Իգնատ Մամյան

Իգնատ Մամյան
գրող, հրապարակախոս
Ծնվել է	օգոստոսի 22, 1947(1947-08-22)
Ծննդավայր	Նոյեմբերյան, Տավուշի մարզ, Հայաստան, ԽՍՀՄ
Վախճանվել է	հունիսի 26, 2008(2008-06-26) (60 տարեկանում)
Վախճանի վայր	Երևան, Հայաստան
Մասնագիտություն	գրող և հրապարակախոս
Լեզու	հայերեն
Ազգություն	հայ
Քաղաքացիություն	Հայաստան
Կրթություն	Երևանի պետական համալսարան
Անդամակցություն	Հայաստանի ժուռնալիստների միություն և Հայաստանի գրողների միություն
Աշխատավայր	Ծիածան, Սովետական Հայաստան, Ծիածան, Գրական թերթ, Առավոտ (օրաթերթ) և Հայաստանի գրողների միություն
Իգնատ Մամյան Վիքիքաղվածքում
Իգնատ Մամյան Վիքիդարանում

Իգնատ Հմայակի Մամյան (1947, օգոստոսի 22, Նոյեմբերյան- 2008, հունիսի 26, Երևան), հայ գրող, հրապարակախոս։

Կենսագրություն

• 1978 թ. ավարտել է Երևանի պետական համալսարանի բանասիրության ֆակուլտետը
• 1967-1968 թթ. աշխատել է Այրումի պահածոների գործարանում
• 1969-1975 թթ. աշխատել է Նոյեմբերյանի շրջանային «Ծիածան» թերթում նախ որպես գրական աշխատող, ապա նամակների բաժնի վարիչ
• 1972 թ. ԽՍՀՄ ժուռնալիստների միության, 1984 թ.` Հայաստանի գրողների միության անդամ է
• 1976-1982 թթ.` «Սովետական Հայաստան» թերթի սեփական թղթակից
• 1980-1982 թթ.՝ Նոյեմբերյանի շրջանային «Ծիածան» թերթի գլխավոր խմբագիր
• 1982-1990 թթ.՝ ՀԳՄ «Գրական թերթի» պատասխանատու քարտուղար
• 1990-1991 թթ.՝ ՀՀ իրավաբանների միության «Ձայն օրինաց» շաբաթաթերթի, իսկ 1991-1992 թթ.` ՀՀ իրավաբանների միության «Իրավաբանական թերթ» պաշտոնաթերթի գլխավոր խմբագիր
• 1992-1994 թթ. աշխատել է ՀՀ պաշտպանության նախարարության «Հայ զինվոր» պաշտոնաթերթում՝ որպես գլխավոր խմբագրի տեղակալ
• 1994 թվականին եղել է՝ «Առավոտ» օրաթերթի հիմնադիր գլխավոր խմբագիրը
• 1995-1996 թթ. նշանակվել է Դիլիջան քաղաքի ՆԳ բաժնի պետ
• 1996-1998 թթ. աշխատել է Հայաստանի գրողների միությունում՝ որպես նախագահի օգնական
• 2000 թ. հիմնադրել է Նովոսիբիրսկի հայկական ազգային մշակութային ինքնավարության «Կռունկ» թերթը
• 2001-2003 թթ. եղել է Հայաստանի գրողների միության գործադիր տնօրենը, 2003 -2005 թթ.` Հայաստանի գրողների միության «Սևան» ստեղծագործական տան տնօրենը
• 2003-2007 թթ. եղել է «Նոյեմբերյան» հասարակական կազմակերպության «Եզերք» թերթի գլխավոր խմբագիրը

Ստեղծագործական գործունեություն

Հեղինակ է բազմաթիվ հրապարակախոսական հոդվածների, մեկ տասնյակից ավելի գրքերի, այդ թվում՝ վավերագրական վիպակների, որոնք նվիրված են մեր ազգային-ազատագրական պայքարի նորագույն էջերին։ «Գեղամ կամ ընդհատված թռիչք» (1994) գրքույկում, «Վիրավոր լեռան ճիչը» (2005), «Մարտնչող լեռնահովիտ» (2006) վեպերում անդրադարձել է Ղարաբաղյան ազատագրական պատերազմին։ Բանաստեղծությունների ժողովածուներ՝

• «Հանդի հացը», 1978 թ.
• «Երկնաքարեր», 1985 թ.
• «Մեթերհեմ բանտի կալանավորը», 1989 թ., 336 էջ։
• «Ֆիդայիներ», 1990 թ., 160 էջ։
• «Ոգեկանչ», 1996 թ.
• «Վայրի մեղր», 1999 թ.
• «Գնչուհի Լելան»
• «Արծաթե եզերք» վեպ, 2003 թ.
• «Եղերական լուսաբաց» վավերագրական վիպակ, 1992 թ.

Նրա բանաստեղծությունները թարգմանվել են ռուսերեն, անգլերեն, ուկրաիներեն։

Պարգևներ

• 1997 թ. «Հայ գրականության բարեկամներ» մշակութային բարեգործական միության մրցանակ՝ «Ֆիդայիներ» և «Եղերական լուսաբաց» գրքերի համար
• 2001 թ. Քրիստոնեությունը Հայաստանում պետական կրոն հռչակվելու 1700-ամյակի առթիվ հայտարարված լավագույն բանաստեղծության համար մրցանակ
• 2002 թ. Երևան քաղաքին նվիրված լավագույն բանաստեղծության համար մրցանակ
• 2007 թ. Հայաստանի գրողների միության «Գրական վաստակի համար» մեդալ

Երկերի մատենագիտություն

• Երկնաքարեր, Երևան, 1985 թ., 136 էջ:
• Հիշողության կղզիներ (ակնարկներ), Երևան, 1987 թ., 308 էջ:
• Մեթերհեմ բանտի կալանավորը, Երևան, 1989 թ., 336 էջ:
• Ֆիդայիներ, Երևան, 1990 թ., 152 էջ:
• Եղերական լուսաբաց, Երևան, 1992 թ., 125 էջ:
• Ոգեկանչ (բանաստեղծություններ), Երևան, 1996 թ., 105 էջ:
• Վայրի մեղր (բանաստեղծություններ), Երևան, 1999 թ., 196 էջ:
• Արծաթե եզերք (վեպ), Երևան, 2003 թ., 201 էջ:
• Վիրավոր լեռան ճիչը, Երևան, 2005 թ., 264 էջ:
• Մարտնչող լեռնահովիտ, Երևան, 2006 թ., 320 էջ:
• Երկիր ծննդավայր, Երևան, 2007 թ., 292 էջ:
• Տոհմականչ (հուշեր Ջանվելյանների մասին), Երևան, 2008 թ., 160 էջ:
• Հեռավոր զանգերի կանչը (պատմվածքներ), Երևան, 2008 թ., 248 էջ:

Արտաքին հղումներ

• Իգնատ Մամյանի պաշտոնական կայքը