Զուխրա Հայրապետյան

Վիքիպեդիայում կան հոդվածներ Հայրապետյան ազգանունով այլ մարդկանց մասին։

Զուխրա Հայրապետյան
հունվարի 14, 1949(1949-01-14) (75 տարեկան) -
Ծննդավայր	Ստեփանակերտ, Ադրբեջանական ԽՍՀ, ԽՍՀՄ
Մարտեր/ պատերազմներ	Արցախյան ազատամարտ
Պարգևներ	Արցախի Հանրապետության «Շուշիի ազատագրման համար» մեդալ

Զուխրա Հայրապետյան (հունվարի 14, 1949, Ստեփանակերտ), հայ ազատամարտիկ, բուժքույր։

Կենսագրություն

Ավարտել է Ստեփանակերտի բժշկական ուսումնարանը (1967)։ 1970-1991 թվականներին աշխատել է Ստեփանակերտի շտապ բժշկական օգնության կայանում։ 1992-1993 թվականներին՝ Փրկարարական ծառայության վաշտի 1-ին դասակի ազատամարտիկ, 1987-1994 թվականներին՝ Կենտրոնական պաշտպանական շրջանի գումարտակի բուժկետի պետ, 1994 թվականից՝ Ստեփանակերտի շտապ բժշկական օգնության կայանի ավագ բուժքույր։

1991-1994 թվականներին մասնակցել է Շուշիի (Մալիբեկլու), Ասկերանի (Խոջալու), Մարտակերտի (Հացավան), Աղդամի, Ֆիզուլիի, Ջաբոսյիլի շրջանների ինքնապաշտպանական և ազատագրական մարտերին։

Պարգևներ

Պարգևատրվել է ԼՂՀ «Շուշիի ազատագրման համար» մեդալով և «Մայրական երախտագիտություն Արցախի քաջորդիներին» հուշամեդալով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։