Էռնեստ Քլայն

Վիքիպեդիայից՝ ազատ հանրագիտարանից
Jump to navigation Jump to search
Էռնեստ Քլայն
Ernest Cline by Gage Skidmore.jpg
Ծննդյան անունանգլ.՝ Ernest Christy Cline
Ծնվել էմարտի 29, 1972(1972-03-29)[1] (47 տարեկան)
ԾննդավայրAshland, Օհայո, ԱՄՆ
Մասնագիտությունգրող
Լեզուանգլերեն[2]
ՔաղաքացիությունFlag of the United States.svg ԱՄՆ
Ժանրերգիտական ֆանտաստիկա
Ուշագրավ աշխատանքներReady Player One?
Կայքernestcline.com
Ernest Cline Վիքիպահեստում

Էռնեստ Քլայն (անգլ.՝ Ernest Cline, մարտի 29, 1972(1972-03-29)[1], Ashland, Օհայո, ԱՄՆ), ամերիկացի գրող, սցենարիստ և ասմունքող։ Առավել հայտնի է որպես «Պատրաստվի առաջին խաղացողը» (2011) և «Արմադա» (2015) գիտաֆանտաստիկական վեպերի հեղինակ։ Գրել է համանուն վեպի հիման վրա նկարահանված «Պատրաստվի առաջին խաղացողը»[3][4] (այլ թարգմանությամբ՝ «Առաջին խաղացողը պատրաստվի»[5], 2018) ֆիլմի սցենարը։

Կենսագրություն[խմբագրել | խմբագրել կոդը]

Էռնեստ Քլայնը ծնվել է ԱՄՆ Օհայո նահանգի Էլլենդ քաղաքում, Ֆայե Իմոջինի (Ուիլյամս) և Էռնեստ Քրիստի Քլայնի ընտանիքում[6]։ Նա ունի կրտսեր եղբայր՝ Էրիկը, որը դարձել է ԱՄՆ ծովային հետևակի կորպուսի մայոր և մասնագիտացել պայթյունավտանգ առարկաների վնասազերծման բնագավառում[7]։ 2016 թվականին Էռնեստ Քլայնն ամուսնացել է բանաստեղծուհի և գրող-վավերագիր Քրիստին Օ’Քիֆ Էպտովիչի հետ, որի հետ ծանոթացել էր 1998 թվականին Ազգային սլեմ-մրցույթում[8]։ Քլայնի ամենասիրելի տեսախաղը «Black Tiger» պլատֆորմերն է, որ կարևոր դեր է կատարում նրա «Պատրաստվի առաջին խաղացողը» վեպում[9]։

Սլեմ[խմբագրել | խմբագրել կոդը]

1997-2001 թվականներին Էռնեստ Քլայնը մասնակցել է Օսթինյան սլեմ-մրցույներին, որտեղ երկու անգամ հաղթել է (1998 և 2001 թվականներին)։ Օսթինյան սլեմ թիմերի կազմում մասնակցել է Ազգային օսթինյան սլեմ-մրցույթին 1998 թվականին և Ազգային սիթլյան սլեմ-մրցույթին 2001 թվականին[10][11]։ Քլայնի ամենահայտնի բանաստեղծություններից են՝ «Պարեք, կապիկներ, պարեք» (անգլ.՝ Dance, Monkeys, Dance), «Նյորդի հեղինակային պոռնո» (անգլ.՝ Nerd Porn Auteur) և «Երբ ես երեխա էի» (անգլ.՝ When I Was a Kid)[12][13]։

Սցենարներ[խմբագրել | խմբագրել կոդը]

1996 թվականին Քլայնը գրել և համացանցում ազատ հասանելությամբ հրապարակել է «Բաքարու Բանզայն ընդդեմ համաշխարհային հանցագործ լիգայի» սցենարը, որը հայտարարվել է որպես «Բաքարու Բանզայի արկածները։ Ութերորդ չափման միջով» (1984) ֆիլմի շարունակություն[14]։

1998 թվականին Քլայնը դարձել է «Երկրպագուներ» սցենարի հեղինակը, որը հետաքրքրություն է առաջացրել Օսթինում. մասնավորապես կինոքննադատ Գարրի Նոուլզն այն հիշատակել է իր «Մի՞թե զիլ չեն այս նորությունները» կայքում։ 2005 թվականի վերջին «The Weinstein Company» կինոընկերությունը գնել է «Երկրպագուների» սցենարը, իսկ 2009 թվականին թողարկվել է համանուն ֆիլմը, որում գլխավոր դերերը կատարել են Սեմ Հանթինգտոնը, Քրիս Մարքեթը, Դեն Ֆոգլերը, Ջեյ Բարուշելը և Քրիստեն Բելը[15]։

2008 թվականի ամռանը «Lakeshore Entertainment» կինոընկերությունը հայտարարել է, որ պատրաստվում է էկրանավորել Քլայնի «Սանդերքեյդ» սցենարը, որը պատմում է չափահաս խաղամոլի մասին, որը մեկնում է մասնակցելու աշխարհի խոշորագույն խաղային առաջնությանը՝ «Սանդերքեյդին», որպեսզի վերադարձնի իր նախկին փառքն այն բանից հետո, երբ մի դեռահաս գերազանցել էր դեռահասության տարիքում իր սահմանած ռեկորդը[16][17]։

Դրանից բացի Քլայնի հետ պայմանավորվածություն է ձեռք բերվել իր «Պատրաստվի առաջին խաղացողը» և «Արմադա» վեպերի էկրանավորումների համար սցենարներ գրելու վեաբերյալ[18][19]։

Գեղարվեստական ստեղծագործություններ[խմբագրել | խմբագրել կոդը]

2010 թվականի հունիսին Քլայնը վաճառել է իր «Պատրաստվի առաջին խաղացողը» առաջին գիտաֆանտաստիկական վեպը «Crown Publishing Group» հրատարակչությանը, իսկ վեպն էկրանավորելու իրավունքն ստացել է «Warner Bros.» կինոընկերությունը[20]։ Տասը ամիս անց լույս է տեսել գիրքը միաժամանակ կոշտ և փափուկ կազմերով, իսկ Քլայնն իր բլոգում հայտնել է, որ երկու կազմերն էլ ներառում են վիրտուալ Զատկի ձու՝ խաղերի շարքի հղում, որոնք բոլորը պետք է անցնել և վերջում սահմանել համաշխարհային ռեկորդ։ Մրցության գլխավոր մրցանակը եղել է 1981 թվականի DeLorean սպորտային մեքենան։ 2012 թվականին հաղթել է Քրեգ Քվին անունով մասնակիցը[21]։ Նույն 2012 թվականին այդ ստեղծագործությունն արժանացել է «Պրոմեթեևս» մրցանակի որպես լավագույն վեպ[22]։

Գրողի երկրորդ գիտաֆանտաստիկական վեպը՝ «Արմադա», լույս է տեսել 2015 թվականի հուլիսի 14-ին[23]։ 2015 թվականի դեկտեմբերի 7-ին հայտնի է դարձել, որ Քլայնը գրքի էկրանավորման իրավունքը վաճառել է «Universal Pictures» կինոընկերությանը և դրա համար ստացել յոթանիշ թվով գումար։ 2015 թվականի օգոստոսին հայտնի է դարձել, որ գրողն աշխատում է իր երրորդ վեպի վրա, որ կոչվում է «Պատրաստվի երկրորդ խաղացողը»[24]։

Ըստ The Columbus Dispatch թերթի լրագրող Մայքլ Գրոսբերգի՝ «Օհայոյի բնակիչ Էռնես Քլայնի ... վեպերն ու Հոլիվուդի համար գրված սցենարները, որ արտացոլում են նրա տարվածությունը վիրտուալ իրականությամբ և արկադային ռետրո խաղերով, միշտ լավն են»[25]։

Ծանոթագրություններ[խմբագրել | խմբագրել կոդը]

  1. 1,0 1,1 Internet Speculative Fiction Database — 1995.
  2. data.bnf.fr: տվյալների բաց շտեմարան — 2011.
  3. «Պատրաստվի առաջին խաղացողը» ֆիլմի նոր թրեյլերը
  4. Սթիվեն Սփիլբերգը կինոյի պատմության մեջ ռեկորդային եկամուտ է ստացել
  5. Սփիլբերգը առաջին անգամ կինոյի պատմության մեջ ավելի քան 10 մլրդ դոլար է աշխատել
  6. «Ernest Christy Cline (b. 1972)»։ birth-records.mooseroots.com։ Արխիվացված է օրիգինալից 2015-04-23-ին։ Վերցված է 9 September 2017 
  7. «Ernie’s Fanboys Journal – PART 3: ERIC CLINE – Ernie's Blog»։ www.ernestcline.com։ Վերցված է 9 September 2017 
  8. «VOWS: "Cristin Aptowicz, Ernest Cline"»։ The New York Times։ June 19, 2016 
  9. Видео, в котором Клайн рассказывает об игре на youtube.com.
  10. «Postscripts: Bloomin' Poets – Books»։ The Austin Chronicle։ Վերցված է 2014-02-24 
  11. Smith Clay (2001-07-13)։ «Postscripts»։ The Austin Chronicle։ Վերցված է 2014-02-24 
  12. Wheaton Wil (2011-08-15)։ «You want to accept Anorak’s Invitation. Trust me.»։ Wilwheaton.net։ Վերցված է 2014-02-24 
  13. Whittaker Richard (2012-10-27)։ «Wizard World: Wil Wheaton Versus the Burrito»։ The Austin Chronicle։ Վերցված է 2014-02-24 
  14. «Buckaroo Banzai Against the World Crime League by Ernest Cline»։ www.ernestcline.com։ Վերցված է 9 September 2017 
  15. «Contact Weistein Co. To See Fanboys In Your City»։ TheForce.net։ Վերցված է 2014-02-24 
  16. «Lakeshore picks up 'Thundercade'»։ 9 April 2008։ Վերցված է 9 September 2017 
  17. Fleming Tatiana Siegel,Michael (9 April 2008)։ «Lakeshore’s game for ‘Thundercade’»։ Վերցված է 9 September 2017 
  18. Fleming Mike (2010-06-18)։ «Deadline Hollywood – Warner Bros and De Line Pictures Win Book Auction For Ready Player One»։ Deadline.com։ Վերցված է 2014-02-24 
  19. «Universal sets sail with ‘Armada’»։ Variety։ 2012-12-06։ Վերցված է 2014-02-24 
  20. [1] Archived November 21, 2010, at the Wayback Machine.
  21. «Ready Player One DeLorean prize awarded»։ Boing Boing։ Վերցված է 26 April 2015 
  22. Prometheus Best Novel Award Winners на kickasstorrent.proxyindex.eu
  23. «A Long Overdue Update»։ Ernie's Blog։ Վերցված է 15 February 2015 
  24. Busch Anita (10 August 2015)։ «‘Ready Player One’ Author Ernest Cline Seals Monster Deal For Next Book; All Eyes On Film Rights»։ Վերցված է 9 September 2017 
  25. Michael Grossberg: Geeky Ohio author succeeds with sci-fi novels, films. В: The Columbus Dispatch 31 июля 2015.

Արտաքին հղումներ[խմբագրել | խմբագրել կոդը]