Կոնդի մզկիթ

Կոնդի մզկիթ, շիա իսլամական մզկիթ, որը գտնվում է Երևանի Կոնդ թաղամասի հարավում։ Հայտնի է նաև Աբբաս-Ղուլու խանի մզկիթ կամ Թափաբաշի մզկիթ անուններով։

Կոնդի մզկիթը հիմնվել է 1687 թվականին^[1]։ Հաշվի առնելով այն փաստը, որ նույն շրջանում ակտիվորեն վերականգնվում էին դրանից 8 տարի առաջ տեղի ունեցած մեծ երկրաշարժից քանդված բոլոր եկեղեցիները, հավանաբար Կոնդի մզկիթի տեղում նույնպես եղել է ավելի հին հայկական եկեղեցի մինչ 1679 թվականը։

Գտնվել է ներկայիս Կոնդի, Ռուսթավելու ու Սիմեոն Երևանցու փողոցների հատման վայրում՝ Կոնդ թաղամասի հարավում։ Կոնդի մզկիթը ունեցել է երկու գմբեթ՝ մեծ ու փոքր։ Մեծը քանդվել է 1960-ականներին^[2]։

1915 թվականին այստեղ բնակվել է ցեղասպանությունից փրկված 17 ընտանիք, ում ժառանգները մինչ այսօր էլ ապրում են մզկիթի շենքում^[2]։