Զարիֆա Ալիևա

Զարիֆա Ալիևա ադրբ.՝ Zərifə Əziz qızı Əliyeva
Ծնվել է	ապրիլի 28, 1923(1923-04-28) Շահթախտ, Նախիջևանի գավառ, Նախիջևանի Ինքնավար Խորհրդային Սոցիալիստական Հանրապետություն, ԱԽՖՍՀ, ԽՍՀՄ
Մահացել է	ապրիլի 15, 1985(1985-04-15) (61 տարեկան) Մոսկվա, ԽՍՀՄ բնական մահով
Գերեզման	Պատվո հուղարկավորության պուրակ
Քաղաքացիություն	ԽՍՀՄ
Մասնագիտություն	ակնաբույժ
Գործունեության ոլորտ	ակնաբանություն
Անդամակցություն	Գիտությունների ազգային ակադեմիա (Ադրբեջան)
Կոչում	պրոֆեսոր
Գիտական աստիճան	բժշկական գիտությունների դոկտոր (1976)
Պարգևներ
Ամուսին(ներ)	Հեյդար Ալիև
Երեխա(ներ)	Իլհամ Ալիև և Սևիլ Ալիևա
Հայր	Ազիզ Ալիև
Կայք	zarifa-aliyeva.az
Zarifa Aliyeva Վիքիպահեստում

Զարիֆա Ազիզ կըզը Ալիևա (ադրբ.՝ Zərifə Əziz qızı Əliyeva, ապրիլի 28, 1923(1923-04-28), Շահթախտ, Նախիջևանի գավառ, Նախիջևանի Ինքնավար Խորհրդային Սոցիալիստական Հանրապետություն, ԱԽՖՍՀ, ԽՍՀՄ - ապրիլի 15, 1985(1985-04-15), Մոսկվա, ԽՍՀՄ), ադրբեջանցի ակնաբույժ, Ադրբեջանական ԽՍՀ վաստակավոր գիտնական, բժշկական գիտությունների դոկտոր (1976), պրոֆեսոր (1979), Ադրբեջանի Գիտությունների ազգային ակադեմիայի լիիրավ անդամ (1983):

Կենսագրություն

Զարիֆա Ալիևան ծնվել է 1923 թվականի ապրիլի 28-ին։ 1932-1942 թվականներին սովորել է միջնակարգ դպրոցում։

1947 թվականին ավարտելով Բաքվի բժշկական ինստիտուտը՝ Զարիֆա Ալիևան աչքի հիվանդությունների մասնագիտացմամբ երկամյա դասընթացներ է անցել Մոսկվայի բժիշկների կատարելագործման կենտրոնական ինստիտուտում, որից հետո սկսել է աշխատել Ադրբեջանի աչքի հիվանդությունների գիտահետազոտական ինստիտուտում։ Նա 1959 թվականին ավարտելով ասպիրանտուրան՝ պաշտպանել է թեկնածուական ատենախոսություն։

Զարիֆա Ալիևան դարձել է ԽՍՀՄ-ում ակնաբուժության ոլորտում բարձրագույն մրցանակ համարվող, ակադեմիկոս Մ. Ի. Ավերբախի անվան հեղինակավոր մրցանակի արժանացած առաջին կին ակնաբույժը։ Նա 1960 թվականից եղել է բժշկական գիտությունների թեկնածու, իսկ 1977 թվականից՝ բժշկական գիտությունների դոկտոր։

Կլինիկայում գործում է Ալիևայի հիշատակին նվիրված թանգարան։ Բաքվում կա նաև Զարիֆա Ալիևայի անունը կրող վարժարան։

Նա Ադրբեջանի Հանրապետության երրորդ Նախագահ Հեյդար Ալիևի կինն է և Իլհամ Ալիևի մայրը։

Գրքեր

• Острые вирусные конъюнктивиты: учебное пособие для врачей-офтальмологов / МЗ СССР, Азерб. Гос. Ин-т Усовершенствования врачей имени А. Алиева. Баку: Азернешр, 1979.16 с.: 22 см
• Герпетическая болезнь глаз: учебное пособие для врачей-офтальмологов / МЗ СССР, Азерб. Гос. Ин-т Усовершенствования врачей имени А. Алиева. Баку: Азернешр, 1979.16 с.: 22 см.
• Профессиональная потология глаз в шинном производстве /З.А.Алиева.- Баку: Азернешр, 1980.- 126 с.
• Анатомо-физиологическая характеристика гидродинамической системы глаза/З. А. Алиева, Н. Б. Шульпина ; МЗ СССР Ин-т Усовершенствования Врачей; МЗ Азерб. ССР, Азерб. Ин-т Усовершенствования Врачей им. А. Алиева. Баку: Азернешр, 1980.36 с.: рис., 20 см.