադարյան ժամանակաշրջանի հնագիտական վայրում։ Թանգարանը ներառել է մի քանի ցուցահանդեսներ Չեռնոբիլի, Աֆղանստանի և Երկրորդ համաշխարհային պատերազմի մասին[1]։ 2016-2018 թվականներին թանգարանը վերակառուցվել է, որպեսզի տեղավորվեն հավաքածուի ընդլայնումները հիմնադրման օրվանից[2]։ 2021 թվականին թանգարանում տեղի է ունեցել ցուցահանդես՝ նվիրված Իվանկովի հրեական ժառանգությանը[3]։

Հավաքածու[խմբագրել | խմբագրել կոդը]

Թանգարանի հավաքածուն ներառել է նկարչուհի Մարիա Պրիմաչենկոյի և Հաննա Վերեսի և նրա դստեր՝ Վալենտինայի տեքստիլ արվեստի աշխատանքներ[1]։ Պրիմաչենկոյի կարիերան սկսվել է Իվանկովի ասեղնագործության կոոպերատիվ ասոցիացիայի կազմում[4]։ Թանգարանի հավաքածուն ներառել է նաև բնագիտական նմուշներ և հնագիտական առարկաներ[1]։

Տեղեկություններ ոչնչացման մասին[խմբագրել | խմբագրել կոդը]

2022 թվականի փետրվարի 27-ին՝ Ռուսաստանի կողմից Ուկրաինա ներխուժելու ընթացքում Իվանկովի ճակատամարտի ժամանակ, թանգարանը, ըստ տեղեկությունների, այրվել է և նկարչուհի Մարիա Պրիմաչենկոյի ավելի քան քսան գործ ոչնչացել է[5][6]։ Այնուամենայնիվ, լրագրող Տանյա Գոնչարովայի սոցցանցերում հրապարակած գրառման համաձայն, տեղի բնակիչները կարողացել են հրդեհից փրկել Պրիմաչենկոյի որոշ աշխատանքներ[7]։ Պրիմաչենկոյի ծոռնուհու՝ Անաստասիա Պրիմաչենկոյի «The Times»-ին տված հարցազրույցի համաձայն, նրա տասը աշխատանքները փրկվել են տեղացի մի մարդու կողմից, ով մտել է թանգարան, երբ այն այրվել է[8]։ Պրիմաչենկոյի ավելի քան 650 այլ աշխատանքներ պահվում են Ուկրաինական դեկորատիվ արվեստի պետական թանգարանի հավաքածուում[9]։

Թանգարանի կորստին արձագանքել է «Վիշհորոդ» պատմամշակութային արգելոցի տնօրեն Վլադա Լիտովչենկոն, ով սոցիալական մեդիայում կորուստը որակել է որպես «անուղղելի»[10]։ Ի պատասխան՝ Ուկրաինայի մշակույթի նախարար Ալեքսանդր Տկաչենկոն խնդրել է Ռուսաստանին զրկել ՅՈՒՆԵՍԿՕ-ի անդամակցությունից[11]։ Փետրվարի 28-ին Թանգարանների միջազգային խորհուրդը հայտարարություն է տարածել՝ դատապարտելով թանգարանի «դիտավորյալ ոչնչացումը (կրակով)», որը «լուսավորում է այս անբարոյական և չհրահրված պատերազմի շոշափելի և անդառնալի ազդեցությունը»[12]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 «Музей — Іванківський музей»։ ivankiv-museum.site։ Վերցված է 2022-02-28 
  2. «Іванківський районний історико-краєзнавчий музей»։ resource.history.org.ua։ Վերցված է 2022-02-28 
  3. «Іванків єврейський — Іванківський музей»։ ivankiv-museum.site։ Արխիվացված է օրիգինալից 2022-03-04-ին։ Վերցված է 2022-02-28 
  4. «Maria Prymachenko's fantastic world of flowers and animals»։ blogs.bl.uk (անգլերեն)։ Վերցված է 2022-02-28 
  5. «Russian invaders burn down Ivankiv Museum. Maria Prymachenko's artwork destroyed»։ Ukrayinska Pravda (անգլերեն)։ Վերցված է 2022-02-28 
  6. Giorgobiani Natia (2022-02-28)։ «A museum with unique works by Maria Primachenko burned down near Kiev»։ Perild (en-US)։ Վերցված է 2022-02-28 
  7. «Картини Приймаченко врятовано. Селяни винесли їх з палаючого музею. Еспресо.Захід»։ zahid.espreso.tv (ուկրաիներեն)։ Վերցված է 2022-03-02 
  8. Schofield Blanca։ «Russia-Ukraine war: How Maria Prymachenko’s art was saved from Putin’s troops» (անգլերեն)։ ISSN 0140-0460։ Վերցված է 2022-03-05 
  9. «Russian Forces Destroyed the Wild and Beautiful Art of Maria Prymachenko»։ www.vice.com (անգլերեն)։ Վերցված է 2022-03-02 
  10. «Україна втратила понад 20 робіт Марії Примаченко внаслідок нападу Росії – Литовченко»։ Радіо Свобода (ուկրաիներեն)։ Վերցված է 2022-02-28 
  11. «Museum of Maria Pryimachenko's paintings burns down during Russian offensive (video) (видео)»։ LB.ua։ Վերցված է 2022-02-28 
  12. «Statement by the ICOM-US pertaining to the news of the destruction of the Historical and Local History Museum at Ivankiv»։ incus.memberclicks.net։ Վերցված է 2022-03-01 

Արտաքին հղումներ[խմբագրել | խմբագրել կոդը]