Դիմիտրի Բաքրաձե

Վիքիպեդիայից՝ ազատ հանրագիտարանից
Jump to navigation Jump to search
Դիմիտրի Բաքրաձե
վրաց.՝ დიმიტრი ბაქრაძე
DBaqradze.jpg
Ծնվել էհոկտեմբերի 26 (նոյեմբերի 7), 1826
Խաշմ, Ռուսական կայսրություն
Մահացել էփետրվարի 10 (22), 1890 (63 տարեկանում)
Թիֆլիս, Ռուսական կայսրություն
ԳերեզմանԴիդուբեի պանթեոն
ՔաղաքացիությունՌուսական կայսրություն
Ազգությունվրացի
Մասնագիտությունմարդաբան, հնագետ և պատմաբան
Հաստատություն(ներ)Պետերբուրգի գիտությունների ակադեմիա
ԱնդամակցությունՊետերբուրգի գիտությունների ակադեմիա
Ալմա մատերՄոսկվայի հոգևոր ակադեմիա
Dimitri Bakradze Վիքիպահեստում

Դիմիտրի Բաքրաձե (վրաց.՝ დიმიტრი ზაქარიას ძე ბაქრაძე, 26 հոկտեմբերի (7 նոյեմբերի), 1826, Խաշմի, Թելավի գավառ, Վրաստանի նահանգ, Ռուսական կայսրություն (այժմ՝ Սագարեջոյի շրջան, Կախեթի մարզ, Վրաստան) - 10 (22) փետրվարի, 1890, Թիֆլիս, Ռուսական կայսրություն), վրացի և ռուս պատմաբան, հնագետ, էթնոգրաֆ, Սանկտ Պետերբուրգի գիտությունների ակադեմիայի թղթակից անդամ (1879 թվականից)[1]:

Կենսագրություն[խմբագրել | խմբագրել կոդը]

Դիմիտրի Բաքրաձեն ծնվել է 1826 թվականի հոկտեմբերի 26-ին (նոյեմբերի 7-ին) Խաշմի գյուղում, հոգևորականի ընտանիքում[1]:

1851 թվականին ավարտել է Մոսկվայի հոգևոր ակադեմիան[1]:

1861 թվականից աշխատել է Ռուսական աշխարհագրական միության Կազանի բաժանմունքում։ Մասնակցել է Կովկասի՝ Ռուսական կայսրությանը միանալուն վերաբերող փաստաթղթերի հրապարակմանը (հրատարակությունն իրականացվել է Կովկասի հնագրագիտական հանձնաժողովի կողմից 1873-1875 թվականներին)։ 1874 թվականին առաջարկել է կազմակերպել Կովկասի հնագիտությամբ հետաքրքրվողների միություն[1]:

Դիմիտրի Բաքրաձեի աշխատությունների շարքում առանձնանում են վրացերեն հրատարակված «Վրաստանի պատմություն» (1889), «Վրաստանն ու վրացիները» (1854), ինչպես նաև ռուսերեն հրատարակված «Կովկասը քրիստոնեական հնագույն հուշարձաններում» (1875), «Հնագիտական ճանապարհորդություն Վրաստանում ու Աջարիայում» (1878), «Հոդվածներ Վրաստանի պատմության ու հնությունների մասին» (1887)[2]:

Դիմիտրի Բաքրաձեի նախաձեռնությամբ Թիֆլիսում՝ Սիոնի եկեղեցու հարևանությամբ, կազմակերպվել է «հնապահոց» (թանգարան)[2]:

Դիմիտրի Բաքրաձեն մահացել է 1890 թվականի փետրվարի 10-ին (22-ին) Թիֆլիսում[2]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Большая Российская энциклопедия: В 30 т. / Председатель науч.-ред. совета Ю. С. Осипов. Отв. ред С. Л. Кравец. Т. 2. Анкилоз - Банка. - М.: Большая Российская энциклопедия, 2005. - 766 с.: ил.: карт.
  2. 2,0 2,1 2,2 Большая советская энциклопедия. Гл. ред. С. И. Вавилов, 2-е изд. Т. 4. Б - Березко. 1950. 644 стр., илл.; 54 л. илл. и карт.

Արտաքին հղումներ[խմբագրել | խմբագրել կոդը]