Դայան Քենոն

Վիքիպեդիայից՝ ազատ հանրագիտարանից
Դայան Քենոն
Dyan Cannon 1950s.JPG
Ծննդյան թիվ՝հունվարի 4, 1937(1937-01-04)[1][2][3][…] (86 տարեկան)
Ծննդավայր՝Տակոմա, Վաշինգտոն, ԱՄՆ
Քաղաքացիություն՝Flag of the United States.svg ԱՄՆ
Մասնագիտություն՝կինոռեժիսոր, հեռուստատեսային դերասանուհի, կինոդերասանուհի, սցենարիստ, կինոպրոդյուսեր, ձայնային դերասանուհի, մոդել, մոնտաժող և կինոսցենարիստ
Պարգևներ՝
IMDb։ID 0001007

Դայան Քենոն (հունվարի 4, 1937(1937-01-04)[1][2][3][…], Տակոմա, Վաշինգտոն, ԱՄՆ), ամերիկացի դերասանուհի, պրոդյուսեր, ռեժիսոր և սցենարիստ։

Կենսագրություն[խմբագրել | խմբագրել կոդը]

Դայան Քենոնը ծնվել է Թաքոմա քաղաքում, ապահովագրական գործակալի և տնային տնտեսուհու ընտանիքում[4]։ Մայրը ծագումով հրեա էր, ով ԱՄՆ էր տեղափոխվել Ռուսաստանից։

Նրա դերասանական առաջնելույթը տեղի է ունեցել 1950-ականների վերջին՝ հեռուստատեսությունում, որտեղ նա աշխատել է հետագա տասը տարիների ընթացքում։ 1965 թվականին ամուսնացել է դերասան Քերի Գրանտի հետ, ով մեծ էր Դայանից 33 տարով։ 1966 թվականին ծնվել է նրանց դուստրը՝ ապագա դերասանուհի Ջենիֆերը, իսկ երկու տարի անց զույգը բաժանվել է։

Քենոնը մեծ էկրաններին է հայտնվել 1969 թվականին, իր առաջին և հաջողակ դերի շնորհիվ՝ «Բոբ և Քերոլ, Թեդ և Էլիս» կատակերգական դրամայում Էլիսի կերպարի մարմնավորմամբ։ Այս դերի շնորհիվ դերասանուհին ստացել է «Օսկարի»՝ մեկ և «Ոսկե գլոբուսի»՝ երկու անվանակարգեր։ Երկու տարի անց Քենոնը կրկին առաջադրվել է «Ոսկե գլոբուսի», «Նման լավ ընկերներ» ֆիլմում դերակատարման համար։ 1979 թվականին արժանացել է «Ոսկե գլոբուս» մրցանակի, ինչպես նաև Կինոարվեստի և գիտության ակադեմիայի մրցանակի Ուորեն Բիթիի «Երկինքը կարող է սպասել» ֆիլմում դերակատարման համար։

Դերասանական գործունեությանը զուգահեռ Դայան Քենոնը հանդես է եկել իբրև ռեժիսոր՝ 1976 թվականին նկարահանելով «Համար առաջին» կարճամետրաժ ֆիլմը, որը ներկայացվել է «Օսկարի» լավագույն խաղային կարճամետրաժ ֆիլմ անվանակարգում[5]։

Դերասանուհու հետագա աշխատանքները կինոյում և հեռուստատեսությունում մեծ հաջողություն չունեին։ Նա խաղացել է քիչ ճանաչում ունեցող ֆիլմերում՝ «Մահացու թակարդ» (1982), «Գոլֆ ակումբ 2» (1988), «Վարունգ» (1993), «Այդ վայրի կատուն» (1997) և «Դեսպանորդ» (1998)։ 1990-ական թվականների վերջից Դայան Քենոնը նկարահանվել է բացառապես հեռուստատեսությունում՝ հանդես գալով «Էլլի Մակբիլ» և «Երեք քույր» հեռուստասերիալներում։

Դայան Քենոնի ներդրումը ամերիկյան կինոարտադրության մեջ նշանավորվել է Հոլիվուդյան փառքի ծառուղում աստղի տեղադրմամբ[6]։

Մրցանակներ[խմբագրել | խմբագրել կոդը]

  • «Ոսկե գլոբուս» 1979 - «Երկրորդ պլանի լավագույն դերասանուհի» («Երկինքը կարող է սպասել»)
  • «Սատուրն» 1979 - «Երկրորդ պլանի լավագույն դերասանուհի» («Երկինքը կարող է սպասել»)

Ծանոթագրություններ[խմբագրել | խմբագրել կոդը]

  1. 1,0 1,1 Internet Broadway Database — 2000.
  2. 2,0 2,1 Lundy D. R. The Peerage
  3. 3,0 3,1 GeneaStar
  4. «Dyan Cannon»։ Filmreference.com 
  5. Dyan Cannon Eschews Limits: DYAN CANNON Saunders, Dick. Los Angeles Times 7 Jan 1977: f18.
  6. «Hollywood Walk of Fame - Dyan Cannon»։ walkoffame.com։ Hollywood Chamber of Commerce։ Արխիվացված է օրիգինալից April 3, 2016-ին։ Վերցված է February 11, 2018 

Արտաքին հղումներ[խմբագրել | խմբագրել կոդը]