Թոմաս Միլիան

Վիքիպեդիայից՝ ազատ հանրագիտարանից
Jump to navigation Jump to search
Picto infobox film.png
Թոմաս Միլիան
Tomas Milian 1974 cropped.jpg
Թոմաս Միլիանը «Squadra volante» ֆիլմում (1974)
Ծնվել է մարտի 3, 1933(1933-03-03)[1][2]
Ծննդավայր Հավանա, Կուբա[1]
Մահացել է մարտի 22, 2017(2017-03-22)[1][2] (84 տարեկանում)
Մահվան վայր Մայամի, Ֆլորիդա, Ամերիկայի Միացյալ Նահանգներ[1]
Քաղաքացիություն Flag of the United States.svg Ամերիկայի Միացյալ Նահանգներ
Flag of Cuba.svg Կուբա
Մասնագիտություն Դերասան
Ակտիվ շրջան 1955 թվականից առ այսօր
Ժանրեր Դրամա
կինոկատակերգություն
դետեկտիվ, վեստեռն
tomasmilian.it

Թոմաս Միլիան (անգլ.՝ Tomas Milian, իրական անունը Թոմաս Կինտին Ռոդրիգես անգլ.՝ Tomás Quintín Rodriguez, մարտի 3, 1933(1933-03-03)[1][2], Հավանա, Կուբա[1] - մարտի 22, 2017(2017-03-22)[1][2], Մայամի, Ֆլորիդա, Ամերիկայի Միացյալ Նահանգներ[1]), կուբա-ամերիկացի դերասան, ով մեկ քառորդ դար աշխատել է Իտալիայում: Իտալական Ռոդոլֆ Վալենտինոյի անվան կինոմրցանակի և իտալական կինոյում ունեցած մեծ ավանդի համար մրցանակների դափնեկիր։

Կենսագրություն[խմբագրել | խմբագրել կոդը]

Թոմաս Միլիանը ծնվել է 1932 թվականի մարտի 3-ին, Կուբայի Հավանա քաղաքում։ Կուբացի գեներալ, բնիկ հավանացու որդի է։ Նրա հորը ձերբակալում և բանտարկում են, որի արդյունքում Նոր տարվա գիշերն ինքնասպանություն է գործում։ 1956 թվականին գաղթել է Ամերիկայի Միացյալ Նահանգներ: Հետագայում սովորել է Մայամիի համալսարանում, որտեղ, անգլերեն սովորելու ժամանակ, հաջողությամբ անցնում է ուսանողական բեմադրության մասնակցության փորձերը։ Դրա շնորհիվ, ինչպես նաև դրամատիկական բաժնի դեկանի խորհրդով, Միլիանը որոշում է դառնալ դերասան.

Aquote1.png Երբ ես տեսա իմ անունով հայտարարությունը, ասացի. գրողը տանի, ես ի՞նչ գործ ունեմ այստեղ: Ես ժամանակ եմ կորցնում[3]:
- հիշում է Միլիանը
Aquote2.png


Դրանից հետո նա լքում է Կուբան և շարունակում հետևել իր՝ դերասան դառնալու նպատակին[4]: Այդ իսկ պատճառով բնակություն է հաստատում ԱՄՆ-ում, որտեղ ցանկանում էր սովորել Նյու Յորքի դերասանական ստուդիայում[5], միայն թե փորձի պակասից դա իրեն չի հաջողվում։ Այդ ժամանակ Միլիանը գտնում է վերելակավարի աշխատանք պրեսբիտերական հիվանդանոցում, որտեղ նույնպես երկար չի մնում։ Ընդունվում է ռազմածովային ծառայության, բայց երիկամների լուրջ հիվանդության պատճառով ծառայում է ուսուցողական ճամբարում միայն վեց ամիս[3]: Չկորցնելով դերասան դառնալու հույսը և գնելով Ստանիսլավսկու ընդունելության քննության գիրքը, Միլիանը, այնուամենայնիվ, դիմում է Նյու Յորքի դերասանական ստուդիա։

Կարիերա[խմբագրել | խմբագրել կոդը]

Ամերիկայի Միացյալ Նահանգներում իր դերասանական կարերիան սկսելուց հետո, նա 1958 թվականին մեկնում է Իտալիա, որպեսզի մասնակցի Սպոլետո քաղաքում կայացող կինոփառատոնին[6]:

Թատրոն, առաջին ֆիլմեր[խմբագրել | խմբագրել կոդը]

Ստուդիայում ստանալով անհրաժեշտ դերասանական փորձը, Միլիանը սկզբում հայտնվեց մի քանի շոուներում, ապա ստացավ իր առաջին դերը թատրոնում: Դերասանի խաղը դուր եկավ Ժան Կոկոտոյին և կոմպոզիտոր Ժան Կարլ Մենոթիին։ Մենոթիին հատուկ Թոմաս Միլիանի համար գրում է «Բանաստեղծը և մուսա»-ն մնջախաղը, որը ներկայացվել էր Իտալիայի հանրության առաջ Սպոլետո քաղաքում կայացող կինոփառատոնի ժամանակ։ Մնջախաղի բեմադրիչը իտալացի դերասան, ռեժիսոր, պրոդյուսեր, սցենարիստ, օպերաների բեմադրիչ Ֆրանկո Ձեֆֆիրելլին էր։

Նրա տաղանդը նկատում է նաև ռեժիսոր Մաուրո Բոլոնինին, ով առաջարկում է Թոմասին խաղալ «Փոտորկոտ գիշեր» ֆիլմում որպես երկրորդական դեր։ Ավելի ուշ նա խաղում է նաև «Գեղասքանչ Անտոնիո» դրամայում։

Aquote1.png Իտալիայում իմ անցկացրած առաջին տարիներին ես խաղում էի բացառապես ինտելեկտուալ ֆիլմում, որն իրականում ինձ ձանձրացնում էր:
- Հիշում է Թոմաս Միլիանը[3]
Aquote2.png


Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Մատենագրություն[խմբագրել | խմբագրել կոդը]

  • Giorgio Navarro, Er Cubbano de Roma, Edizioni IME, Firenze, 1999, ISBN 88-900359-2-7
  • Gordiano Lupi, Il trucido e lo sbirro, Edizioni Profondo Rosso, Roma, 2001, ISBN 88-89084-50-2
  • Daniele Magni e Silvio Giobbio, Ancora più... Cinici infami e violenti - Dizionario dei film polizieschi italiani anni '70, Bloodbuster Edizioni, 2010, ISBN 978-88-902087-4-4