Ցողունը հիմքից փռվող-ճյուղավորվող է, սպիտակ, երկարությունը ՝ 10-50 սմ։ Մերկ բույս է։ Տերևները մսալի են, հակադիր, թխակապույտ (աշնանը՝ կարմրավուն), գլանաձև, աղեղնաձև կորացած։ Վերին տերևները հիմքի մասում լայնացած են, տերևածոցերում՝ կարճ մազափնջով և մեկական ծաղկով։ Ծաղիկները երկսեռ են, ծաղկապատը՝ թաղանթավոր, կարմրավուն։ Ծաղկում է հուլիսի երկրորդ կեսին։ Պտուղը հորիզոնական է՝ հարթ պտղապատյանով։ Զեյդլիցիան հողի թույլ աղիության ցուցիչ է։
Հայտնի է 2, ՀՀ-ում՝ 1 տեսակ՝ զեյդլիցիա ծաղկավետ (Տ. florida)։ Տարածված է Սյունիքի և Արարատյան դաշտի բոլոր մարզերում։ Աճում է թեթևակի աղուտ ավազակավային հողերում։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։