Իլարիոն Միրզախանյան

Իլարիոն Միրզախանյան
Ծնվել է	սեպտեմբերի 20, 1887(1887-09-20)
Ծննդավայր	Բաքու, Ռուսական կայսրություն
Մահացել է	1960
Մահվան վայր	Մոսկվա, ԽՍՀՄ
Գերեզման	Նովոդեվիչյան գերեզմանոց
Մայրենի լեզու	ռուսերեն
Կրթություն	Պետերբուրգի տեխնոլոգիական ինստիտուտ (1912)
Մասնագիտություն	գյուտարար
Պարգևներ և մրցանակներ	և

Իլարիոն Ավետի Միրզախանյան (Միրզախանով) (ռուս.՝ Илларион Аветович Мирзаханов, սեպտեմբերի 20, 1887(1887-09-20), Բաքու, Ռուսական կայսրություն - 1960, Մոսկվա, ԽՍՀՄ), ինժեներական ծառայության գեներալ-մայոր (1940), ԽՄԿԿ անդամ (1905)։

Ավարտել է Պետերբուրգի տեխնոլոգիական ինստիտուտը (1912 թ.)։ Մասնակցել է Առաջին համաշխարհային պատերազմին։ 1919 թվականի սեպտեմբերին կռվել է Անտոն Դենիկինի սպիտակգվարդիական զորքերի դեմ՝ Տուլայի վերահսկողության համար։ 1928 թվականից աշխատել է ռազմական արդյունաբերության բնագավառում, որպես զինագնդացրային տրեստի պետի օգնական, զինագործարանի տնօրենի տեղակալ, ապա տնօրեն և այլն։ 1940 թվականի մայիսին նշանակվել է ԽՍՀՄ սպառազինության ժողկոմի տեղակալ, և այդ պաշտոնը վարել Երկրորդ համաշխարհային պատերազմի տարիներին։ Պատերազմից հետո, մինչև զորացրվելը (1955), շարունակել է ծառայությունը ԽՍՀՄ զինված ուժերում։

Շքանշանները

Պարգևատրվել է Լենինի, Կուտուզովի 1-ին և 2-րդ աստիճանի, Կարմիր աստղի, Աշխատանքային կարմիր դրոշի շքանշաններով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 617)։