Թոմ Սոյեր
| Թոմ Սոյեր | |
|---|---|
 | |
| Տեսակ | գեղարվեստական անձ, գրական հերոս և արկածային ֆիլմի հերոս |
| Հեղինակ | Մարկ Տվեն |
| Ստեղծագործություն | «Թոմ Սոյերի արկածները», «Թոմ Սոյերը արտասահմանում», «Թոմ Սոյերը խուզարկու» |
| Ներկայացված է | Թոմ Սոյերի արկածները, Tom Sawyer Abroad?, Թոմ Սոյեր՝ խուզարկու, Հեքլբերի Ֆինի արկածները և Tom Sawyer's Conspiracy? |
| Սեռ | արական |
| Ազգություն | ամերիկացի |
| Տարիք | 9-12 տարեկան |
| Դերը կատարել են | Շեյն Ուեսթ, Ֆյոդր Ստուկով, Ջեքի Կուգան և Jeff East? |
 Tom Sawyer Վիքիպահեստում | |
Թոմ Սոյեր (անգլ.՝ Tom Sawyer)՝ Մարկ Տվենի վեպերի հիմնական հերոսներից մեկը. «Թոմ Սոյերի արկածները» (1876 թվական), «Թոմ Սոյերը արտասահմանում» (1894 թվական), և «Թոմ Սոյերը խուզարկու» (1896 թվական)։ Այն նաև հայտնվում է Տվենի «Հեքլբերի Ֆինի արկածները» հայտնի վեպի էջերում[1]։
Թոմ Սոյերը առկա է Մարկ Տվենի առնվազն երեք այլ անավարտ աշխատություններում՝ «Դպրոցի բլրին» (անգլ.՝ Schoolhouse Hill), «Թոմ Սոյերի դավադրությունը» (անգլ.՝ Tom Sawyer's Conspiracy) և «Հուկ և Թոմը հնդիկների մեջ » ( անգլ.՝ Huck and Tom Among the Indians)[2]: Չնայած նրան, որ բոլոր երեք անավարտ գործերը հրատարակվել են նրա մահից հետո, միայն « Թոմ Սոյերի դավադրությունը» կարող է հպարտանալ, որպես ամբողջական պատմություն, քանի որ Տվենը թողել է մյուս երկու աշխատությունները, ավարտին հասցնելով միայն մի քանի գլուխներ։
Հորինված կերպարի անունը կարող է կապված լինել իրական անձի հետ՝ Թոմ Սոյեր անունով, ում հետ նա ծանոթացել է Սան Ֆրանցիսկոյում, որտեղ նա աշխատել է որպես լրագրող «San Francisco Call»-ում։ Մարկ Տվենը նախաբանում հայտնում է, որ կերպարի բնութագրությունը վերցրված էր երեք տղաներից, որոնց հետ նա ծանոթ էր մանկությունից, սակայն գրականագետների կարծիքը այն է, որ ովքեր իսկապես եղել են հերոսի նախատիպը, տարբերվեւմ են[2] :
Նկարագրություն[խմբագրել | խմբագրել կոդը]
Թոմ Սոյերը մոտ 12 տարեկան տղա է, ով բնակվում է Միսսուրի նահանգի Պետերբուրգ քաղաքում։ Թոմը ներկայացնում է անհոգություն և հրաշալի մանկություն։ Նրա լավագույն ընկերներ՝ Ջո Հերփերը և Հեքլբերի Ֆինը` անօթևան տղաներ, լքված ծնողների կողմից:Մի ժամանակ Թոմը սիրահարված էր Էմի Լոուրենսին,սակայն ավելի ուշ Թոմի սրտում նրա տեղը գրավեց Բեկկի Թետչերին։ Նա ունի խորթ եղբայր Սիդը և զարմուհի Մերին, որոնց նկատմամբ զգում է փոխադարձ ատելություն։ Թոմը մորաքույր Փոլլիի մահացած քրոջ որդին է։ Չնայած Թոմի անհանգիստ բնավորությանը, նա սիրում է շատ կարդալ, նախապատվությունը տալիս է արկածային գրականությանը (քանի որ հենց ինքը սիրում է արկածներ)։
Ծանոթագրություններ[խմբագրել | խմբագրել կոդը]
- ↑ «Biography of Tom Sawyer - 1900». Sfmuseum.net. 1996 թ․ սեպտեմբերի 1. Արխիվացված է օրիգինալից 2019 թ․ դեկտեմբերի 18-ին. Վերցված է 2012 թ․ հուլիսի 24-ին.
- ↑ 2,0 2,1 Robert Graysmith (October 2012). «The Adventures of the Real Tom Sawyer». Smithsonian. Արխիվացված է օրիգինալից 2020 թ․ փետրվարի 25-ին. Վերցված է 2012 թ․ հոկտեմբերի 1-ին.
Արտաքին հղումներ[խմբագրել | խմբագրել կոդը]
- The Adventures of Tom Sawyer by Mark Twain at Project Gutenberg
 | Վիքիպահեստն ունի նյութեր, որոնք վերաբերում են «Թոմ Սոյեր» հոդվածին։ |
| ||||||
