Էլդար Մահմուդով

Վիքիպեդիայից՝ ազատ հանրագիտարանից
Jump to navigation Jump to search
Էլդար Մահմուդով
Eldar Mahmudov.jpeg
 
Կրթություն՝ Բաքվի պետական համալսարան և Ադրբեջանի պետական տնտեսագիտական համալսարան
Մասնագիտություն՝ քաղաքական գործիչ և զինծառայող
Դավանանք իսլամ
Ծննդյան օր նոյեմբերի 28, 1956(1956-11-28) (62 տարեկան)
Ծննդավայր Բաքու, ԱԽՍՀ, ԽՍՀՄ
Քաղաքացիություն Flag of Azerbaijan.svg Ադրբեջան
Հայր Q12849916?
 
Պարգևներ

«Ադրբեջանական դրոշ» շքանշան

Էլդար Ահմեդ օղլի Մահմուդով (ադրբ.՝ Eldar Əhməd oğlu Məhmudov, նոյեմբերի 28, 1956(1956-11-28), Բաքու, ԱԽՍՀ, ԽՍՀՄ), ադրբեջանցի պետական գործիչ, Ադրբեջանի ազգային անվտանգության նախկին նախարար, գեներալ-գնդապետ:

Կենսագրություն[խմբագրել | խմբագրել կոդը]

Ծնվել է 1956 թվականի նոյեմբերի 28-ին Բաքվում, գիտնականների ընտանիքում: 1978 թվականին ավարտել է Ադրբեջանի պետական տնտեսագիտական համալսարանի ֆինանսավարկային ֆակուլտետը, 1993 թվականին ավարտել է Բաքվի պետական համալսարանի փաստաբանական ֆակուլտետը: Զինված ուժերի շարքերում շտապ ծառայություն է անցել: Ամուսնացած է ունի երեք երեխա:

Աշխատանքը ՆԳՆ-ում[խմբագրել | խմբագրել կոդը]

1980-2004 թվականներին ծառայել է Ադրբեջանի ներքին գործերի նախարարության մարմիններում: Աշխատել է կազմակերպված հանցավորության դեմ պայքարի և քրեական հետախուզության կառույցներում: 1993 թվականին նշանակվել է թմրանյութերի դեմ պայքարի բաժնի պետ, որոշ ժամանակ անց նա դառնում է նույն վարչության պետի տեղակալ:

1993-2003 թվականներին եղել է տնտեսության ոլորտում օպերատիվ-համակարգող բյուրոյի և տնտեսական հանցագործությունների դեմ պայքարի վարչության պետ: 2004 թվականի սկզբին նշանակվել է թմրանյութերի դեմ պայքարի գլխավոր վարչության պետ:

Պարբերաբար ներկայացրել է Ադրբեջանի Հանրապետությունը տարբեր կոնֆերանսների և սեմինարների ժամանակ, որոնք նվիրված են եղել ահաբեկչության դեմ պայքարին, կորուպցիային, թրաֆիքինգին, թմրանյութերի անօրինական շրջանառությանը: Անմիջական մասնակցություն է ունեցել բազմաթիվ միջազգային-իրավական փաստաթղթերի մշակման գործում, այդ թվում ՄԱԿ-ի կոռուպցիայի դեմ կոնվենցիայի մշակմանը: Բազմիցս խրախուսվել է օպերատիվ-ծառայողական գործունեությունների ժամանակ լավագույն ցուցանիշներ ցուցադրելու համար:

Ադրբեջանի Հանրապետության ԱԱՆ ղեկավար[խմբագրել | խմբագրել կոդը]

Ադրբեջանի Հանրապետության նախագահի 2004 թվականի հուլիսի 23-ի №320 հրամանով նշանակվել է Ազգային անվտանգության նախարար, նաև նույն հրամանով նրան շնորհվել է գեներալ-մայորի կոչում:

2009 թվականի հոկտեմբերի 16-ին պարգևատրվել է Լեհաստանի Հանրապետության Մեծ սպայական շքանշանով[1]:

2014 թվականին Ադրբեջանի նախագահի կարգադրությամբ Էլդար Մահմուդովին շնորհվել է գենեռալ-գնդապետի կոչում:

2015 թվականի հոկտեմբերի 17-ին Արդբեջանի նախագահի հրամանով Մահմուդովը ազատվել է զբաղեցրած պաշտոնից:


Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]