Ես սկիզբն եմ

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ես սկիզբն եմ
I Origins
Ես սկիզբն եմ.jpg
ԵրկիրԱմերիկայի Միացյալ Նահանգներ ԱՄՆ
Ժանրգիտական ֆանտաստիկա, դրամա, մելոդրամա
Թվական2014
ՊրեմիերաՀունվարի 18, 2014 (2014-01-18) (Սանդենս կինոփառատոն)
Հուլիսի 18, 2014 (2014-07-18) (ԱՄՆ)
Լեզուանգլերեն
ՌեժիսորՄայք Կեհիլ
ՊրոդյուսերՄայք Կեհիլ
Հանտեր Գրեյ
Ալեկս Օրլովսկի
Սցենարի հեղինակՄայք Կեհիլ
ԴերակատարներՄայքլ Փիթ
Բրիտ Մարլինգ
Աստրիդ Բերժե-Ֆրիսբի
Սթիվեն Յան
Արչի Պանջաբի
ՕպերատորՄարկուս Ֆորդերեր
ԵրաժշտությունՈւիլ Բեյտս
ՄոնտաժՄայք Կեհիլ
ՆկարիչներՏանյա Բիջլանի
Ալան Լամպերտ
Պատմվածքի վայրՆյու Յորք
ԿինոընկերությունVerisimilitude
WeWork Studios
Bersin Pictures
Penny Jane Films
Տևողություն106 րոպե[1]
Բյուջե1 միլիոն $
Շահույթ475,591 $[2]
ՏեղայնացնողFox Searchlight Pictures
MPAA վարկանիշRATED R.svg
IMDbID 2884206
ԿինոՊոիսկID 761933
Պաշտոնական կայքէջ
Թրեյլերhttps://www.youtube.com/watch?v=Mk4briOLrTQ

«Ես սկիզբն եմ» (անգլ.՝ I Origins), 2014 թվականի ամերիկյան արտադրության գիտաֆանտաստիկ դրամա, որի ռեժիսորը, սցենարիստը և պրոդյուսերը Մայք Կեհիլն է։ Ֆիլմի պրեմիերան տեղի է ունեցել Սանդենս կինոփառատոնի ժամանակ՝ 2014 թվականի հունվարի 18-ին։ Ֆիլմը տեղայնացվել է «Fox Searchlight Pictures» կինոընկերության կողմից[3]:

Սյուժե[խմբագրել | խմբագրել կոդը]

Երիտասարդ հետազոտող Այան Գրեյը՝ Քարենի և Քեննիի հետ միասին, փորձում է գիտականորեն հաստատել, որ աչքը էվոլյուցիա է ապրել՝ աչքի զարգացումը տեղի է ունեցել փուլ առ փուլ։ Երեկույթներից մեկի ժամանակ Այանը հանդիպում է Սոֆի անունով մի աղջկա և լուսանկարում է նրա աչքերը։ Շուտով նրանց կապն էլ ավելի է ամրանում։ Նրանց ամուսնության օրը Քարենը Այանին կանչում է լաբորատորիա, որպեսզի նա տեսնի իր հայտնաբերածը՝ Eisenia fetida տեսակի որդը կույր է, սակայն ԴՆԹ-ում ունի գեներ աչք զարգացնելու համար։ Տուն վերադառնալիս՝ վերելակում, Սոֆին մահանում է շատ անսպասելի մահով։

Սոֆիի աչքը

Յոթ տարի անց Այանը հեռուստատեսությամբ ելույթ է ունենում` հարցազրույցի ժամանակ ներկայացնելով իր նոր գիրքը, որը աչքի էվոլյուցիայի մասին է: Նրան եկել են աջակցելու ընկերը` Քեննին, և կինը` Քարենը, ով Այանից սպասում է իր առաջնեկին։ Ծննդարանում նկարում են նոր ծնված մանուկի աչքերը։ Մի քանի ամիս անց բժիշկ Ջեյն Սիմոնսը կանչում է ծնողներին և ասում, որ երեխայի մոտ հնարավոր աուտիզմ է զարգանում։ Սակայն տարօրինակ հետազոտությունները Այանին և Քարենին դրդում են խորանալ գործի մեջ և նոր գաղտնիքներ պարզել։ Այս ամենից դրդված՝ Այանը գնում է Իդահո, որտեղ նա հայտնաբերում է, որ իր երեխայի նման աչքեր ունեցող մարդը մահացել է երկու տարի առաջ։ Նա համարեց, որ իրենց երեխան մահացած մարդու ռեինկարնացիան է։

Գրեյի գործընկերը՝ Քեննին, գտնում է Սոֆիի աչքերի նման աչքեր Հնդկաստանում երիտասարդ մի աղջկա մոտ։ Գրեյը ուղևորվում է Հնդկաստան՝ նրան գտնելու նպատակով։ Նա գտնում է այդ աղջնակին՝ Սալոմինային, և տանում է նրան իր հյուրանոցի համար՝ թեստ անցկացնելու նպատակով (պատկերների միջոցով նա ստուգում էր Սալոմինայի կապը Սոֆիի հետ)։ Փորձի արդյունքները արտասովոր չէին, և Գրեյը բավական վրդովված էր։ Նա պատրաստվում էր լքել հյուրանոցը Սալոմինայի հետ, սակայն Սալոմինան սկսեց ճչալ և լացել վերելակի ժամանելուն պես։ Այստեղ Գրեյը հասկացավ, որ շատ հնարավոր է, որ նա կապ ունի Սոֆիի հետ, և դա հնարավոր չէ բացատրել կամ ապացուցել գիտականորեն։

Դերերում[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «I ORIGINS (15)»։ 20th Century Fox։ British Board of Film Classification։ օգոստոսի 15, 2014։ Վերցված է օգոստոսի 20, 2014 
  2. «I Origins (2014)»։ Box Office Mojo։ Վերցված է օգոստոսի 22, 2014 
  3. «'I Origins', 'The Babadook' and 'Cub' win at a Sitges Film Festival that's been more fantastic than ever»։ sitgesfilmfestival.com։ Վերցված է հունվարի 6, 2015 

Արտաքին հղումներ[խմբագրել | խմբագրել կոդը]