Երիտասարդ գվարդիա

Վիքիպեդիայից՝ ազատ հանրագիտարանից

Երիտասարդ գվարդիա, կոմերիտական ընդհատակյա կազմակերպություն Հայրենական մեծ պատերազմի ժամանակ Կրասնոդոնում։ Գործել է ընդհատակյա կուսակցական կազմակերպության ղեկավարությամբ։

Պատմություն[խմբագրել | խմբագրել կոդը]

Կրասնոդոնի օկուպացիայից (1942 թվականի հուլիսի 20) հետո ստեղծվեցին հակաֆաշիստական երիտասարդական խմբեր՝ Ի․ Զեմնուխովի, Օ․ Կոշևոյի, Վ․ Լևաշովի, Ս․ Տյուլենինի, Ա․ Ելիսեենկոյի, Վ․ Ժդանովի, Ն․ Սումսկոյի, Ու․ Գրոմովայի, Ա․ Պոպովի, Մ․ Փահլևանյանի (Պեգլիվանովա) գլխավորությամբ։ «Երիտասարդ գվարդիայի» հրամանատարն էր Ի․ Վ․ Տուրկենիչը։ Նրանք ընդունում և տարածում էին Սովինֆորմբյուրոյի հաղորդագրությունները, տպագրում և տարածում հակաֆաշիստական թռուցիկներ, զինված պայքար մղում հիտլերականների դեմ։

1943 թվականի հունվարի սկզբներին գվարդիականները մատնությամբ ձերբակալվեցին և գազանաբար խոշտանգվեցին։ Հետապնդումներից խույս տվեց 11 մարդ, այդ թվում և Գ․ Մ․ Հարությունյանցը։ 1943 թվականի սեպտեմբերի 13ԽՍՀՄ Գերագույն խորհրդի Նախագահության հրամանագրով Գրոմովային, Զեմնուխովին, Կոշևոյին, Տյուլենինին, Շևցովային շնորհվեց Խորհրդային Միության հերոսի կոչում։

Հիշատակ[խմբագրել | խմբագրել կոդը]

«Երիտասարդ գվարդիայի» հերոսների անունով են կոչվում բնակավայրեր, հանքահորեր, կոլտնտեսություններ, նավեր, պիոներական դրուժինաներ, Վորոշիլովգրադի մարզի նորաստեղծ քաղաքներից մևկին տրվել է Մոլոդոգվարդեյսկ անունը։

«Երիտասարդ գվարդիայի» հերոսական գործերին է նվիրված Ալեքսանդր Ֆադեևի «Երիտասարդ գվարդիա» վեպը։

Գրականություն[խմբագրել | խմբագրել կոդը]

  • Молодая гвардия․ Сб․ документов и воспоминаний, 3 изд., Донецк, 1972
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 589 CC-BY-SA-icon-80x15.png