Էռնա Յուզբաշյան

Վիքիպեդիայից՝ ազատ հանրագիտարանից
Էռնա Յուզբաշյան
Ծնվել էդեկտեմբերի 16, 1958(1958-12-16) (65 տարեկան)
Երևան, Հայկական ԽՍՀ, ԽՍՀՄ
Երկիր Հայաստան և  ԱՄՆ
Ժանրերէստրադա, փոփ և ջազ
Մասնագիտություներգչուհի
Գործիքներվոկալ
Պարգևներ
Հայաստանի վաստակավոր արտիստ

Էռնա Նիկոլայի Յուզբաշյան (դեկտեմբերի 16, 1958(1958-12-16), Երևան, Հայկական ԽՍՀ, ԽՍՀՄ), հայ երգչուհի։ Հայաստանի վաստակավոր արտիստ (2015)[Ն 1]։

Կենսագրություն[խմբագրել | խմբագրել կոդը]

Էռնա Յուզբաշյանը ծնվել է 1958 թվականին, Երևանում։ Առաջին անգամ բեմ է բարձրացել 16 տարեկան հասակում որպես «Գայա» պետական ջազային կվարտետի մենակատար։ Մինչև 20 տարեկան ապրել է Բաքվում[2]։ 1979 թվականին ավարտել է Բաքվի պետական երաժշտական ուսումնարանը։ Բաքվում բարձրագույն կրթություն ստանալուց հետո տեղափոխվել է Երևան։ 1980 թվականին «Սերպանտին» վոկալ-գործիքային անսամբլի հետ հյուրախաղերով ելույթ է ունեցել Ուկրաինայում և Մոլդովայում, համագործակցել է հայ սովետական հայտնի հայազգի կոմպոզիտոր Ռոբերտ Ամիրխանյանի հետ, մասնակցել տարբեր երաժշտական մրցույթների, արժանացել մրցանակների[3] 1982 թվականից հանդես է եկել Կոնստանտին Օրբելյանի ղեկավարած Հայաստանի պետական էստրադային նվագախմբում[4], 1984 թվականից հանդես է գալիս որպես անհատ երգչուհի։ Մասնակցել է բազմաթիվ միջազգային երաժշտական մրցույթների, փառատոների, հեռուստահաղորդումների և ունեցել բազմաթիվ նվաճումներ։ 1988 թվականին հրավիրվել է Երևանի պետական ջազ քոլեջում դասավանդելու էստրադային վոկալ[5]։ 1991 թվականին հրավիրվել է Հայաստանի ժողովրդական արտիստ Արթուր Գրիգորյանի ղեկավարած Հայաստանի Երգի պետական թատրոն՝ որպես գլխավոր մենակատար[2]։ 1994 թվականին տեղափոխվել է ԱՄՆ՝ Լոս Անջելես[6], մշտական բնակության, որտեղ շարունակում է մասնագիտական գործունեություն ծավալել, ակտիվ կերպով մասնակցում է տեղի հայ և ռուս համայնքների մշակութային կյանքին, համագործակցում է բազմաթիվ հայ երաժիշտների ու երգիչների հետ[7]։ 2010 թվականին Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնում կայացավ էռնայի մենահամերգը «Միայն քեզ համար» խորագրով[8][9]՝ Գյումրիում։ 2013 թվականին իր «Ընտրյալը» խորագրով մենահամերգով ներկայացրեց էսրադային երգի օրը Էմիլ Կարատի կազմակերպած «Երաժշտական շաբաթը Երևանում» փառատոնին։ 2015 թվականին մենահամերգներով նշեց իր գործունեության 35 տարին՝ հանդես գալով Գյումրիում, Ստեփանակերտում, ինչպես նաև թողարկեց "The Best" (Լավագույնը) սկավառակը։

Պարգևներ[խմբագրել | խմբագրել կոդը]

  • 1989 թվականին նրան շնորհվել է Հայաստանի ԽՍՀ-ի Լենինյան Կոմսոմոլուհի մրցանակը։
  • 2015 թվականին Էռնա Յուզբաշյանն արժանացել է Հայաստանի վաստակավոր արտիստի կոչման։

Ընտանիք[խմբագրել | խմբագրել կոդը]

Էռնան ունի մեկ աղջիկ՝ Ալեքսանդրան։

Պարգևներ, մրցանակներ[խմբագրել | խմբագրել կոդը]

  • «Տարվա երգ» մրցույթի դափնեկիր, 1986
  • Բելգրադի «Մեսամ» միջազգային մրցույթում ներկայացրել է Խորհրդային Միությունը և զբաղեցրել 3-րդ տեղ, 1987
  • Հայաստանի ԼԿԵՄ դափնեկիր, 1989
  • Հայաստանի վաստակավոր արտիստ, 2015

Երաժշտական ֆիլմեր[խմբագրել | խմբագրել կոդը]

  • Էռնա Յուզբաշյան. «Սիրո երգեր»՝ Երևան կինոստուդիա, 1983 թվական։

Սկավառակագրություն[խմբագրել | խմբագրել կոդը]

Սինգլներ

  • 1982 թվական - «Красная гвоздика-81»

«Вставайте». Ընկերություն «Мелодия». Վինիլային սկավառակ;

  • 1981 թվական «Кругозор». № 10. «Улыбнись»(Ժպտա);
  • 1982 թվական «Էռնա Յուզբաշյան»

«Вставайте»(Վեր կացեք), «Улыбнись»(Ժպտա). Ընկերություն՝ «Мелодия»;

  • 1983 թվական «Հայաստանի պետական էստրադային նվագախումբ» (գեղ. ղեկավար Կոնստանտին Օրբելյան). Ընկերություն՝ «Мелодия». Սկավառակ.

«Улыбнись» (Ժպտա) «Сто часов счастья» (Երջանկության հարյուր ժամ)

«Уезжают друзья и любимые» (Հեռանում են ընկերներն ու սիրելիները) «Я собрала твою любовь» (Ես հավաքեցի քո սերը) «Вокализ» (Ոկալիզ)

Ալբոմներ[խմբագրել | խմբագրել կոդը]

Տարի Անվանում
2011 «Սիրո Գիշեր»
2015 «The Best»

Տեսահոլովակներ[խմբագրել | խմբագրել կոդը]

Տարի Անվանում Ռեժիսոր
1983 Մեղեդի ԽՍՀՄ
1988 Վանիր Ինձ Հրանտ Մեվսիսյան
2005 Ինչպես Մի Աստղ Հրանտ Վարդանյան
200ջ Մեղեդի Հրաչ Քեշիշյան
2008 Уезжают друзья и любимые
2008 Я собрала твою любовь
2009 Գիտեմ Արման Աղաջանյան
2009 Այն չեմ Արման Աղաջանյան
2010 Երանում եմ Հրանտ Մովսիսյան

Նշումներ[խմբագրել | խմբագրել կոդը]

  1. 2018 թվականին հրաժարվել է կոչումից՝ ի սատարումն բողոքի երթերի մասնակիցների[1]։

Ծանոթագրություններ[խմբագրել | խմբագրել կոդը]

  1. «Էռնա Յուզբաշյանը հրաժարվել է վաստակավոր արտիստի կոչումից - Հետք - Լուրեր, հոդվածներ, հետաքննություններ».
  2. 2,0 2,1 Baghdasaryan, Aram. «AV Production - Էռնա Յուզբաշյան». avproduction.am. Արխիվացված է օրիգինալից 2017 թ․ հոկտեմբերի 5-ին. Վերցված է 2017 թ․ հոկտեմբերի 31-ին.
  3. ««Գլենդելում ո՞ւմ է պետք վաստակավոր արտիստուհի Էռնա Յուզբաշյանը, ծիծաղելի է»». Առավոտ. 2015 թ․ հոկտեմբերի 27. Վերցված է 2017 թ․ նոյեմբերի 1-ին.
  4. Էռնա Յուզբաշյան. Օրբելյանական սերունդը հրաժեշտ է տալիս
  5. «Էռնա Յուզբաշյան. Կարող եմ թուրք էլ սպանել, եթե պետք լինի. Լուսանկարներ - Այսօր՝ թարմ լուրեր Հայաստանից». www.aysor.am (անգլերեն). Վերցված է 2017 թ․ հոկտեմբերի 31-ին.
  6. http://blognews.am/arm/news/281683/erna-yuzbashyan-amn-um-ergum-ei-restorannerum-ayntex-ergchin-bavakan-lav-en-vtcharum.html
  7. Էռնա Յուզբաշյան.“Ես և Արթուր Գրիգորյանը եկեղեցի ենք գնացել և քույր ու եղբայր դարձել”
  8. Mediamax. «Էռնա Յուզբաշյան». bravo.am. Վերցված է 2016 թ․ դեկտեմբերի 17-ին.
  9. «Էռնա Յուզբաշյան. Իմ հանդիսատեսին նվիրելու եմ էմոցիաներով լի համերգ». ArmStar. Վերցված է 2016 թ․ դեկտեմբերի 17-ին.

Արտաքին հղումներ[խմբագրել | խմբագրել կոդը]