Դեղին խաղտտնիկ
Անվան այլ կիրառումների համար տե՛ս՝ Դեղին (այլ կիրառումներ)
| Դեղին խաղտտնիկ | ||
|---|---|---|
 | ||
| Գիտական դասակարգում | ||
|
||
| Լատիներեն անվանում | ||
| Motacilla flava | ||
| Հատուկ պահպանություն | ||
| Արեալ | ||
 |
Դեղին խաղտտնիկ, խաղտտնիկների ընտանիքի պատկանող թռչուն։ Հայաստանում բնադրվող, չվող թռչուն է։
Արտաքին տեսք
[խմբագրել | խմբագրել կոդը]Դեղին խաղտտնիկի պոչը երկար է, սակայն չի գերազանցում մարմնի երկարությանը։ Արուի գլխի վերին մասը մոխրագույնից անցնում է մուգ սևի, մեջքը՝ ձիթապտղագույն, թևերը և պոչը դարչնագույն են, պոչի եզրային փետուրները սպիտակ են, կոկորդը, կտնառքը և որովայնը՝ դեղնասպիտակավուն։ Երիտասարդ առանձնյակների մարմնի վերին մասը դարչնագույն է, ստորին մասը՝ շիկավուն։ Քաշը՝ 13,5-20,6 գ, թևի երկարությունը՝ 74-89 մմ։
Կենսակերպ
[խմբագրել | խմբագրել կոդը]Գարնանը վերադառնում է ապրիլ-մայիս ամիսներին։ Չվող երամների թիվը հասնում է հարյուրների և նույնիսկ հազարների։ Դեպի բնակավայրերն են վերադառնում սկզբում արուները, այնուհետև՝ էգերը։ Տարածված է ամենուր, որտեղ կան խոնավ մարգագետիններ, ճահճացած ջրեր, լճակներ, դանդաղահոս գետերի խոնավ ափեր և այլն։ Գարնանը մեծ քանակությամբ հանդիպում է Արարտյան հարթավայրի ճահճուտների, բնական և արհեստական ջրավազանների մոտակայքում։
Բնադրում
[խմբագրել | խմբագրել կոդը]Բնադրվում է մայիսից մինչև հուլիս, բույնը սարքում է չոր խոտերից՝ գետնին, փոքր փոսիկի մեջ ու քողարկում թփերի տակ։ Դնում է 5-6 կանաչասպիտակավուն, մուգ պտերով ձվեր։
Սննդառություն
[խմբագրել | խմբագրել կոդը]Սնվում է անողնաշար կենդանիներով։
Տարածվածություն
[խմբագրել | խմբագրել կոդը]Տարածված է Եվրոպայում, Ասիայում, Աֆրիկայում և Հյուսիսային Ամերիկայում[1]։
Աղբյուրներ
[խմբագրել | խմբագրել կոդը]- ↑ Մ. Ս. Ադամյան (1988). Հայաստանի թռչունները. Երևան: «Արևիկ». էջ էջ 28.
 | Վիքիցեղերն ունի նյութեր, որոնք վերաբերում են «Դեղին խաղտտնիկ» հոդվածին։ |
 | Վիքիպահեստն ունի նյութեր, որոնք վերաբերում են «Դեղին խաղտտնիկ» հոդվածին։ |
| ||||||
