Զավեն Խառատյան
- Վիքիպեդիայում կան հոդվածներ Խառատյան ազգանունով այլ մարդկանց մասին։
| Զավեն Խառատյան | |
|---|---|
| Ծնվել է | օգոստոսի 8, 1952 |
| Ծննդավայր | Շնող, Ալավերդու շրջան, Հայկական ԽՍՀ, ԽՍՀՄ |
| Մահացել է | հունվարի 22, 1992 (39 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | ԵՊՀ պատմության ֆակուլտետ (1975) |
| Մասնագիտություն | ազգագրագետ և հրապարակախոս |
| Աշխատավայր | Հայաստանի ազգագրության թանգարան և Հնագիտության և ազգագրության ինստիտուտ |
| Ամուսին | Հրանուշ Խառատյան |
| Երեխաներ | Արսեն Խառատյան |
Զավեն Վահանի Խառատյան (օգոստոսի 8, 1952, Շնող, Ալավերդու շրջան, Հայկական ԽՍՀ, ԽՍՀՄ - հունվարի 22, 1992, Երևան, Հայաստան), հայ ազգագրագետ, հրապարակախոս։
Կրթություն[խմբագրել | խմբագրել կոդը]
1970-1975 թթ. ուսանել է Երևանի պետական համալսարանի պատմության ֆակուլտետում՝ ազգագրություն մասնագիտությամբ։
1976-1980 թթ. ուսանել է ԽՍՀՄ ԳԱ ազգագրության ինստիտուտի ասպիրանտուրայում (Մոսկվա), որտեղ և 1981 թ. պաշտպանել է թեկնածուական թեզը «Կրոնական վերապրուկների կառուցվածքը և շարժընթացը հայոց ընտանեկան կենցաղում» թեմայով՝ Ս. Ա. Տոկարևի ղեկավարությամբ։
Աշխատանքային գործունեության[խմբագրել | խմբագրել կոդը]
1975-1976 թթ. աշխատել է ՀԽՍՀ Ստեփանավանի շրջանի Ուռուտ գյուղի միջնակարգ դպրոցում որպես պատմության և հասարակագիտության ուսուցիչ։ 1980 թ. աշխատել է Հայաստանի ազգագրության թանգարանում՝ որպես գիտական աշխատանքների գծով փոխտնօրեն։ Այնուհետև աշխատանքի է անցել Հայաստանի ԳԱԱ Հնագիտության և ազգագրության ինստիտուտում, որտեղ և աշխատել է մինչև կյանքի վերջ՝ որպես կրտսեր գիտաշխատող, գիտաշխատող ապա և ավագ գիտաշխատող։ Զուգահեռաբար դասավանադել է Երևանի պետական համալսարանում։ Կնոջ, Հրանուշ Խառատյանի հետ միասին հեղինակել և Հայաստանի Առաջին հեռուստաալիքով վարել է «Մոլորակ» հաղորդաշարը։ 1980-ականների վերջից հանդես է եկել նաև գիտահրապարակախոսական հոդվածներով Հայաստանի տպագիր մամուլում[1][2]։
Ծանոթագրություններ[խմբագրել | խմբագրել կոդը]
- ↑ Զավեն Խառատյան(չաշխատող հղում)
- ↑ «Կարճատև կյանքի երկարատև պատմություն». hraparak.am. Վերցված է 2016 թ․ օգոստոսի 9-ին.