Դե, սպասիր (թողարկում 8)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Դե, սպասիր (այլ կիրառումներ)
Picto infobox cinema.png
Դե, սպասիր
94778425 nu pogodi.jpg
Տեսակմուլտֆիլմ
Ժանրհեքիաթ
Շարքի մասն էԴե, սպասիր
ՌեժիսորՎյաչեսլավ Կոտյոնոչկին
ՍցենարիստԱրկադի Խայտ և Ալեքսանդր Կուրլյանդսկի
ՀնչյունավորումԿլարա Ռումյանովա և Անատոլի Պապանով
Բեմադրող նկարիչՍվետոզար Ռուսակով
ԵրաժշտությունԳենադի Գլադկով
ԵրկիրFlag of the Soviet Union.svg ԽՍՀՄ
Լեզուռուսերեն
ԸնկերությունՍոյուզմուլտֆիլմ
Տևողություն9,19 րոպե
ՇարքԴե, սպասիր
Թվականհունվարի 5, 1974

«Դե, սպասիր» մուլտֆիլմի 8-րդ թողարկում (ռուս.՝ Ну, погоди! (выпуск 8)), խորհրդային «Դե, սպասիր» մուլտֆսերիալի 8-րդ թողարկումը։

Մուլտֆիլմի այս էպիզոդը թողարկվել է 1974 թվականի հունվարի 5-ին։ Մուլտֆիլմի գործողությունները տեղի են ունենում Ամանորին։ Հատուկ մուլտֆիլմի համար գրվել է «Ձմեռ պապի և Ձյունանուշի երգը»։ Բացի այդ առաջին անգամ «Դե՛, սպասիր» արտահայտությունը չի հնչում մուլտֆիլմում, այլ միայն վերջում սառույցի վրա գրվում է գայլի կողմից։

Սյուժե[խմբագրել | խմբագրել կոդը]

Գայլը դահուկներ է քշում, սակայն շարֆը ծառի ճյուղի է ընկնում, և գայլը ցած է գլորվում։ Սառցադաշտի վրա նա նկատում է նապաստակին, Արջուկից հափշտակում է նրա չմուշկները և Նապաստակի հետ սկսում է պարել «Կումպարսիտան»։ Պարելով նրանք չմուշկներով գրում են «Դե, սպասի՛ր» արտահայտությունը, սակայն բացականչական նշանը դնելիս՝ գայլը ծակում է սառույցը և ընկնում սառցածակը։

Այն շենքում, որտեղ տոնում են Ամանորը, գայլը նկատում է մի Արջի՝ Նապաստակի դիմակով և ցատկում է նրա վրա։ Արջը ծիծաղելով հանում է դիմակը և հագցնում գայլին։ Անցնում է Նապաստակը՝ գայլի դիմակով։ Գայլը գուծակում է, որ դա Նապաստակն է և մինչդեռ նա ծիծաղից հռհռում էր, Նապաստակը փախչում է։ Գայլը փորձում է հասնել Նապաստակին, սակայն տեսնելով Առյուծին՝ վախենում է։ Սակայն պարզվում է, որ Առյուծի դիմակի տակ թաքնված էր Նապաստակը, ով մի կողմ է շպրտում դիմակը և վազում մեքենաների ատրակցիոն։ Գայլը վազում է նրա հետևից և մեքենաներից մեկի վրա տեսնում Առյուծին։ Կարծելով, որ Նապաստակը կրկին խաբում է իրեն, հարձակվում է նրա վրա։ Առյուծը կանգնում է ամբողջ հասակով մեկ, մռնչում է և գայլը, հասկանալով, որ Առյուծն իսկական է, փախչում է։

Նապաստակը բեմ է դուրս գալիս Ձմեռ պապի հանդերձանքով և բեմից երեխաների հետ կանչում է Ձյունանուշին։ Գայլը հագնում է Ձյունանուշի շորեր և բեմ է դուրս գալիս, որտեղ Նապաստակի հետ կատարում է ամանորյա երգ։ Երգի վերջում Նապաստակը գայլին կապում է բարձրախոսի լարով և փախչում։ Գայլը պոկում է բարձրախոսի լարերը, հանում է Ձյունանուշի հագուստը և վազում Նապաստակի ետևից։

Այսպես նրանք հասնում են «Հասի՛ր» ատրակցիոն։ Երկու արջեր նրանց ինքնագնացներ են տալիս։ Մրցավազքը շարունակվում է մյուս ատրակցիոնում։ Նապաստակը քայլում է ոտնափայտերի վրա, իսկ գայլը՝ ջայլամի ոտքերի վրա՝ մտածելով, որ դրանք ոտնափայտեր են։ Ջայլամն այնպես է շպրտում Գայլին, որ վերջինս հայտնվում է ուղիղ մի պարկի մեջ, որը 2 արջ էին պահում։ Նապաստակը նույնպես մտնում է մեկ այլ պարկի մեջ և սկսում է առաջ ցատկել, սակայն տեսնելով, որ գայլը ուր որ է հասնելու է, թաքնվում է, ետևից մոտենում է գայլին և պարկը հագցնում նրա գլխին։ Ոչինչ չտեսնելով՝ գայլը հայտնվում է փաթեթավորող Խոզուկի մոտ, ով կարում էր նվերներով լի պարկերը և պիտակում։ Զարմացած Խոզուկը որոշում է կարել նաև մեծ պարկը, որտեղ գայլն էր։ Վերցնելով ամենամեծ ասեղը՝ նա ծակում է Գայլին այնքան ուժեղ, որ վերջինս բարձր ճչալով, մոտոցիկլի արագությամբ դուրս է թռչում Խոզուկի մոտից։ Այնուհետև տեսնելով Նապաստակին՝ նրա հետևից դուրս է գալիս փողոց։ Ճոպանուղով հասնելով Նապաստակին՝ վերջինս սկսում է խուտուտ տալ Գայլին, և նա վայր է ընկնում։ Գայլի ճչոցների պատճառով սարերից ձյան մեծ զանգվածակույտ է ընկնում, որից նա փորձում է խույս տալ։ Զանգվածակույտը Գայլին շպրտում է մի ծառի վրա, որտեղից նա սպառնում է Նապաստակին․ «Դե՛, սպասիր»։

Արտաքին հղումներ[խմբագրել | խմբագրել կոդը]