Զանգվածային հրաձգություն Ցետինեում (2025)
| Զանգվածային հրաձգություն Ցետինեում | |
|---|---|
| Տեսակ | զանգվածային կրակոցներ, զանգվածային մարդասպան |
| Երկիր |  Չեռնոգորիա |
| Գրոհի վայր | Ցետինե և Բայիցե, Չեռնոգորիա |
| Տեղադրանք | Ցետինե |
| Տարեթիվ | հունվարի 1, 2025- հունվարի 1, 2025 |
| Զենք | կարճափող զենք |
| Զոհվածներ | 13 (ներառյալ հանցագործը) |
| Վիրավորներ | 4 |
| Ահաբեկիչների քանակ | 1[1] |
Զանգվածային հրաձգություն Ցետինեում, զանգվածային հրաձգություն, որը տեղի է ունեցել 2025 թվականի հունվարի 1-ին Չեռնոգորիայի մայրաքաղաք Ցետինեում, որի ժամանակ մի տղամարդ սպանել է 12 մարդու և վիրավորել ևս չորսին։ Նույն օրը ավելի ուշ նա ինքնասպան է եղել։ Սա երկրի պատմության մեջ ամենամահաբեր զանգվածային հրաձգությունն է, և երկրորդ զանգվածային հրաձգությունը Ցետինյեում 2022 թվականին տեղի ունեցած զանգվածային հրաձգությունից հետո[2]։
Հրաձգություն
[խմբագրել | խմբագրել կոդը]2025 թվականի հունվարի 1-ին տեղական ժամանակով ժամը 17:30-ի սահմաններում[3] ծեծկռտուք է սկսվել Ցետինեի բարերից մեկում: Ծեծկռտուքից հետո տղամարդը, ով ճանաչվել է 45-ամյա Ացո Մարտինովիչ (չեռնոգորերեն Ацо Мартиновић), հեռացել է դեպքի վայրից և վերադարձել տուն՝ ատրճանակը վերցնելու համար։ Մարտինովիչը վերադարձել է ռեստորան և կրակ բացել՝ սպանելով չորս տղամարդու և վիրավորելով ևս չորսին[4]: Այնուհետև նա տեղափոխվել է մեկ այլ վայր՝ սպանելով ևս չորս մարդու։ Նա կրկին փախել է և տեղափոխվել ևս երկու վայր, որտեղ սպանել է երկու երեխայի և երկու մեծահասակների[5]։ Մահացածների թվում են բարի սեփականատերը և նրա երկու երեխաները՝ 10 և 13 տարեկան[6]։
Իշխանությունները փակել են Ցետինյեի ճանապարհները՝ կասկածյալին որոնելու համար, և հատուկ ջոկատայիններ են տեղակայվել՝ օգնելու համար[7]: Ավելի ուշ հաստատվել է, որ մահացածներից մի քանիսը սպանվել են Բայիցե գյուղում: Ոստիկանների կողմից շրջապատվելուց հետո[8] կասկածյալը Ցետինեի Հումչի արվարձանում գտնվող իր տան մոտ կրակել է իր գլխին և մահացել հիվանդանոց տեղափոխվելիս[9][10] հունվարի 2-ի առավոտյան: Մի քանի տուժածներ տեղափոխվել են Պոդգորիցայի հիվանդանոց, նրանցից չորսի վիճակը ծայրահեղ ծանր է[6]։
Մարտինովիչը նախկինում կալանավորվել է ապօրինի հրազեն պահելու, ինչպես նաև ընտանեկան բռնության համար[11]։ Նա նաև պայմանական պատիժ է ստացել 2005 թվականին՝ ագրեսիվ պահվածքի համար[10]։ Հաղորդվում է, որ նա կրակոցներից առաջ «ամբողջ օրվա ընթացքում ալկոհոլային խմիչքներ է խմել»[12]:
Արձագանքներ
[խմբագրել | խմբագրել կոդը]Ներքին
[խմբագրել | խմբագրել կոդը]
Չեռնոգորիայի նախագահ Յակով Միլատովիչն ասել է, որ ցնցված և ապշած է ողբերգությունից՝ թվիթերում գրելով, որ «Տոնական ուրախության փոխարեն... մեզ պատել է տխրությունը անմեղ կյանքերի կորստի պատճառով»:-
Չեռնոգորիայի վարչապետ Միլոյկո Սպաիչն այցելել է հիվանդանոց, որտեղ բուժում են ստանում տուժածներից մի քանիսը, և եռօրյա համազգային սուգ է հայտարարել[7], ինչխես նաև չեղարկել նախատեսված ամանորյա տոնակատարությունները[10]։ -
Կառավարությունը հայտարարել է, որ կքննարկի հրազենի օգտագործման կանոնների խստացումը[11]: - Ներքին գործերի նախարար Դանիլո Շարանովիչը հայտարարել է, որ կրակոցները «միջանձնային հարաբերությունների խախտման հետևանք են»[3]։
.svg){kind=small}
.png){kind=logo}
Արտաքին
[խմբագրել | խմբագրել կոդը]
Սերբիայի նախագահ Ալեքսանդր Վուչիչը ցավակցություն է հայտնել Չեռնոգորիայի նախագահին՝ կարևոր համարելով զոհերին և նրանց հարազատներին աջակցելը և կոչ է արել պայքարել հանուն մի հասարակության, որտեղ արժեքները վեր են բռնությունից։ Վուչիչը նաև առաջարկել է բոլոր հնարավոր օգնությունները Չեռնոգորիայի պետական մարմիններին[13]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ https://www.vijesti.me/vijesti/crna-hronika/739310
- ↑ Visnjic, Borislav (2025 թ․ հունվարի 2). «Montenegro Mourns Victims After 12 Killed in Mass Shooting». Balkan Insight. Վերցված է 2025 թ․ հունվարի 3-ին.
- ↑ 3,0 3,1 «Twelve people killed in Montenegro shooting spree». BBC (անգլերեն). 2025 թ․ հունվարի 2. Վերցված է 2025 թ․ հունվարի 3-ին.
- ↑ Vasiljevic, Stevo (2025 թ․ հունվարի 1). «Several dead in shooting incident in Montenegro-local media citing police». Reuters. Վերցված է 2025 թ․ հունվարի 3-ին.
- ↑ «Montenegro mourns after gunman kills at least 12 people before shooting himself». Associated Press. 2025 թ․ հունվարի 1. Վերցված է 2025 թ․ հունվարի 3-ին.
- ↑ 6,0 6,1 «At least 12 killed in mass shooting in Montenegro, suspect kills himself». Al Jazeera (անգլերեն). 2025 թ․ հունվարի 2. Վերցված է 2025 թ․ հունվարի 3-ին.
- ↑ 7,0 7,1 Milic, Predrag (2025 թ․ հունվարի 1). «An armed man kills at least 10 people, including 2 children, in a shooting rampage in Montenegro». AP News. Վերցված է 2025 թ․ հունվարի 3-ին.
- ↑ Burgess, Jack; Jackson, Patrick (2025 թ․ հունվարի 1). «National mourning after mass shooting in Montenegro». BBC News (անգլերեն). Վերցված է 2025 թ․ հունվարի 3-ին.
- ↑ «Armed assailant kills several people in mass shooting in Montenegro». France 24 (անգլերեն). 2025 թ․ հունվարի 1. Վերցված է 2025 թ․ հունվարի 3-ին.
- ↑ 10,0 10,1 10,2 «A man who killed at least 12 people in a shooting spree in Montenegro dies by suicide». NPR (անգլերեն). 2025 թ․ հունվարի 2. Վերցված է 2025 թ․ հունվարի 3-ին.
- ↑ 11,0 11,1 «Suspect in Montenegro shooting dies from self-inflicted injuries after killing at least 10 people». CNN. 2025 թ․ հունվարի 1. Վերցված է 2025 թ․ հունվարի 3-ին.
- ↑ «Montenegro mourns after gunman kills 12». France 24. 2025 թ․ հունվարի 2. Վերցված է 2025 թ․ հունվարի 3-ին.
- ↑ «Вучич выразил соболезнования президенту Черногории». The Montenegro Times. 2025 թ․ հունվարի 1. Արխիվացված է օրիգինալից 2025 թ․ հունվարի 2-ին. Վերցված է 2025 թ․ հունվարի 3-ին.