Դեն Գիլմոր

Վիքիպեդիայից՝ ազատ հանրագիտարանից
Դեն Գիլմոր
Դիմանկար
Ծնվել է1951
Քաղաքացիություն ԱՄՆ
Մասնագիտությունլրագրող, համակարգչային գիտնական և գրող
Պարգևներ և
մրցանակներ
Կայքdangillmor.com
 Dan Gillmor Վիքիպահեստում

Դեն Գիլմոր (անգլ.՝ Dan Gillmor, 1951), ամերիկացի գրող, ակտիվ բլոգեր, լրագրող, դասախոս և մեդիա ձեռներեց։ ԱՄՆ Արիզոնայի նահանգային համալսարանի Ուոլթեր Քրոնքայթի լրագրության և զանգվածային հաղորդակցության դպրոցի Նայթ (անգլ.՝ Knight) թվային մեդիա ձեռներեցության կենտրոնի ղեկավար[1]։ «Մենք ենք մեդիան» և «Մեդիակտիվ» գրքերի հեղինակն է։

Գործունեություն[խմբագրել | խմբագրել կոդը]

Մինչև լրագրող դառնալը Դեն Գիլմորը յոթ տարի երաժիշտ է աշխատել։ 1986-1987 ուսումնական տարում նա սովորել է Միչիգանի համալսարանի լրագրության ասպիրանտուրայում, որտեղ ուսումնասիրել է պատմություն, քաղաքականության տեսություն և տնտեսագիտություն։ Գիլմորը աշխատել է «Կանզաս սիթի թայմս» (անգլ.՝ Kansas City Times) և Վերմոնտի մի քանի այլ թերթերում, վեց տարի թղթակցել է «Դեթրոյթ ֆրի փրես» (անգլ.՝ Detroit Free Press) թերթին։

Գիլմորը 1994-2005 թվականներին թղթակցել է Սիլիկոն Վալիի «Սասն Խոսե Մերքյուրի Նյուզ» (անգլ.՝ San Jose Mercury News) օրաթերթին, որի ժամանակ նա դարձել է դոթքոմերի բումի և նրանց հետագա անկման հիմնական մատենագիրը։ 1999 թվականի հոկտեմբերին նա սկսել է «Մերքյուրի Նյուզ»-ի համար բլոգ գրել, և համարվում է, որ դա առաջին դեպքն էր ավանդական մեդիա ընկերության համար[2]։ Գիլմորի էլեկտրոնային լրագրի պահոցը կորել էր, բայց այժմ վերականգնվել է Bayosphere.com կայքում[3]։

2005 թվականի հունվարին Գիլմորը լքում է «Մերքյուրի Նյուզ»-ը և անցնում աշխատանքի «Բայոսֆեր» (անգլ.՝ Bayosphere) կոչվող հանրային լրագրության մեկնարկային կազմակերպությունում, որը նպատակն էր «հասարակության համար հաղորդելն ու հրապարակելը համացանցում դարձնել ավելի հեշտ»[4] 2005 թվականի մայիսին մեկնարկած[5] «Բայոսֆեր»-ը փակվել է 2006 թվականի հունվարին[6]։

«Բայոսֆեր»-ը փակվելուց հետո Գիլմորը անցել է նոր՝ «Քաղաքացիական Մեդիայի կենտրոն» նախագծի, որը շահույթ չհետապնդող կազմակերպություն էր և համագործակցում էր Կալիֆորնիայի համալսարանի, Բերքլիի լրագրողական բարձրագույն դպրոցի և Հարվարդի համալսարանի Իրավունքի դպրոցի համացանցի և հասարակության Բերքման կենտրոնի հետ[6]։

2007 թվականին Գիլմորը դարձել է առցանց ճանապարհորդական Dopplr հավելում նախագծի համահիմնադիրը[1]։

2007 թվականի նոյեմբերից Արիզոնայի նահանգային համալսարանի Ուոլթեր Քրոնքայթի լրագրության և զանգվածային հաղորդակցության դպրոցի Նայթ (անգլ.՝ Knight) թվային մեդիա ձեռներեցության կենտրոնի ղեկավարն է[1]։ Դեն Գիլմորը 2011 թվականի ապրիլից՝ հիմնադրման օրից, Համընդհանուր խմբագիրների համացացանց (անգլ.՝ Global Editors Network) կազմակերպության խորհրիդի անդամ է[7]։

Երկեր[խմբագրել | խմբագրել կոդը]

Գրքեր

Դեն Գիլմորը «Մենք ենք մեդիան» (անգլ.՝ We the Media) գրքի հեղինակն է (2004)[8], որը ներկայացնում է համացանցը՝ անկախ լրագրողների համար միջոց, որը հնարավորություն է տալիս մարտահրավեր նետել ավանդական մեդիաների համախմբմանը։ Գիլմորը վկայում է «Իմ ընթերցողը գիտի ավելին, քան ես»[9]։ Գիրքը առաջարկում է բլոգը, RSS-ը, SMS-ը որպես համացանցային գործիքներ, և կանխատեսում թե այս գործիքները ինչպես կփոխեն լրագրությունը։ 2010 թվականին Գիլմորը հրատարակել է «Մեդիակտիվ» գիրքը[10][11],, որտեղ խոսում է մեդիա գրագիտության մասին։

Փոդքասթներ

Մրցանակներ[խմբագրել | խմբագրել կոդը]

  • EFF Pioneer Award (2002)[12]
  • Համաշխարհային տեխնոլոգիաներ մրցանակ (անգլ.՝ World Technology Award), մեդիա և լրագրության ասպարեզ (2004)[13]

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 «Digital Media Leader Named Knight Center Director, Kauffman Professor at ASU». Arizona State University. 2007 թ․ նոյեմբերի 6. Արխիվացված է օրիգինալից 2008 թ․ մարտի 11-ին. Վերցված է 2008 թ․ մարտի 10-ին.
  2. ↑ Rosenberg, Scott (2009). Say Everything: How Blogging Began, What It's Becoming, and Why It Matters. New York: Crown. էջեր 134–135.
  3. ↑ Gillmor, Dan (2010). «Information safety». Mediactive. Dan Gillmor. Վերցված է 2012 թ․ մարտի 10-ին.
  4. ↑ «Dan Gillmor to leave MN». San Jose Mercury News. San Jose, CA. 2004 թ․ դեկտեմբերի 10. էջ 1E.
  5. ↑ Johnson, Bobbie (2005 թ․ հունիսի 30). «Blog watch: Citizen chain». The Guardian. London.
  6. ↑ 6,0 6,1 Johnson, Miki (2006 թ․ հունվարի 25). «'Citizens Media' Pioneer Dan Gillmor Leaving Bayosphere». Editor & Publisher.
  7. ↑ «Global Editors Network board members». Արխիվացված է օրիգինալից 2014 թ․ հունվարի 6-ին. Վերցված է 2013 թ․ հունիսի 19-ին.
  8. ↑ Gillmor, Dan (2004 թ․ օգոստոս). We the Media: Grassroots journalism by the people, for the people. Sebastopol, CA: O'Reilly Media. ISBN 0-596-00733-7.
  9. ↑ Gillmor, Dan (2004 թ․ օգոստոս). «Introduction». We the Media. Authorama.
  10. ↑ Mediactive
  11. ↑ Gillmor, Dan (2010 թ․ դեկտեմբերի 9). Mediactive. Dan Gillmor. ISBN 0-9846336-0-X.
  12. ↑ «2002 Pioneer Awards: Gillmor, Givens, DeCSS Writers». EFF Media Release. San Francisco, CA. 2002 թ․ ապրիլի 11. Արխիվացված է օրիգինալից 2008 թ․ նոյեմբերի 27-ին. Վերցված է 2012 թ․ մարտի 24-ին.
  13. ↑ «Dan Gillmor Wins 2004 World Technology Award for Media & Journalism». O'Reilly. 2004 թ․ հոկտեմբերի 27.

Արտաքին հղումներ[խմբագրել | խմբագրել կոդը]

Վիքիքաղվածքն ունի քաղվածքների հավաքածու, որոնք վերաբերում են
Դեն Գիլմոր հոդվածին
Վիքիքաղվածքն ունի նյութեր, որոնք վերաբերում են «Դեն Գիլմոր» հոդվածին։
Վիքիպահեստն ունի նյութեր, որոնք վերաբերում են «Դեն Գիլմոր» հոդվածին։
Բառարաններ և հանրագիտարաններ
Ստացված է «https://hy.wikipedia.org/w/index.php?title=Դեն_Գիլմոր&oldid=9770386» էջից