Զարմայր Մսերյանը ծնվել է 1836 թվականին Մոլդովայի Հնչեշտ քաղաքում։ 1855 թվականին ավարտել է Լազարյան ճեմարանը, նշանակվել վերակացու և թուրքերենի ուսուցիչ։ 1860-ական թթ․ վարել է պետական պաշտոններ։ 1858-1862 թվականներին հոր հետ խմբագրել է «Ճռաքաղ»-ը, 1861-1864 թվականներին՝ «Համբավաբեր Ռուսիո» հանդեսը։ 1872-1876 թվականներին հրատարակել է «Փարոս»-ը (վերջինիս Կոստանդնուպոլիսի թղթակիցն է եղել Հակոբ Պարոնյանը)[1][2]։ Առանձին գրքով լույս է ընծայել «Նոր այբբենարան հայերեն լեզվի ռուս, թարգմանությամբ» (1856)։ Կատարել է թարգմանություններ ռուսերենից ու ֆրանսերենից[3][4]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 61)։
