Դարհեմի համալսարան

Վիքիպեդիայից՝ ազատ հանրագիտարանից
Jump to navigation Jump to search
Դարհեմի համալսարան
Durham shield.png
Տեսակcollegiate university?, հանրային հետազոտությունների համալսարան և բարձրագույն ուսումնական հաստատություն
Հիմնադրված է1832
ԱնդամակցությունN8 հետազոտական ընկերություն, Faith and Globalisation Network of Universities?, Universities UK?, Համալսարանների մատարիկի ցանց, European Quality Improvement System?, Եվրոպայի համալսարանների միություն[1], Association to Advance Collegiate Schools of Business?, Association of Commonwealth Universities?, «Ռասսել» խումբ, Association of MBAs?, ORCID[2], Jisc[3] և Digital Preservation Coalition[4]
ԵրկիրFlag of the United Kingdom.svg Միացյալ Թագավորություն
ՏեղագրությունԴարհեմ, Stockton-on-Tees? և County Durham?
ՀասցեUniversity of Durham, University Office, Old Evet, Durham, DH1 3HP
Կայքdur.ac.uk
Կոորդինատներ: 54°46′22.800000100012″ հս․ լ. 1°34′26.4000001″ ամ. ե. / 54.77300000002777836° հս․. լ. 1.574000000028° ավ. ե. / 54.77300000002777836; 1.574000000028
University of Durham Վիքիպահեստում

Դարհեմի համալսարան, անգլ.՝ University of Durham, հայտնի է նաև Դարհեմական համալսարան, անգլ.՝ Durham University [5], համալսարան Անգլիայի Դարհեմ քաղաքում։ Հիմնադրվել է խորհրդարանի ակտով 1832 թվականին և ստացել թագավորական խարտիան 1837 թվականին։ Համարվում է Անգլիայի ամենահեղինակավոր և երեք գլխավոր համալսարաններից մեկը, քանի որ դրանից առաջ Անգլիայի տարածքում գոյություն են ունեցել միայն Օքսֆորդի և Քեմբրիջի համալսարանները (ինչպես նաև ընդամենը 4 տարի գոյություն ունեցող Նորթհեմփթոնի համալսարանը)։ Երրորդ կոչվելու իրավունքը վիճարկում է Լոնդոնի համալսարանը, հիմնվելով համալսարանի կարգավիճակ չունեցող իր առանձին հնագույն ստորաբաժանումների վրա։

Պատմություն և նկարագրություն[խմբագրել | խմբագրել կոդը]

Durham Castle Eingang.jpg

Դարհեմի համալսարանը բաղկացած է կենտրոնական դեպարտամենտից (ֆակուլտետներից) և 16 քոլեջներից։ Ընդհանուր առմամբ, դեպարտամենտները (ֆակուլտետները) զբաղվում են հետազոտական աշխատանքով և ուսանողների համար դասախոսությունների կենտրոնացված կազմակերպմամբ, մինչդեռ քոլեջները պատասխանատու են ավագ կուրսերի, ասպիրանտների և համալսարանի անձնակազմի մի մասի տեղաբաշխման և ապահովման համար։

Համալսարանի ուսանողները հիմնականում միջին և բարձր դասի ներկայացուցիչներ են[6]։ Ըստ University Guide-ի վերջին հետազոտության, Դարհեմի համալսարանը Մեծ Բրիտանիայում զբաղեցնում է 3-րդ տեղը՝ Քեմբրիջի և Օքսֆորդի համալսարաններից հետո[7]։

Martin Archer Shee - King William IV - c.1800.jpg

Դարհեմը երկար ժամանակ վայելել է զարգացած ավանդույթներով աստվածաբանական կրթություն ունեցող քաղաքի համբավը, ինչի կապակցությամբ խոշոր ուսումնական հաստատություն հիմնելու առաջին փորձերը նախաձեռվել են Հենրի VIII-ի և Կրոմվելի օրոք, որոնք ստացել են համապատասխան արտոնագրեր [8]։ Սակայն Օքսֆորդի և Քեմբրիջի համալսարանների կողմից հակազդեցության պատճառով, Դարհեմի քոլեջն այդպես էլ չի կարողացել դառնալ համալսարան մինչև 19-րդ դարը[9]։ Միայն 1832 թվականին, ավագ սարկավագ Չարլզ Տորպի պնդմամբ և Դարհեմ եպիսկոպոս Ուիլյամ վան Միլդերթի աջակցությամբ, համալսարանի հիմնադրման մասին որոշումն ընդունել է բրիտանական խորհրդարանը։ Հանրակացարանը 1833-1837 թվականներին եղել է ավագ սարկավագի փոքրիկ տավերնում։ Ավելի ուշ համալսարանին է փոխանցվել Դարհեմի ամրոցը (նախկինում՝ Եպիսկոպոսի պալատը)։ Վիլհելմ 4-րդը 1837 թվականի հունիսի 1-ին համալսարանին շնորհել է թագավորական խարտիան, իսկ մեկ շաբաթ անց կայացել է առաջին ավարտական թողարկումը։

2009 թվականի հուլիսին Միացյալ Թագավորության վարչապետ Թոնի Բլեերը, Եյլի համալսարանի և Սինգապուրի ազգային համալսարանի հետ համագործակցության կնքումից հետո հայտարարել է, Դարհեմի համալսարանի հետ ռազմավարական համագործակցության մասին, որպեսզի ստեղծվի տասներկու առաջատար հետազոտական համալսարանների գլոբալ ցանց, հավատքի և գլոբալիզացիայի (Faith and Globalization Initiative) իր նախաձեռնության առաջխաղացման համար Թոնի Բլեերի հավատքի հիմնադրամի (Tony Blair Faith Foundation) հետ համագործակցությամբ[10]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. https://eua.eu/about/member-directory.html
  2. https://orcid.org/members/001G000001sQkOtIAK-durham-university
  3. https://www.jisc.ac.uk/membership
  4. https://dpconline.org/about/members
  5. The University : Trading Name — Durham University
  6. «Profile: Durham University»։ The Times։ London 
  7. «The Sunday Times University Guide 2012»։ Արխիվացված է օրիգինալից 2012-04-23-ին 
  8. «The Penny Cyclopædia of the Society for the Diffusion of Useful Knowledge»։ C. Knight, 1838։ Վերցված է 2009-05-31 
  9. «Архивированная копия»։ Արխիվացված է օրիգինալից 2007-08-08-ին։ Վերցված է 2007-08-07 
  10. «アーカイブされたコピー»։ Արխիվացված է օրիգինալից 2009-07-24-ին։ Վերցված է 2010-03-11 

Արտաքին հղումներ[խմբագրել | խմբագրել կոդը]