Դազիֆորա

Դազիֆորա
Դազիֆորա
Դասակարգում
Թագավորություն	Բույսեր (Plantae)
Վերնաբաժին	Բարձրակարգ բույսեր (Embryophytes)
Տիպ/Բաժին	Անոթավոր բույսեր (Tracheophytes)
Ենթատիպ	Սերմնավոր բույսեր (Spermatophytes)
Կարգ	Վարդածաղկավորներ (Rosales)
Ընտանիք	Վարդազգիներ (Rosaceae)
Ցեղ	Dasiphora
Տեսակ	Դազիֆորա (D. fruticosa)
Միջազգային անվանում
Dasiphora fruticosa Rydb., 1898

Դազիֆորա (լատին․՝ Dasiphora fruticosa), տերևաթափ թուփ է՝ 0,2-105 սմ բարձրությամբ։

Կենսաբանական նկարագիր

Տերևները փետրաձև են, կազմված 3-7 տերևիկներից, որոնք դեղնականաչավուն են, նշտարաձև կամ նշտարաձվաձև, ամբողջաեզր, մինչև 3 սմ երկարությամբ և 1,1 սմ լայնությամբ։

Ծաղիկները ոսկեդեղին են, մանուշակագույն։ Ծաղկում է մայիսից մինչև օգոստոս, պտուցները հասունանում են սեպտեմբեր- հեկտեմբերին։ Պատկանում է վարդազգիների ընտանիքի վարդայինների երթանտանիքին։

Բնական սորտեր

Dasiphora fruticosa subsp. fruticosa^[1]
Dasiphora fruticosa subsp. floribunda (Pursh) Kartesz^[2]

Տարածում

Տարածված է Կովկասում, Հեռավոր Արևելքում, հարավային Եվրոպայում, Չինաստանում, Ճապոնիայում, Հյուսիսային Ամերիկայում, Մոնղոլիայում, Միջին Ասիայում։

Հայաստանում հանդիպում է Ախուրյան գետի վերին հոսանքներում, Սևանի ավազանում և Արարատյան դաշտի նախալեռնային գոտում, որտեղ աճում է գետակների ափերին, ալպյան և մերձալպյան գոտիների քարքարոտ լանջերում։

Բազմացում

Բազմանում է սերմերով։ Երկարատև ծաղկող թուփ է (գարնանից մինչև ուշ աշուն), բարձր գեղազարդ՝ շնորհիվ առատ ծաղկող խոշոր դեղին ծաղիկների։

Կիրառում

Կարելի է լայնորեն օգտագործել դեկորատիվ պարտիզագործության բնագավառում որպես երկարատև ծաղկող թփատոսակ։ Հեռանկարային է լայնորեն օգտագործելու գեղազարդ պարտիզագործության մեջ՝ որպես երկարատերև ծաղկող թփատեսակ և արդյունաբերական ձեռնարկությունների մերձակա կանաչ տնկարկներում՝ որպես գազադիմացկուն բուսատեսակ։