Զավեն Վարդանյան (կլառնետահար)

Վիքիպեդիայում կան հոդվածներ Վարդանյան ազգանունով այլ մարդկանց մասին։

Անվան այլ կիրառումների համար տե՛ս՝ Զավեն Վարդանյան (այլ կիրառումներ)

Զավեն Ղևոնդի Վարդանյան
Ծնվել է	1907 հունվարի 8 Հաջիվար, Նախիջևան
Մահացել է	ապրիլի 25, 1977(1977-04-25) (տարիքը 70) Մոսկվա
Մասնագիտություն	հասարակական գործիչ, երաժշտագետ և մանկավարժ
Գործիքներ	կլառնետ
Կրթություն	Սանկտ Պետերբուրգի կոնսերվատորիա (1936)
Պարգևներ

Զավեն Ղևոնդի Վարդանյան (հունվարի 8, 1907(1907-01-08), Հաջիվար, Բաբեկի շրջան, Ադրբեջան - ապրիլի 25, 1977(1977-04-25), Մոսկվա, ԽՍՀՄ), հայ խորհրդային երաժշտագետ, մանկավարժ, երաժշտական-հասարակական գործիչ, կլառնետահար։ ՀԽՍՀ վաստակավոր արտիստ (1940)։

Կենսագրություն

1936 թվականին ավարտել է Լենինգրադի կոնսերվատորիայի Ա․ Վ․ Բերեզինի կլառնետի դասարանը և պատմատեսական ֆակուլտետը (Ռ․ Ի․ Գրուբերի դասարան)։ Համամիութենական մրցույթի դափնեկիր (1935)։ 1936-1948 թվականներին դասավանդել է Երևանի կոնսերվատորիայում (երաժշտության պատմություն և կլառնետ, 1940 թվականից դոցենտ) Միաժամանակ Հայֆիլհարմոնիայի տնօրեն (1938-1941), 1942 թվականից ՀՍՍՀ Մինիստրների խորհրդին առընթեր Արվեստի գործերի վարչության պետ։ 1947-1948 թվականներին ՀԿ(բ) կ ԿԿ Պրոպագանդայի և ագիտացիայի բաժնի արվեստի սեկտորի վարիչ։ 1956 թվականից՝ ԽՍՀՄ կուլտուրայի մինիստրության Ուսումնական հաստատությունների վարչության, 1958 թվականից՝ Երաժշտական հիմնարկությունների բաժնի (1963-ից՝ վարչության) պետ։ Մինիստրության կոլեգիայի անդամ (1956 թվականից)։ Հեղինակ է բազմաթիվ երաժշտագիտական հոդվածների։ Գուրգեն Բորյանի հետ գրել է Ա․ Բաբաևի «Արծվաբերդ» և «Պաղտասար աղբար» օպերաների լիբրետոները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։