Թամարա Գաբրիելյանը ծնվել է 1911 թվականին Բաքվում։ 1933 թվականին ավարտել է Լենինգրադի բժշկական ինստիտուտի մանկաբուժության ֆակուլտետը։ Երկար տարիներ եղել է Բաքվի Ստեփան Շահումյանի անվան հիվանդանոցի մանկաբույժ։ 1960-1983 թվականներին եղել է Երևանի բժշկական ինստիտուտի մանկաբուժության ամբիոնի վարիչ։ Եղել է Մանկաբույժների համամիութենական ընկերության անդամ, ՀԽՍՀ մանկաբույժների խորհրդի նախագահ։
Աշխատանքները վերաբերում են մալարիայի, լեյշմանիոզի, մարսողության խանգարումների, թունավորումների, թոքաբորբերի, քրոնիկ արյունատարալուծական (հեմոլիտիկ) սակավարյան և ստաֆիլոկոկային արյան վարակման բուժման հարցերին[4][5]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 635)։