Դորդոն (դեպարտամենտ)

Դորդոն; Dordogne
Դրոշ	Զինանշան
;	;
Երկիր	Ֆրանսիա
Կարգավիճակ	Ֆրանսիայի գավառ
Մտնում է	Նոր Ակվիտանիա
Վարչկենտրոն	Պերիգյո
Ամենաբարձր կետ	Q26898492?
Հիմնական լեզու	ֆրանսերեն
Բնակչություն	▼412 807 մարդ (հունվարի 1, 2020)
Խտություն	45
Տարածք	9 060
Հիմնադրված է	մարտի 4, 1790 թ.
Սահմանակցում է	Շարանտ, Ծովափնյա Շարանտ, Կորեզ, Ժիրոնդ, Լո և Գարոն, Լո և Օտ-Վյեն
Ժամային գոտի	UTC+1 և UTC+2
ISO 3166-2 կոդ	FR-24
Անվանված է	Դորդոն
	dordogne.fr

Անվան այլ կիրառումների համար տե՛ս՝ Դորդոն (այլ կիրառումներ)

Դորդոն (ֆր.՝ Dordogne), դեպարտամենտ Ֆրանսիայի կենտրոնական մասում։

Պատմություն[խմբագրել | խմբագրել կոդը]

Դորդոնը 1790 թ. մարտի 4-ին Ֆրանսիական հեղափոխության ժամանակ կազմավորված առաջին 83 դեպարտամենտներից մեկն է։

Դորդոն դեպարտամենտի կարգային թիվն է՝ 24։ Դորդոն դեպարտամենտի տարածքում են գտնվում նախամարդու թողած բազմաթիվ մշակութային արժեքներ։ Դրանցից ամենահայտնիներից մեկը Լասկո քարանձավում արված նկարներն են։

Աշխարհագրական տվյալներ[խմբագրել | խմբագրել կոդը]

Իր անունն ստացել է Դորդոն գետից։ Գտնվում է Լուար հարթավայրի և Պիրենեյների միջև։ Տարածքը 9 060 կմ² է։ Այս ցուցանիշով դեպարտամենտների շարքում գրավում է երրորդ տեղը։ Իր կազմում ունի 4 օկրուգ, 50 կանտոն և 557 համայնք։

Բնակչություն[խմբագրել | խմբագրել կոդը]

Ամենամեծաթիվ բնակչությունն ունեցել է 1851 թվականին` 505 789։ Հարյուր հիսուն տարվա կայուն անկումից հետո այդ թիվը 2000 թվականին դարձել է 400 հազար։ Դա պայմանավորված է տարածաշրջանի տնտեսության գյուղատնտեսական ուղղվածության և դեպի երկրի արդյունաբերական զարգացած շրջաններ բնակչության արտահոսքի հետ։ Այնուամենայնիվ, քսանմեկերորդ դարի առաջին տասնամյակում բնակչության նվազման տեմպերը դանդաղել են։ 2007 թ. տվյալներով բնակչությունը կազմել է 406 793 մարդ, որը դեպարտամենտների շարքում 58-րդ ցուցանիշն է։