Թաբոր լեռ

Թաբոր լեռ
	եբրայերեն՝ הַר תָּבוֹר‎, արաբ․՝ جبل الطور‎‎
Տեսակ	լեռ
Երկիր	Իսրայել
Վարչատարածքային միավոր	Հյուսիսային մարզ
Լեռնաշղթա	Ցաձր Գալիլեա
Մասն է	Ցաձր Գալիլեա
Բարձրությունը ծովի մակարդակից	530 մետր

Անվան այլ կիրառումների համար տե՛ս՝ Թաբոր (այլ կիրառումներ)

Թաբոր լեռ (եբրայերեն՝ הר תבור‎, Տավոր, հուն․՝ Όρος Θαβώρ, արաբ․՝ ‎‎ Ջեբել-Տոր), զառիթափ լանջեր ունեցող, 588մ բարձրությամբ լեռ, որ միայնակ վեր է խոյանում Իզրեելի հարթավայրի արևելյան մասում, Նազարեթ քաղաքից ոչ հեռու։ Այն տարբերվում է Իսրայելի ժայռոտ լեռներից, կոնաձև է և ամբողջովին պատված խիտ բուսականությամբ^[1]։

Անվանում[խմբագրել | խմբագրել կոդը]

Թաբոր (թաբուր) նշանակում է կենտրոնական ուռուցիկ տեղ, պորտ։ Լեռը այդ անունն է ստացել, քանի որ ստորոտից մինչև գագաթ կլոր է։ Գագաթը վերևից փոքր-ինչ սեղմված է և հիշեցնում է աչքի խոռոչ։

Ավանդույթներ[խմբագրել | խմբագրել կոդը]

Հին կտակարանում[խմբագրել | խմբագրել կոդը]

Այստեղ ըստ ավանդության Դատավորների ժամանակաշրջանում Բարակը հավաքել իր բանակը՝ փղշտացիների դեմ պատերազմելու համար^[2]։

Քրիստոնեական ավանդություն[խմբագրել | խմբագրել կոդը]

Առավել հայտնի է Ավետարանի պատմությամբ, որը պատմում է Քրիստոսի պայծառակերպության, իր քարոզչության երրորդ տարվա ամռանը Հիսուսը, աշակերտներից ընտրելով Պետրոսին, Հակոբին և վերջինիս եղբորը՝ Հովհաննեսին, նրանց հետ բարձրանում է Թաբոր լեռը՝ միայնության մեջ աղոթելու.

…լեռ ելավ աղոթքի կանգնելու

- (Ղուկ., Թ, 28)

Աղոթքի պահին, այսինքն հանկարծ «Նրա երեսի տեսքը այլակերպվեց»՝ այստեղից էլ պայծառակերպություն կամ այլակերպություն անվանումը^[3]։ Ավետարանում լեռը երբեք Թաբոր անունով չի հիշատակվում։

Քանի որ Քրիստոնեական եկեղեցին պայծառակերպության վայր է համարում Թաբոր լեռը, որն էլ առիթ դարձավ, որ Կոստանդիանոս Ա Մեծ կայսեր մայրը՝ Հեղինեն, Թաբոր լեռան վրա կառուցի եկեղեցի՝ ի հիշատակ Տիրոջ պայծառակերպվելու^[4]^[5]^[6]^[7]։ Այժմ լեռան գագաթին երկու գործող եկեղեցի կա՝ մեկը ուղղափառ մյուսը՝ կաթոլիկ։ Երկու եկեղեցիներն էլ պնդում են, որ կառուցված են Քրիստոսի պայծառակերպության ճիշտ վայրում.^[8]^[9]