Դյուրվիլի ծով (անգլ.՝ d’Urville Sea), Հնդկական օվկիանոսի ծայրամասային ծով Անտարկտիդայի արևելյան ափերի մոտ՝ արևելյան երկայնության 136o և 148o֊ի միջև։ Ողողում է Ադելի երկրի ափերը։ Խորությունը մինչև 3610 մ է։ Կան շատ այսբերգներ։
Հայտնագործել է Դուգլաս Մոուսոնի գլխավորած ավստրալիական արշավախումբը 1914 թվականին։ Կոչվել է ի պատիվ ֆրանսիացի ծովագնաց և օվկիանոսագետ Ժյուլ Սեբաստիան Սեզար Դյումոն–Դյուվիլի, ով 1840 թվականին հայտնագործել էր Ադելի երկիրը[1]։
