Էմիլիա Ռեջեպի
| Էմիլիա Ռեջեպի | |
| |
| Մասնագիտություն՝ | քաղաքական գործիչ |
|---|---|
| Ծննդյան օր | հուլիսի 15, 1973[1] (50 տարեկան) |
| Ծննդավայր | Պրիզրեն, Կոսովո[1] |
| Քաղաքացիություն |  Կոսովո
|
Էմիլիա Ռեջեպի (ալբ․՝ Emilija Redžepi, հուլիսի 15, 1973[1], Պրիզրեն, Կոսովո[1]), կոսովացի քաղաքական և պետական գործիչ, Բոսնիայի ազգային փոքրամասնության շահերը ներկայացնող Նոր դեմոկրատական կուսակցության նախագահ։ 2021 թվականի մարտի 22-ից հանդիսանում է Կոսովոյի երրորդ փոխվարչապետի պաշտոնակատար՝ փոքրամասնությունների և մարդու իրավունքների հարցերով։ Նախկինում եղել է Վարչակազմի և տեղական ինքնակառավարման նախարար (2020)[2], Կոսովոյի խորհրդարանի պատգամավոր (2014-2020)[3][4]։
Կենսագրություն[խմբագրել | խմբագրել կոդը]
Էմիլիա Ռեջեպին ծնվել է 1973 թվականի հուլիսի 15-ին, Հարավսլավիայի Սոցիալիստական Ֆեդերատիվ Հանրապետության Պրիզրեն քաղաքում[4]։ Ստացել է բարձրագույն մանկավարժական կրթություն և քաղաքագիտության մագիստրոսի աստիճան[3][4]։
Եղել է Պրիզրեն քաղաքի մունիցիպալ խորհրդի անդամ, Պրիզրենի ընդհանուր ժողովի փոխնախագահ և տնտեսական զարգացման և էներգետիկայի փոխնախարար[3]։ Կոսովոյում բոսնիական համայնքը ներկայացնում է երեք քաղաքական կուսակցություններից կազմված «Վակատ» կոալիցիան։ 2010 թվականի խորհրդարանական ընտրություններից առաջ Էմիլիա Ռեջեպին 2009 թվականին հիմնադրել է Նոր դեմոկրատական կուսակցությունը։ Նա դարձել է Կոսովոյում քաղաքական կուսակցություն գլխավորող առաջին կինը[3]։ 2010 թվականի ընտրություններից հետո կուսակցությունը ստացել է մեկ տեղ խորհրդարանում և պահպանել այդ արդյունքը հետագա ընտրություններում։ 2014 թվականի խորհրդարանական ընտրություններից հետո Ռեջեպին առաջին անգամ ընտրվել է Կոսովոյի խորհրդարանի պատգամավոր[3]։ 2017 թվականին վերընտրվել է։
Կոսովոյի սահմանադրության համաձայն՝ մեկ նախարարություն պետք է ղեկավարի ազգային փոքրամասնություններից մեկի ներկայացուցիչը։ Որպես բոսնիական ազգային փոքրամասնության ներկայացուցիչ՝ Էմիլիա Ռեջեպին մտել է 2019 թվականի խորհրդարանական ընտրությունների արդյունքներով ստեղծված Կուրտիի առաջին կաբինետ։ Էմիլիա Ռեջեպին ստացել է վարչակազմի և տեղական ինքնակառավարման նախարարի պաշտոնը։ 2020 թվականի փետրվարի 3-ին Կոսովոյի խորհրդարանը հաստատել է Կուրտիի կառավարությունը[2]։ Մարտի 25-ին խորհրդարանը անվստահություն է հայտնել Կուրտիի կառավարությանը՝ COVID-19 համավարակի պատճառով արտակարգ դրություն հայտարարելուց հրաժարվելու համար[5][6]։
Որպես բոսնիական ազգային փոքրամասնության ներկայացուցիչ՝ Էմիլիա Ռեջեպին մտել է 2021 թվականի խորհրդարանական ընտրությունների արդյունքներով ստեղծված Կուրտի երկրորդ կաբինետ[7]։ Էմիլիա Ռեջեպին ստացել է փոքրամասնությունների և մարդու իրավունքների հարցերով երրորդ փոխվարչապետի պաշտոնը։
Տիրապետում է բոսնիերեն (սերբախորվաթերեն), ալբաներեն, թուրքերեն և անգլերեն լեզուներին[3][4]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 https://assembly-kosova.org/eng/deputydetails/?deputy=254
- ↑ 2,0 2,1 «Former ministers» (անգլերեն). Ministry of Local Government Administration. Արխիվացված օրիգինալից 2021 թ․ ապրիլի 27-ին. Վերցված է 2021 թ․ ապրիլի 9-ին.
- ↑ 3,0 3,1 3,2 3,3 3,4 3,5 «Emilija Redžepi» (սերբա-խորվաթերեն). Skupština Kosova. Արխիվացված օրիգինալից 2021 թ․ ապրիլի 16-ին. Վերցված է 2021 թ․ ապրիլի 9-ին.
- ↑ 4,0 4,1 4,2 4,3 «Emilija Redžepi» (անգլերեն). Assembly of the Republic of Kosovo. 2019. Արխիվացված է օրիգինալից 2020 թ․ նոյեմբերի 25-ին. Վերցված է 2021 թ․ ապրիլի 9-ին.
- ↑ «Парламент непризнанного Косова вынес вотум недоверия правительству Албина Курти». ТАСС. 2020 թ․ մարտի 26. Արխիվացված օրիգինալից 2020 թ․ ապրիլի 3-ին. Վերցված է 2020 թ․ ապրիլի 3-ին.
- ↑ «Парламент Косово выразил недоверие премьеру из-за мер против COVID-19». РИА Новости. 2020 թ․ մարտի 26. Արխիվացված օրիգինալից 2020 թ․ հոկտեմբերի 20-ին. Վերցված է 2020 թ․ ապրիլի 3-ին.
- ↑ «Из всех участников негласной сдачи Косово остался один Вучич». ИА REGNUM. 2021 թ․ մարտի 26. Արխիվացված օրիգինալից 2021 թ․ մարտի 26-ին. Վերցված է 2021 թ․ ապրիլի 9-ին.
