Դավիթ Մարգարյան
Դավիթ Մարգարյան | |
---|---|
Ծնվել է | 1915 |
Ծննդավայր | Արամուս, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն |
Մահացել է | 1995 |
Քաղաքացիություն | Ռուսական կայսրություն և ԽՍՀՄ |
Կրթություն | Երևանի պետական համալսարան (1941) |
Մասնագիտություն | մանկավարժ |
Պարգևներ և մրցանակներ |
Դավիթ Հովսեփի Մարգարյան (1915, Արամուս, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն - 1995), հայ մանկավարժ։ Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Դավիթ Մարգարյանը ծնվել է 1915 թվականին Կոտայքի շրջանի Արամուս գյուղում։ 7-ամյակն ավարտելուց հետո միջնակարգ դպրոցն ավարտել է Ելղովանում։ 1936-1941 թվականներին սովորել և ավարտել է Երևանի պետական համալսարանի բանասիրական ֆակուլտետը[1]։
1941 թվականին զորակոչվել է բանակ, ծառայությունն անցել է Լենինականում, 61-րդ հրաձգային դիվիզիայում։ 1942 թվականին մասնակցել է Մոզդոկի և Հյուսիսային Կովկասի մի շարք քաղաքների ազատագրման մարտերին, որոնցից մեկում վիրավորվել է և բուժվելուց հետո 1943 թվականին զորացրվել է բանակից[1]։
1943-1945 թվականներին Մարգարյանը զբաղվել է մանկավարժական գործունեությամբ։ 1943-1944 թվականներին եղել է Քանաքեռի միջնակարգ դպրոցի տնօրեն և հայոց լեզվի ու գրականության ուսուցիչ, 1945-1948 թվականներին՝ «Արշալույս» թերթի խմբագիր, կուսշրջկոմի պրոպագանդայի և ագիտացիայի բաժնի վարիչ, այնուհետև՝ Ձորաղբյուրի, ապա՝ Քանաքեռի միջնակարգ դպրոցների տնօրեն։ 1975 թվականին անցել է կենսաթոշակի, միաժամանակ շարունակել է դպրոցում դասավանդել հայոց լեզու և գրականություն։
Պարգևատրվել է «Մարտական ծառայությունների համար», «Գերմանիայի դեմ տարած հաղթանակի համար», «Աշխատանքային գերազանցության», «Աշխատանքի վետերան» և այլ մեդալներով[1]։
Դավիթ Մարգարյանը մահացել է 1995 թվականին։
Պարգևներ[խմբագրել | խմբագրել կոդը]
- «Մարտական ծառայությունների համար» մեդալ
- «Գերմանիայի դեմ տարած հաղթանակի համար» մեդալ
- «Աշխատանքի վետերան» մեդալ
- «Աշխատանքային գերազանցության» մեդալ
Ծանոթագրություններ[խմբագրել | խմբագրել կոդը]
- 1915 ծնունդներ
- Արամուս գյուղում ծնվածներ
- 1995 մահեր
- ԵՊՀ շրջանավարտներ
- Անձինք այբբենական կարգով
- Հայ մանկավարժներ
- Հայրենական մեծ պատերազմի հայ մասնակիցներ
- «Մարտական ծառայությունների համար» մեդալով պարգևատրվածներ
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալակիրներ
- «Աշխատանքի վետերան» մեդալակիրներ
- Դպրոցի տնօրեններ