Եվա Զասիմաուսկայտե
| Եվա Զասիմաուսկայտե | |
|---|---|
 | |
| Բնօրինակ անուն | լիտ.՝ Ieva Zasimauskaitė-Kiltinavičienė |
| Ծնվել է | հուլիսի 2, 1993 (27 տարեկան) Կաունաս, Լիտվա |
| Երկիր |  Լիտվա |
| Ժանրեր | փոփ երաժշտություն |
| Մասնագիտություն | երգչուհի |
| Գործիքներ | վոկալ |
| Ieva Zasimauskaite Վիքիպահեստում | |
Եվա Զասիմաուսկայտե-Կիլտինավիչենե [1] (լիտ.՝ Ieva Zasimauskaitė-Kiltinavičienė, հուլիսի 2, 1993, Կաունաս, Լիտվա), լիտվացի երգչուհի, որը «When We’re Old» երգով Լիտվան ներկայացրել է Լիսաբոնում կայացած «Եվրատեսիլ 2018» մրցույթում, և որով մրցույթի եզրափակչում գրավել է 12-րդ տեղը: Ավելի վաղ Եվան չորս անգամ մասնակցել է Եվրատեսիլի Լիտվայի ազգային ընտրությանը (2013, 2014, 2016, 2017)[1], իսկ 2012 թվականին մասնակցել է «Ձայն» նախագծին և հասել է մինչև սուպերեզրափակիչ[1]:
Կենսագրություն[խմբագրել | խմբագրել կոդը]
Վաղ տարիներ[խմբագրել | խմբագրել կոդը]
Եվա Զասիմաուսկայտեն ծնվել և մեծացել է Կաունասում բժիշկների ընտանիքում: Նրա հայրը հետաքրքրված էր երաժշտությամբ, նվագում է կիթառ: Երբ Եվան 7 տարեկան էր, ծնողները նրան ուղարկել են երաժշտական դպրոց սովորելու, որն ավարտել ու մասնագիտացել է 8 տարի անց «էստրադային երգեցողություն» որակավորմամբ: Ըստ Եվայի՝ սկզբում նրան չեն ցանկացել ընդունել դպրոց և ասել են, որ նա չունի ձայնային տվյալներ: Ուսումնառության ընթացքում նա երգել է և դաշնամուր նվագել Linksmasis do անսամբլում:
2012 թվականին Եվան ավարտել է Մեծ Վիտովտի համալսարանը և 2015 թվականին ստացել է Վիլնյուսի Իրավունքի և բիզնեսի դպրոցի բակալավրի աստիճան[2]: 2014 թվականին նա Եվրամիության ուսանողների փոխանակման ծրագրով մի կիսամյակ սովորել է Բարսելոնայում:
Երաժշտական գործունեություն[խմբագրել | խմբագրել կոդը]
16 տարեկանում Եվան հանդես է եկել Կաունասի TV3 հեռուստաալիքի «Երգչախմբերի պատերազմ» նախագծում[1][3]: Այն բանից հետո, երբ երգչախումբը հաղթել է հեռուստանախագծում, Եվան երեք տարի հանդես է եկել դրա կազմում՝ հյուրախաղերով հանդես գալով Լիտվայում: 2011 թվականին Եվան սկսել է համագործակցել «N.E.O.» տղաների խմբի առաջատար Tautkus-ի հետ:
Մասնակցություն «Ձայն»-ին և մենակատար երաժշտական գործունեության սկզբին[խմբագրել | խմբագրել կոդը]
2012 թվականին Եվան մասնակցել է «Ձայն» ծրագրի լիտվական տարբերակին[1] , որտեղ հասել է մինչև սուպերեզրափակիչ և Դիմա Բիլանի հետ զուգերգով կատարել է «Never Let You Go» երգը[4], որով Դիման երկրորդ տեղն է զբաղեցրել «Եվրատեսիլ 2006»-ում:
«Ձայն»-ին մասնակցելուց հետո Եվան սկսել է մենակատարի գործունեությունը և գրել է իր առաջին՝ «Pasiilgau» երգը («Ես կարոտում են քեզ»): 2013, 2014, 2016 և 2017 թվականներին Եվան մասնակցել է «Եվրատեսիլ»-ի ազգային ընտրությանը (2013 թվականին Գաբրիելիուս Վագելիսի հետ դուետով, ապա՝ որպես մենակատար)[5]: Նա եզրափակիչ հասել է միայն 2016 թվականին և ի վերջո գրավել է 4-րդ տեղը:
Մասնակցություն Եվրատեսիլ 2018-ում[խմբագրել | խմբագրել կոդը]
2018 թվականի մարտի 12-ին Եվան հաղթել է ազգային Eurovizijos Atranka 2018 մրցույթում, որը հեռարձակվել է Լիտվայի ազգային ռադիոյի և հեռուստատեսության կողմից: Նրա հետ եզրափակչում հաղթանակի համար մրցել են հինգ կատարողներ՝ Մոնիկա Մարիա («The Truth» ստեղծագործությամբ), Կոտրինա Յոձյավիչյուտե («That Girl»), The Roop («Yes, I Do» երգով), Պաուլա («123») և Յուրգիս Բրուզգա («4Love»: Հաղթողը ընտրվել է հանձնաժողովի և հանդիսատեսի գնահատմամբ[6]: Եվայի գլխավոր մրցակցի՝ Յուրգիս Բրուզգայի (որը ազգային ընտրությանը զբաղեցրել էր 2-րդ տեղը) կինը ավելի ուշ Լիսաբոնում հանդես է եկել որպես Եվայի բեք վոկալիստ[7]:
Եվա Զասիմաուսկայտեն ելույթ է ունեցել Լիսաբոնի Եվրատեսիլ 2018 մրցույթում մայիսի 8-ին կայացած առաջին կիսաեզրափակչի ժամանակ: Լիտվան, մայիսի 12-ին հասնելով եզրափակիչ, գրավել է 9-րդ տեղը[6]: Առաջին կիսաեզրափակչից հետո Եվան բուքմեյքերների առաջատարների ցանկում էր. նախապես կանխատեսել էին, որ նա եզրափակչում կլինի 5-րդ տեղում[8], իսկ եզրափակչի օրը՝ 3-րդը: Մինչև կիսաեզրափակիչը նա գրավել է 22-րդ տեղը, այսինքն՝ բուքմեյքերները կարծում էին, որ նա չի անցնի եզրափակիչ[8]: Հանդիսատեսի քվեարկության արդյունքների համաձայն Եվան 10-րդ տեղն էր զբաղեցրել՝ ստանալով 12 միավոր (ամենաբարձր հնարավոր գնահատականը) Մեծ Բրիտանիայից, Իռլանդիայից, Նորվեգիայից, Լատվիայից և Էստոնիայից: Հանձնաժողովի քվեարկության արդյունքներով 12 միավոր շնորհել է միայն միայն մեկ երկիր՝ Խորվաթիան:
Անձնական կյանք[խմբագրել | խմբագրել կոդը]
Եվան ապրում է Կաունասում: Նա ունի 1989 թվականին ծնված մեծ եղբայր:
Եվան ամուսնացել է Մարիուս Կիլտինավիչուսի հետ (ծնվել է 1982 թվականին), որը եղել է Լիտվայի տղամարդկանց բասկետբոլի թիմի մարզիչը և «N.E.O.» խմբի նախկին անդամը[1]: Ավելի վաղ Մարիուսն աշխատել է «Սպարտակ Պրիմորյե» բասկետբոլի ակումբում՝ որպես մարզիչ։ Եվան և Մարիուսը սկսել են հանդիպել 2010 թվականին, իսկ 2015 թվականի հունիսին ամուսնացել են Կաունասի Սբ․ Միքայել կաթոլիկ տաճարում։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 Roy Knoops (մարտի 12, 2018)։ «Lithuania: Ieva Zasimauskaitė releases the official music video of When We’re Old»։ Esctoday.com։ Վերցված է 2018-03-17
- ↑ «PO VESTUVIŲ - ILGAI LAUKTA NAUJIENA IEVAI ZASIMAUSKAITEI»։ MIESTE.lt։ 2015-06-12։ Վերցված է 2018-03-17
- ↑ [Dainininkė I. Zasimauskaitė vyro kritikos vis dar neišmoko priimti ramiai Skaitykite daugiau: https://www.delfi.lt/veidai/zmones/dainininke-i-zasimauskaite-vyro-kritikos-vis-dar-neismoko-priimti-ramiai.d?id=70878338 «Dainininkė I. Zasimauskaitė vyro kritikos vis dar neišmoko priimti ramiai»]։ DELFI։ 3 апреля 2016։ Վերցված է 2018-05-12
- ↑ «Dima Bilan & Leva Zasimauskaitė - Never Let You Go»։ YouTube։ 2 мая 2012։ Վերցված է 2018-05-11
- ↑ «ESC 2018: Get to Know.... IEVA ZASIMAUSKAITĖ from LITHUANIA»։ Eurovision Song Contest 2018։ Mar 12, 2018։ Վերցված է 2018-03-18
- ↑ 6,0 6,1 Кристина Поците (12 марта 2018)։ «На «Евровидении» Литву представит Ева Засимаускайте»։ DELFI։ Վերցված է 2018-03-17
- ↑ «Eurovision Press Conference with Ieva Zasimauskaite»։ YouTube։ մայիսի 3, 2018։ Վերցված է 2018-05-03
- ↑ 8,0 8,1 : Արդյունքում Եվան եզրափակչում գրավել է 12-րդ տեղը
Արտաքին հղումներ[խմբագրել | խմբագրել կոդը]
- Евы Засимаускайте Ֆեյսբուքում
- Ева Засимаускайте Ինստագրամ կայքում
- Документальный фильм о Еве Засимаукайте
- Дима Билан и Ева Засимаускайте исполняют песню «Never Let You Go» на литовском «Голосе» (2012)
| ||||||
