Ելենա Կալիսկա
| Ելենա Կալիսկա | |
|---|---|
 | |
| Անձնական տեղեկություն | |
| Սեռ՝ | իգական |
| Մասնագիտացում՝ | kayaker և կանոեի թիավար |
| Երկիր՝ |  Սլովակիա |
| Ծննդյան ամսաթիվ՝ | հունվարի 19, 1972 (52 տարեկան) |
| Ծննդավայր՝ | Զվոլեն, Central Slovakia, Սլովակիայի Սոցիալիստական Հանրապետություն, Չեխոսլովակիայի Սոցիալիստական Հանրապետություն |
| 172 սանտիմետր | |
Ելենա Կալիսկա (սլովակ.՝ Elena Kaliská, հունվարի 19, 1972, Զվոլեն, Central Slovakia, Սլովակիայի Սոցիալիստական Հանրապետություն, Չեխոսլովակիայի Սոցիալիստական Հանրապետություն), սլովակ կանոեիստ-սլալոմիստ։ Չորս Օլիմպիական խաղերի մասնակից։ Ամառային օլիմպիական խաղերի կրկնակի չեմպիոն 2004 և 2008 թվականներին կանոեով միայնակ թիավարությունում։ Աշխարհի ու Եվրոպայի բազմակի չեմպիոն։
Կենսագրություն[խմբագրել | խմբագրել կոդը]
Ելենա Կալիսկան ծնվել է 1972 թվականի հունվարի 19-ին Չեխոսլովակիայի Զվոլեն քաղաքում։ Նրա հոբբիներն են թենիսը և երաժշտությունը[1]։
2007 թվականին Ելենան ավարտել է Մատեյ Նելի համալսարանը Բանսկա Բիստրիցայում՝ ստանալով մագիստրի աստիճա[2]։
Կարիերա[խմբագրել | խմբագրել կոդը]
Ելենա Կալիսկան սկսել է զբաղվել թիավարությամբ յոթ տարեկանում Զվոլենի ակումբում։ Ապա նա սկսել է հանդես գալ Լիպտովսկի Միկուլաշ քաղաքի ակումբում[1]։
Նրա մարզիչը 2015 թվականից Պետեր Չիբակն է, նրան նաև օգնում են Ռոբերտ Օկորոցկին[1], Օլգա Լեյսալովա, Վլաստա Պատոչկովան, Լյուբոշ Գերտլը, Յան Ստախերան և Յան Պրաչարը[2]։
Ելենա Կալիսկան զբաղեցրել է չորրորդ տեղը աշխարհի պատանեկան առաջնությունում[2]։ Տասնյոթ տարեկանում ընկել է հեծանիվից, ինչից հետո ստիպված է եղել ապաքինվել ձախ ձեռքի վնասվածքից հետո[1]։ Մեծահասակների մակարդակում նրա առաջին հաջողությունը եղել են մեդալները Եվրոպայի առաջնություններում՝ բրոնզե մեդալը 1996 թվականին Գերմանիայում և ոսկե մեդալը 1998 թվականին Չեխիայում[1][2]։ Նա մասնակցել է 1996 թվականի Ամառային օլիմպիական խաղերին, որտեղ զբաղեցրել է 19-րդ տեղը[3]։
Կալիսկան աստիճանաբար լավացրել է իր արդյունքները՝ 2000 թվականին Սիդնեյում անցկացված Ամառային օլիմպիական խաղերում զբաղեցնելով արդեն չորրորդ տեղը[4]։ Կարիերայի գագաթնակետին հասել է 2004 թվականին՝ հաղթելով Աշխարհի գավաթի խաղարկության չորս մրցավազքերում, Եվրոպայի առաջնությունում և Աթենքում անցկացվող Օլիմպիական խաղերում[2]։ 2005 թվականին նվաճել է ոսկե մեդալ Ավստրալիայում անցկացվող աշխարհի առաջնությունում, իսկ 2007 թվականին եղել է երկրորդը[2]։
Մեկ տարի անց Ելենա Կալիսկան Պեկինում անցկացվող Օլիմպիական խաղերում դարձել է Օլիմպիական խաղերի կրկնակի չեմպիոն[1][2]։
Իր կարիերայի ընթացքում Ելենա Կալիսկան յոթ անգամ հաղթել է Եվրոպայի առաջնությունում՝ ընդհանուր առմամբ արժանանալով 13 մեդալի[2]։
Մրցանակներ[խմբագրել | խմբագրել կոդը]
2011 թվականի հունվարի 3-ին պարգևատրվել է Լյուդովիտ Շտուրի I դասի շքանշանով[1][5]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 «Elena Kaliská» (անգլերեն). ICF - Planet Canoe. 2016 թ․ օգոստոսի 5. Արխիվացված օրիգինալից 2019 թ․ ապրիլի 16-ին. Վերցված է 2019 թ․ ապրիլի 24-ին.
- ↑ 2,0 2,1 2,2 2,3 2,4 2,5 2,6 2,7 «Elena Kaliska - K-1 women - Život Eleny Kaliskej» (սլովակերեն). elenakaliska.com. Արխիվացված օրիգինալից 2019 թ․ ապրիլի 16-ին. Վերցված է 2019 թ․ ապրիլի 24-ին.
- ↑ «Canoeing at the 1996 Atlanta Summer Games: Women's Kayak Singles, Slalom» (անգլերեն). Olympics at Sports-Reference.com. Արխիվացված օրիգինալից 2011 թ․ մայիսի 20-ին. Վերցված է 2019 թ․ ապրիլի 24-ին.
- ↑ «Canoeing at the 2000 Sydney Summer Games: Women's Kayak Singles, Slalom» (անգլերեն). Olympics at Sports-Reference.com. Արխիվացված օրիգինալից 2010 թ․ փետրվարի 1-ին. Վերցված է 2019 թ․ ապրիլի 24-ին.
- ↑ Rad Ľudovíta Štúra, I. trieda «Rad Ľudovíta Štúra, I. trieda» (սլովակերեն). Արխիվացված օրիգինալից 2012 թ․ մարտի 19-ին. Վերցված է 2019 թ․ ապրիլի 24-ին.
{{cite web}}: Check|url=value (օգնություն); Unknown parameter|publusher=ignored (օգնություն)
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Ելենա Կալիսկա» հոդվածին։ |
| ||||||
