Թըրք Վեն Լեյք
| Թըրք Վեն Լեյք | |
|---|---|
| Բնօրինակ անուն | Turk Van Lake |
| Ի ծնե անուն | Վանիկ Ռուբենի Հովսեփյան |
| Ծնվել է | հունիսի 15, 1918 Բոստոն |
| Երկիր |  ԱՄՆ |
| Մահացել է | սեպտեմբերի 1, 2002 (տարիքը 84) Նյու Յորք, ԱՄՆ |
| Ժանրեր | ջազ, դասական |
| Մասնագիտություն | կիթառիստ, կոմպոզիտոր, գործիքավորող |
| Գործիքներ | կիթառ |
| Գործունեություն | 1940-2000 |
| Կրթություն | Boston Conservatory at Berklee? |
Թըրք Վեն Լեյք (անգլ.՝ Turk Van Lake, իսկական անունը՝ Վանիկ Ռուբենի Հովսեփյան), (հունիսի 15, 1918, Բոստոն - սեպտեմբերի 1, 2002[1]), հայազգի ամերիկացի կոմպոզիտոր, գործիքավորող և ջազային կիթառիստ[2]։
Վանիկ Հովսեփյանը ծնվել է Բոստոնում (Մասսաչուսեթս), Թուրքիայից փախստական հայկական ընտանիքում։ Ընտանիքով տեղափոխվում է Նյու Յորք, որտեղ երաժշտական կրթություն է ստանում Տոտենվիլի բարձրագույն դպրոցում, որտեղ Օտտո Սեզանի ղեկավարությամբ հարմոնիա է ուսումնասիրում։ Հետո ավարտում է կոնսերվատորիան։ Ավարտելուց հետո հետաքրքրվում է ջազով։ Ջազային երաժշտի կարիերան սկսում է Չիք Ուեբի նվագախմբում։ Նվագում է կիթառ, 19 տարեկանում կատարվում է նրա գործիքավորած երաժշտությունը։ 1940-ական թվականներին նվագում է բազմաթիվ ջազ խմբերում։ 1954 թվականին ստեղծում է իր ջազ-քառյակը[3]։ Նրա գործիքավորումները կատարում էին Քաունթ Բեյսին, Լայոնել Հեմփթընը և Բենի Գուդմանը։ Նվագել է Չառլի Բարնեթի, Լայոնել Համփթընի, Բադի Ռիչի, Սառա Վոգանի հետ և Գուդմանի հանրահայտ նվագախմբում[2]։
Մինչև 1993 թվականը Վանիկ Հովսեփյանը դասավանդել է Սթեյթն Այլանդի քոլեջում (անգլ.՝ College of Staten Island)։ Մի շարք գրքերի հեղինակ է եղել, երաժշտական «Մետրոնոմ» ամսագրում հոդվածների շարքի հեղինակ էր, որտեղ գրում էր ջազում կիթառի դերի մասին։ Ստեղծագործել է դասական ոճում, իր իսկական անունով[2]։
Մահացել է 2002 թվականի սեպտեմբերի 1-ին Նյու Յորքի Սթեյթըն Այլանդ ծերանոցում (անգլ.՝ Staten Island nursing home)։
Ծանոթագրություններ
[խմբագրել | խմբագրել կոդը]- ↑ "The Last Post" Jazz Journalists Association. (անգլ.)
- ↑ 2,0 2,1 2,2 "Turk Van Lake - Jazz Guitarist, 84" Նյու Յորք Թայմս. (անգլ.)
- ↑ Տարօրինակ ազգանունով հայը (ռուս.)
| ||||||
