Դոն Ասկարյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Դոն Ասկարյան
Ծնվել է1949 հուլիսի 10
ԾննդավայրՍտեփանակերտ, ԼՂԻՄ
Մահացել էհոկտեմբերի 6, 2018(2018-10-06)[1] (69 տարեկանում)
Մահվան վայրԲեռլին, Գերմանիա
Ազգությունհայ
Մասնագիտացումռեժիսոր
լուսանկարիչ
IMDbID 0039391
don-askarian.com

Դոն Ասկարյան (Մակեդոն Հովսեփի Ասկարյան[2], հուլիսի 10, 1949(1949-07-10), Ստեփանակերտ, ԼՂԻՄ, ԱԽՍՀ, ԽՍՀՄ - հոկտեմբերի 6, 2018(2018-10-06)[1], Բեռլին, Գերմանիա), հայ կինոռեժիսոր, լուսանկարիչ։

Արցախցի քանդակագործ, գեղանկարիչ Ռոբերտ Ասկարյանի եղբայրը:

Կենսագրություն[խմբագրել | խմբագրել կոդը]

Դոն Ասկարյանը ծնվել է 1949 թվականին, Ստեփանակերտում: 1967 թվականին Մոսկվայում ուսուցանել է պատմություն և արվեստ, եղել է ռեժիսորի օգնական, ֆիլմերի քննադատ, աշակերտել է Անդրեյ Տարկովսկուն: 1973 թվականին ավարտել է Մոսկվայի մանկավարժական ինստիտուտը։ 1975-1977 թվականներին աքսորվել է Սիբիր՝ Խորհրդային բանակում ծառայությունից հրաժարվելու համար), 1978 թվականին ԽՍՀՄ-ից արտաքսվել է Արևմտյան Գերմանիա, որտեղ էլ կնոջ՝ Մարգարիտի հետ ստեղծել է «Մարգարիտ Ոսկանյան» կինոֆիրման։

Հայաստանի անկախությունից հետո վերադարձել է հայրենիք և սկսել նկարահանել ֆիլմեր[3]:

Ասկարյանի ֆիլմերը ցուցադրվել են աշխարհի տարբեր երկրների հեղինակավոր հեռուստաընկերությունների կողմից՝ARD, WDR, ZDF, Channel 4, 3 sat, Arte և այլն։ «Վտանգավոր լույս» գրքի հեղինակն է։ Լուսանկարների անհատական ցուցահանդես է ունեցել Երևանի Նարեկացի արվեստի կենտրոնում, որտեղ ներկայացրել է 1969 թվականից Հայաստանում, Բեռլինում, Գյուլիստանում և շատ այլ վայրերում կատարած աշխատանքներ։ Անհատական ցուցահանդեսներ է ունեցել Տոկիոյում, Բեռլինում, Պոտսդամում, Երևանում և այլուր։[4]:

Ֆիլմեր[խմբագրել | խմբագրել կոդը]

Թվական Ֆիլմ
1984 «Արջը»
1988 «Կոմիտաս»
1988 «Լեռնային Ղարաբաղ»
(ցուցադրվել է գերմանական հեռուստատեսությամբ)
1992 «Ավետիք»
1998 «Փարաջանով»
2000 «Երաժիշտները»
2001 «Հին հռոմեական ճանապարհին»
2007 «Արարատ. 14 տեսանկյուն»
2008 «Հայրիկ»

Մրցանակներ[խմբագրել | խմբագրել կոդը]

  • Վենետիկի կինոփառատոնի 6 մեդալ («Կոմիտաս» ֆիլմի համար), 1988
  • Ոսկե տեսախցիկ «Միջազգային ԱՐՏ կինոփառատոնում վաստակի համար», 2004
  • Հարվարդյան կինեմատոգրաֆիայի արխիվի մրցանակ[5]
  • «Կոմիտաս» ֆիլմն արժանացել է Վենետիկի փառատոնի 6 մեդալների, այլ կինոփառատոների մեդալների, դիպլոմների

Մեջբերումներ Դոն Ասկարյանից[խմբագրել | խմբագրել կոդը]

Aquote1.png Ֆիլմ նկարահանելիս ռեժիսորն աչքի առաջ պետք է ունենա նույնիսկ դեռևս չնկարահանած ֆիլմը[6]: Aquote2.png


Aquote1.png Սովորել կարելի է յուրաքանչյուր ֆիլմ դիտելիս, նույնիսկ վատը, իսկ վատ ֆիլմ դիտելիս ավելի հեշտ ես սովորում, քանի որ հասկանում ես, որ չի կարելի այդպես նկարահանել: Իսկ լավ ֆիլմը պատճենել չես կարող: Aquote2.png


Ծանոթագրություններ[խմբագրել | խմբագրել կոդը]

  1. 1,0 1,1 1,2 http://www.ankakh.com/article/104997/mahatsyel-e-kinvorryejisvor--lusankarich-dvon-askaryane
  2. Բախտիար Հովակիմյան, Հայոց ծածկանունների բառարան, Ե., ԵՊՀ հրատ., 2005, էջ 562:
  3. Անդրանիկյան Արթուր (Թիվ 5(408), 1990 թ.)։ «Դոն Ասկարյանը ինչպես որ կա...»։ Ժողովուրդ: Էջեր 14,15 
  4. Դոն Ասկարյան
  5. Հարվարդյան կինեմատոգրաֆիայի արխիվի մրցանակ
  6. Դոն Ասկարյան. «Նկարահանեք միայն այն ամենը, ինչը որ ձեր մոտ ներքին մղում է առաջացնում»

Արտաքին հղումներ[խմբագրել | խմբագրել կոդը]