Դեմիրբուլաղի մզկիթ

Վիքիպեդիայից՝ ազատ հանրագիտարանից
Դեմիրբուլաղի մզկիթ
Mosque in Erivan.jpg
Տեսակմզկիթ և գոյություն չունեցող շենք կամ կառույց
ԵրկիրFlag of Armenia.svg Հայաստան
ՎարչատարածքԵրևան
Հիմնվել է1909
Կարգավիճակավերված
Ճարտարապետություն
Ոճպարսկական ճարտարապետություն

Դեմիրբուլաղի մզկիթ, շիա իսլամական մզկիթ Երևանի Դեմիրբուլաղ թաղամասում։ Ըստ Բորիս Մեհրաբովի 1911 թվականի քարտեզի[1]՝ գտնվել է Սև շուկայի հարևանությամբ՝ ենթադրաբար այսօրվա Գրիբոեդովի արձանի դիմային մասում (Ռոսիա կինոթատրոն)։ Հայտնի է նաև Հաջի Իմամ Վերդի մզկիթ ու Քյոռփուղուլաղ մզկիթ անուններով[2]։

Կառուցվել է 1909 թվականին՝ լինելով Երևանի ամենանոր մզկիթը։ Ունեցել է մեկ մեծ ու մեկ փոքր գմբեթ։ Մինարե չի ունեցել։

Առ 1954 թվականը գործել է, ինչի մասին վկայում է Դեմիրբուլաղի մզկիթի խորհրդի նախագահ Ֆարաջևի ցավակցական նամակը Էջմիածնին՝ Գևորգ Զ Նորնախիջևանցի կաթողիկոսի մահվան կապակցությամբ[3]։

Քանդվել է 1958 թվականին[2]՝ քաղաքում շինարարական աշխատանքների ու Տիգրան Մեծի պողոտայի լայնացման աշխատանքների ընթացքում։

Ծանոթագրություններ[խմբագրել | խմբագրել կոդը]