Էրիոն Վելիայ
| Էրիոն Վելիայ | |
| |
| Կուսակցություն՝ | Ալբանիայի սոցիալիստական կուսակցություն |
|---|---|
| Կրթություն՝ | Grand Valley State University? |
| Մասնագիտություն՝ | քաղաքական գործիչ |
| Ծննդյան օր | դեկտեմբերի 17, 1979 (42 տարեկան) |
| Ծննդավայր | Տիրանա, Ալբանիա |
| Քաղաքացիություն |  Ալբանիա
|
| Ինքնագիր | .svg){kind=small}
|
Էրիոն Վելիայ (ալբ․՝ Erion Veliaj, դեկտեմբերի 17, 1979, Տիրանա, Ալբանիա), Ալբանիայի պետական և քաղաքական գործիչ, 2015 թվականի հուլիսի 21-ից զբաղեցնում է Տիրանայի քաղաքապետի պաշտոնը։
Կենսագրություն[խմբագրել | խմբագրել կոդը]
Ծնվել է 1979 թվականի դեկտեմբերի 17-ին Ալբանիայի ժողովրդական Սոցիալիստական Հանրապետության մայրաքաղաք Տիրանայում։ Էրիոնը ԱՄՆ Միչիգան նահանգի Գրանդ Վելի պետական համալսարանում ստացել է քաղաքագիտության բակալավրի աստիճան։ Այնուհետև ստացել է մագիստրոսի աստիճան Մեծ Բրիտանիայի Սուսեքս համալսարանի Եվրոպական ինտեգրման գծով։ Վելիայն ակտիվ մասնակցություն է ունեցել հասարակական և միջազգային կազմակերպությունների, ինչպես նաև զանգվածային լրատվության միջոցների միջոցառումներին։ 2003 թվականին նա հիմնադրել է Ալբանիայի MJAFT! երիտասարդական կազմակերպությունը, որը 2004 թվականին ՄԱԿ-ի քաղաքացիական հասարակության մրցանակ է ստացել։ Էրիոնը ղեկավարում էր MJAFT! շարժումը մինչև 2007 թվականի նոյեմբերը, ապա միացավ Եվրոպական միության ընդլայնման նախաձեռնությանը։ 2011 թվականին Վելիայն անդամակցել է Ալբանիայի սոցիալիստական կուսակցությանը, որտեղ դարձել է երիտասարդության և արտագաղթի հարցերով կուսակցության քարտուղար։ 2013 թվականին ընտրվել է Ազգային ժողովի անդամ։ 2013 թվականի սեպտեմբերից մինչև 2015 թվականի հուլիսը եղել է Ալբանիայի երիտասարդության և բնակչության սոցիալական պաշտպանության նախարար Էդի Ռամայի կառավարությունում։ Ազատ տիրապետում է անգլերեն և իտալերեն լեզուներին, ունի գերմաներեն և ֆրանսերեն լեզուների իմացություն։ 2016 թվականին մասնակցել է Մոսկվայի ուրբանիստական համաժողովին[1][2]։
Ծանոթագրություններ[խմբագրել | խմբագրել կոդը]
- ↑ «Мэры городов мира на Московском урбанистическом форуме 2016 | РЭЭ»։ Արխիվացված է օրիգինալից 2019-08-10-ին։ Վերցված է 2019-10-03
- ↑ На Московском урбанистическом форуме эксперты СРГ встретились с Эрионом Велиай - Мэром Тираны | Союз Российских Городов
Արտաքին հղումներ[խմբագրել | խմբագրել կոդը]
- Էրիոն Վելիայի կենսագրությունը Archived 2015-05-03 at the Wayback Machine. (անգլ.)
