«Շուշիի ազատագրման համար» մեդալ
| «Շուշիի ազատագրման համար» մեդալ | |
|---|---|
| Երկիր |  Արցախ |
| Տեսակ | պարգև և award medal? |
| Վիճակագրություն | |
| Հերթականություն | |
| Ավագ պարգև | «Մարտական ծառայություն» մեդալ |
| Կրտսեր պարգև | «Մխիթար Գոշ» մեդալ |
«Շուշիի ազատագրման համար» մեդալ, Արցախի Հանրապետության պետական պարգև, որով պարգևատրվում են Արցախի Հանրապետության Պաշտպանության բանակի, ազգային անվտանգության պետական վարչության, ներքին գործերի նախարարության այն զինծառայողները, կամավորական ջոկատների ազատամարտիկները, ովքեր Շուշիի ազատագրման և այդ գործողության ընթացքում մյուս բնակավայրերի ազատագրման անմիջական մասնակիցներն են, ինչպես նաև Շուշիի ազատագրման կազմակերպիչներն ու ղեկավարները։ Սահմանվել է Արցախի ԱԺ 1994 մայիսի 7-ի որոշմամբ։
Մեդալը 32-մմ լայնությամբ և 42-մմ երկարությամբ ութանկյուն է՝ պատրաստված հատուկ ձուլվածքից։ Մեդալի երեսին՝ վերևում «Արցախ», ներքևում «Շուշի» մակագրություններն են, կենտրոնում՝ արծվի պատկերը, որի աջ թևի վերևում պատկերված է խաչ։ Մեդալը երիզված է ութանիստ շրջանակով։ Մեդալի դարձերեսին՝ «Շուշին ազատագրված է 1992. 9 մայիսի» մակագրությունն է, որից ներքև պատկերված է երեք խաչ։ Պատկերները և մակագրություններն ուռուցիկ են։ Ամրակալի և ուղղանկյան օղակի միջով մեդալին միացված է ուղղանկյունաձև շերտաձողիկ, որը պատված է 32 մմ լայնությամբ Արցախի դրոշի երեք գույներով, մետաքսե դափնեպսակով զարդարված ժապավենով։ «Շուշիի ազատագրման համար» մեդալով պարգևատրվել է 1060 մարդ (2003)։
Արտաքին հղումներ
[խմբագրել | խմբագրել կոդը]- Արցախի պետական պարգևներ Արխիվացված 2013-12-28 Wayback Machine
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ 
|