Էլզա Այնշտայն

Վիքիպեդիայից՝ ազատ հանրագիտարանից
Jump to navigation Jump to search
Էլզա Այնշտայն
գերմ.՝ Elsa Einstein
Bundesarchiv Bild 102-00486A, Elsa Einstein.jpg
Ծնվել էհունվարի 18, 1876(1876-01-18)[1]
ԾննդավայրHechingen[2]
Մահացել էդեկտեմբերի 20, 1936(1936-12-20)[1] (60 տարեկանում)
Մահվան վայրՓրինսթոն, Մերսեր շրջան, Նյու Ջերսի, ԱՄՆ[2]
ՔաղաքացիությունFlag of Germany.svg Գերմանիա
Ազգությունհրեա
Կրոնհուդայականություն
Մասնագիտությունքաղաքական գործիչ
ԱմուսինԱլբերտ Այնշտայն
Ծնողներհայր՝ Rudolf Einstein?, մայր՝ Fanny Koch?
Elsa Einstein Վիքիպահեստում

Էլզա Այնշտայն (գերմ.՝ Elsa Einstein, հունվարի 18, 1876(1876-01-18)[1], Hechingen[2] - դեկտեմբերի 20, 1936(1936-12-20)[1], Փրինսթոն, Մերսեր շրջան, Նյու Ջերսի, ԱՄՆ[2]), Ալբերտ Այնշտայնի զարմուհին և երկրորդ կինը։ Ի ծնե Էլզայի ազգանունը Այնշտայն է եղել, բայց փոխել է այն իր առաջին ամուսնու՝ Մաքս Լուենթալի ազգանվամբ, իսկ երբ 1919 թվականին ամուսնացել է Ալբերտի հետ, վերականգնել է այն։

Կենսագրություն[խմբագրել | խմբագրել կոդը]

Էլզան՝ Ռուդոլֆ Այնշտայինի դուստրը, ծնվել է 1876 թվականին Հեխինգենում[3]։ Նա երկու քույրեր ուներ՝ Պաոլան (1878–1955) և Հերմինեն (1872–1942)։ Ռուդոլֆը կտորեղենի արտադրությամբ էր զբաղվում Հեխինգենում։ Մյունխեն կատարած ընտանեկան մշտական այցլելությունների ընթացքում նա հաճախ խաղում էր իր զարմիկ Ալբերտի հետ։ Իր Շվաբական ակցենտով նա Ալբերտին կոչում էր «Ալբերտլ»[4]: Նրանց ճանապարհները բաժանվեցին, երբ 1894 թվականին Ալբերտը լքեց Գերմանիան՝ հետևելու իր ընտանիքին դեպի Միլան։

Ամուսնական կյանքը[խմբագրել | խմբագրել կոդը]

1896 թվականին Էլզան ամուսնացավ կտորեղենի վաճառքով զբաղվող Մաքս Լուենթալի հետ (1864–1914), ով Բեռլինից էր։ Նրանք երեք երեխա ունեցան՝ Իլսը, Մարգոթը և մի որդի, ով մահացել է ծնվելուց կարճ ժամանակ անց 1903 թվականին։ Նրանք միասին ապրել են Հեխիգենում։ 1902 Մաքս Լուենթալը աշխատանքի անցավ Բեռլինում։ Նա բաժանվեց Մաքսից 1908 թվականի մայիսի 11-ին[3][4] և իր երկու դստրերի հետ տեղափոխվեց Հաբերլենդտրաս իր ծնողների բննակարանից մի հարկ վերև ապրելու[3] Բեռլինում[3]։

Էլզա Այնշտայնը ամուսնու՝ Ալբերտ Այնշտայնի հետ

Նա հարաբերություններ սկսեց իր զարմիկ Ալբերտ Այնշտային հետ 1912 թվականին, երբ Ալբերտը դեռևս ամուսնացած էր իր առաջին կնոջ՝ ֆիզիկոս Միլևա Մարիչի հետ[5]։ Ալբերտը Մաիչից վերջնականապես բաժանվեց 1919 թվականի փետրվարի 4-ին և ամուսնացավ Էլզայի հետ 1919 թվականի հունիսի 2-ին[6]։ Էլզայի և Ալբերտի մայրերը քույրեր էին, իսկ նրանց հայրերը՝ զարմիկներ[4]:

Ծանոթագրություններ[խմբագրել | խմբագրել կոդը]