Դարհեմի ամրոց

Վիքիպեդիայից՝ ազատ հանրագիտարանից
Jump to navigation Jump to search
WorldHeritageBlanc.svg
Դարհեմի ամրոց
Durham Castle*
ՅՈՒՆԵՍԿՕ-ի համաշխարհային ժառանգություն

Durham Castle, April 2017 (14) (33459522640).jpg
Երկիր Մեծ Բրիտանիա Մեծ Բրիտանիա
Տիպ Մշակութային
Չափանիշներ ii, iv, vi
Ցանկ ՅՈՒՆԵՍԿՕ֊ի ցանկ
Աշխարհամաս** Եվրոպա
Կոորդինատներ 54°46′30″ հս․ լ. 1°34′32″ ամ. ե. / 54.77500° հս․. լ. 1.57556° ավ. ե. / 54.77500; 1.57556
Ընդգրկման պատմություն
Ընդգրկում 1986  (10-րդ նստաշրջան)
Համար 370
* Անվանումը պաշտոնական անգլերեն ցանկում
** Երկրամասը ըստ ՅՈՒՆԵՍԿՕ-ի դասակարգման
Համաշխարհային UNESCO logo.svg ժառանգություն
ՅՈՒՆԵՍԿՕ-ի դրոշը ՅՈւՆԵՍԿՕՀամաշխարհային ժառանգություն ,
օբյեկտ № 370
ռուս..անգլ..ֆր.

Դարհեմի ամրոց, նորմանդական ամրոց Անգլիայի Դարհեմ քաղաքում: 1840 թվականից ի վեր ամրոցի շենքն ամբողջությամբ զբաղեցնում է Դարհեմի համալսարանական քոլեջը: Հասարակության համար բաց է բացառապես ուղեկցորդով էքսկուրսիաների համար, քանի որ այն պատմական վայր լինելով հանդերձ մոտ հարյուր ուսանողների ուսման և ապրելու վայր է: Ամրոցը գտնվում է Դարհեմ թերակղզում, բլրի գագաթին, Ուեր գետից վեր, Դարհեմի տաճարի դեմ դիմաց:

Պատմություն[խմբագրել | խմբագրել կոդը]

Ամրոցը կառուցվել է 11-րդ դարում, որպես Անգլիայի հյուսիսում Նորմանդիայի թագավորի գերիշխանության խորհրդանիշ, քանի որ 1066 թվականի նորմանդական ներխուժումից հետո Անգլիայի հյուսիսի բնակչությունը շարունակում էր մնալ «վայրի և փոփոխական»: Ամրոցը նորմանդացիների նախընտրած վաղ շրջանի «մութ և մռայլ» ամրոցների օրինակ է: Ամրոցի կառավարիչ նշանակվեց Դարհեմի եպիսկոպոսը, որը Նորմանդիայի արքայի անունից պիտի ներկայացներ նրա իշխանությունը:

Մեծ սրահի մուտքը
Մեծ սրահի ներսը

Ամրոցը շարունակում էր ծառայել որպես Դարհեմի եպիսկոպոսի պալատ մինչև որ եպիսկոպոսներն իրենց նստավայրը դարձրեցին Օքլենդի ամրոցը և Դարհեմի ամրոցը փոխակերպվեց Դարհեմի համալսարանական քոլեջի: Ամրոցն ունի ընդարձակ սրահ, որը կառուցել է Դարհեմի եպիսկոպոս Էնթընի Բեկը 14-րդ դարի սկզբներին: Դա Մեծ Բրիտանիայի ամենաընդարձակ դահլիճն էր, մինչև եպիսկոպոս Ռիչարդ Ֆոքսը փոքրացնել տվեց այն՝ 15-րդ դարի վերջին: Այնուամենայնիվ, նա այժմ էլ պատկառելի չափսեր ունի՝ 14 մետր բարձրություն և 30 մետր երկարություն:

Համալսարանական քոլեջ[խմբագրել | խմբագրել կոդը]

1837 թվականին եպիսկոպոս Էդուարդ Մոլթբին ամրոցը նվիրեց նոր կազմավորված Դարհեմի համալսարանին՝ որպես ուսանողների կացարան: Այն անվանվեց Դարհեմի համալսարանական քոլեջ: Ճարտարապետ Էնթընի Սալվինը վերակառուցեց սկզբնական կառույցի կիսավեր, կենտրոնական աշտարակը: Քոլեջի բացումը կատարվեց 1840 թվականին և այնտեղ մինչև այսօր ապրում են ավելի քան հարյուր ուսանողներ, որոնցից շատերը՝ աշտարակում: Քոլեջի աշխատակազմը և ուսանողները ճաշում են եպիսկոպոս Բեկի Մեծ Սրահում: Մեծ Սրահի ներքնահարկը, միևնույն ժամանակ, նոր ընդունված ուսանողների համար ծառայում է որպես ընդհանուր սենյակ՝ ներառյալ բարը: Ընդ որում, դա քոլեջի հիմնական ընդհանուր սենյակն է բակալավրիատի ուսանողների համար: Ամրոցի երկու մատուռն էլ դեռևս օգտագործվում են՝ երկուսն էլ պատարագների և թատերական ներկայացումների համար: Ամրոցում գտնվում են նաև քոլեջի գրադարանը, գրասենյակները և տեղեկատվական տեխնոլոգիաների հավաքակազմը: Համալսարանի արձակուրդների ընթացքում ամրոցը տրամադրում է ակադեմիական համաժողովների համար տարածք և հյուրանոցային սենյակներ գիշերակացի համար: Ամրոցի մուտքը հասարակության համար բաց է միայն էքսկուրսավարով ուղեկցվող այցելությունների համար: Բացառությամբ այդպիսի էքսկուրսիաների, ամրոց մտնելու իրավունք ունեն միայն քոլեջի անդամները և համաժողովների հյուրերը: 2011 թվականին ամրոցը փակվեց այցելությունների համար վերանորոգման աշխատանքների պատճառով: 2011 թվականի աշնանը այն կրկին բացվեց հասարակության առաջ:

Դարհեմի ամրոցի մուտքը՝ ձևափոխված 18-րդ և 19-րդ դարերում
Մեծ սրահը հետագա ձևափոխություններով
Ամրոցի ընդհանուր տեսքը Դարհեմի տաճարից

Մատուռներ[խմբագրել | խմբագրել կոդը]

Քոլեջը օգտագործում է ամրոցի երկու մատուռները՝ Նորմանդականը, կառուցված մոտավորապես 1078 թվականին և Քաթբերտ Թանսթոլի մատուռը՝ կառուցված 1540 թվականին: Նորմանդական մատուռը, որն ամրոցի ամենահին շինությունն է, կառուցվել է անգլիական ոճով, հավանաբար այն պատճառով, որ շինարարների մեծ մասը եղել են անգլիացիներ: 15-րդ դարում, սակայն, մատուռի երեք պատուհանները փակվեցին կենտրոնական աշտարակի ընդարձակման պատճառով: Մինչև 1841 թվականը մատուռը գործածվում էր որպես գլխավոր աշտարակ տանող միջանցք: Երկրորդ համաշխարհային պատերազմի տարիներին այն օգտագործվում էր որպես Թագավորական օդուժի հրամանատարական և դիտորդական շտաբ, երբ ճանաչվեց դրա նախնական նշանակությունն ու գործածությունը: Պատերազմի ավարտից կարճ ժամանակ անց մատուռը վերանորոգվեց և այդ ժամանակից ի վեր օգտագործվում է քոլեջի ամենշաբաթյա պատարագների համար: Թանսթոլի մատուռը, որը մի փոքր ավելի ընդարձակ է, ավելի շատ է գործածվել կրոնական նպատակներով: Այն ընդարձակվել է 17-րդ դարում: Մատուռի ետևի կողմում տեղադրված են 16-րդ դարի նստարաններ, որոնք նախատեսված են երկար կանգնելուց հոգնած մարդկանց նստելու համար:

Համաշխարհային ժառանգության օբյեկտ[խմբագրել | խմբագրել կոդը]

1986 թվականին Դարհեմի ամրոցը Դարհեմի տաճարի հետ համատեղ ընդգրկվել է Միացյալ Թագավորությունում ՅՈՒՆԵՍԿՕ-ի Համաշխարհային ժառանգության օբյեկտների ցանկում:

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]