Jump to content

Գրիգ (արձակագիր)

Ստեղծել հղումը
Վիքիպեդիայից՝ ազատ հանրագիտարանից
Գրիգ
Ծնվել էդեկտեմբերի 13, 1991(1991-12-13) (33 տարեկան)
ԾննդավայրԵրևան, Հայաստան
Մասնագիտությունարձակագիր և գրականագետ
ԿրթությունԵրևանի պետական համալսարան
Ուշագրավ աշխատանքներՀիսուսի կատուն
Պարգևներ

Հայաստանի Նախագահի երիտասարդական մրցանակ

Coburger Rückert-Preis

Hotlist-Preis

Գրիգ (Գրիգոր Կարապետի Շաշիկյան, դեկտեմբերի 13, 1991(1991-12-13), Երևան, Հայաստան), արդի հայ արձակագիր։ Հայաստանի գրողների միության անդամ (2016) և Հայաստանի ՓԵՆ կենտրոնի անդամ (2021)[1]։ Ստեղծագործությունները թարգմանվել են անգլերեն, գերմաներեն, շվեդերեն, վրացերեն, ուկրաիներեն, ռուսերեն, ռումիներեն, մակեդոներեն, պարսկերեն, ալբաներեն և լատվերեն։

Կենսագրություն

[խմբագրել | խմբագրել կոդը]

Ծնվել է 1991 թվականի դեկտեմբերի 13-ին Երևանում՝ նկարչի ընտանիքում։ 1998 թվականին ընդունվել և 2008 թվականին ավարտել է մայրաքաղաքի Յ. Լեփսիուսի անվան թիվ 88 միջնակարգ դպրոցը։ 2009 թվականին ընդունվել է Երևանի պետական համալսարանի հայ բանասիրության ֆակուլտետ։ 2013-2015 թթ. սովորել է ԵՊՀ հայ բանասիրության ֆակուլտետի մագիստրատուրայում՝ «Համաշխարհային գրականություն և գրականության տեսություն» մագիստրոսական ծրագրով։ 2013 և 2014 թվականներին ԵՊՀ գիտական խորհրդի որոշմամբ արժանացել է Ստեփան Ալաջաջյանի անվան կրթաթոշակի։ 2015-ից նույն ֆակուլտետի ասպիրանտ է։ Գրիգի պատմվածքները պարբերաբար տպագրվել են գրական մամուլում, անթոլոգիաներում («Գրեթերթ», «Գրական թերթ», «Ցոլքեր», «Անդին», «Նորք», «Երիտասարդ գրողների անթոլոգիա», «ԳՐԵգիրք», «Կայարան», «Հայ ժամանակակից գրականության ՔՐԵՍՏՈՄԱՏԻԱ, 8-րդ և 9-րդ դասարաններ[2]», «Արձակ դաշտեր։ ՀԳՄ անդամ գրողների պատմվածքների անթոլոգիա», «ԻՆՔՆԱԳԻՐ X», «Дружба народов», «Литературная Армения», «Armenien berättar: Berg under bar himmel[3]», «Vom Baby, das den Mond verschluckte» և այլն), հրապարակվել են նաև էլեկտրոնային գրական հարթակներում։

2015 թվականին «Անտարես» հրատարակչության «XXI. արդի հայ արձակ» մատենաշարով լույս է տեսել «Հիսուսի կատուն» պատմվածքների ժողովածուն, որը բազմիցս վերահրատարակվել է։

2019 թվականին «Անտարես» հրատարակչության կողմից լույս է տեսել Գրիգի երկրորդ՝ «Առևանգում, որ ցնցեց կատուների քաղաքը» գիրքը, որը ևս բազմիցս վերահրատարակվել է։

2023 թվականին լույս է տեսել Գրիգի Friedensdorf վեպը։

Աշխատում է Թումո ստեղծարար տեխնոլոգիաների կենտրոնում՝ որպես ստեղծագրության դասընթացավար։

Պարգևներ և մրցանակներ

[խմբագրել | խմբագրել կոդը]
Գրիգը գերմանական Քոբուրգ քաղաքի Էհրենբուրգ ամրոցի մեծ դահլիճում տեղի ունեցած Ֆրիդրիխ Ռյուկերտի անվան մրցանակը ստանալիս:
  • 2012 թ. «Պուճուր մարդը» պատմվածքի համար արժանացել է «Գրեթերթ»-ի՝ «Տարվա լավագույն պատմվածք» մրցանակի։
  • 2013 թ. Համազգային հայ կրթական և մշակութային միության կողմից արժանացել է Հակոբ Կարապենցի անվան պարգևի՝ 2011-2012 ուսումնական տարում դրսևորած բարձր առաջադիմության և ստեղծագործական ակտիվության համար։
  • 2013 թ. «Երկու սիլուետ» պատմվածքի համար արժանացել է «Գրեթերթ»-ի՝ «Տարվա լավագույն պատմվածք» մրցանակի։
  • 2014 թ. «Հիսուսի կատուն» պատմվածքի համար արժանացել է «Գրեթերթ»-ի՝ «Տարվա լավագույն պատմվածք» մրցանակի։
  • 2016 թ. «Հիսուսի կատուն» պատմվածքների ժողովածուի համար «Երևանյան բեսթսելեր» նախագծի շրջանակում «Արմենպրես» լրատվական գործակալության կողմից արժանացել է Լևոն Անանյանի անվան հատուկ մրցանակի։
  • 2016 թ. Շնորհվել է Հայաստանի Հանրապետության Նախագահի երիտասարդական մրցանակ՝ «Հիսուսի կատուն» պատմվածքների ժողովածուի համար[4]։
  • 2020 թ. «Հիսուսի կատուն» պատմվածքի համար արժանացել է «Գալուստ Կիւլպէնկեան» հիմնարկության հայկական բաժանմունքի կողմից սահմանված «Խօսք Առ/Be Heard» մրցանակի[5]։
  • 2021 թ. «Հիսուսի կատուն» գրքի գերմաներեն թարգմանությունը ընդգրկվել է գերմանական «Hotlist» անկախ հրատարակիչների մրցույթի տարվա լավագույն տասը գրքերի շարքում[6]։
  • 2022 թ. «Հիսուսի կատուն» գրքի գերմաներեն թարգմանությունն արժանացել է գերմանացի անվանի արևելագետ, բանաստեղծ և թարգմանիչ Ֆրիդրիխ Ռյուկերտի անվան հեղինակավոր մրցանակի[7]։
  • 2022 թ. «Զանգեր խուլերի քաղաքում» պատմվածքի համար արժանացել է հայաստանյան «ՓԵՆ» և «Փինք» կազմակերպությունների կողմից սահմանված «ՓինքՓեն» մրցանակի։
  • 2024 թ. «Friedensdorf» վեպի համար արժանացել է «Ստեփան Ալաջաջյան» հիմնադրամի և «Գրական կայարան» հկ․-ի կողմից սահմանված «Ստեփան Ալաջաջյան» մրցանակի։

Գրքեր

[խմբագրել | խմբագրել կոդը]
  • {{{2}}} Հիսուսի կատուն (պատմվածքներ), Երևան, «Անտարես», 2015
  • {{{2}}} Առևանգում, որ ցնցեց կատուների քաղաքը (վիպակ), Երևան, «Անտարես», 2019
  • {{{2}}} Jesus’ Cat (Stories), «Glagoslav Publications», 2019[8]
  • {{{2}}} The Kidnapping that Shook Cat City, «Antares», 2020
  • {{{2}}} Jesus’ Katze – Geschichten von den Strassen Jerewans, «Kolchis Verlag», 2021[9]
  • {{{2}}} Jesus’ Katze (Hörbuch), Gelesen von Katharina v. Schoenaich, Piano: Florian Favre, «Kolchis», 2022[10]
  • {{{2}}} Pisica lui Iisus, «Integral», 2022[11]
  • {{{2}}} Мачката на Исус, «Prozart Media», 2022[12]
  • {{{2}}} Кот Иисуса, «Антарес», 2022[13]
  • {{{2}}} Macja e Jezusit, «FAN NOLI», 2023[14]
  • {{{2}}} Friedensdorf (վեպ), Երևան, «Անտարես», 2023
  • {{{2}}} Jēzus kaķis, «JUMAVA», 2024[15]

Գրախոսականներ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ «Հայաստանի ՓԵՆ կենտրոնի պաշտոնական կայքը». Արխիվացված է օրիգինալից 2022-11-27-ին. Վերցված է 2022-11-27-ին.
  2. ↑ Լույս են տեսել Հայ ժամանակակից գրականության քրեստոմատիայի վեցհատորյա գրքերը
  3. ↑ Գիրքը հրատարակչության կայքում
  4. ↑ Հայաստանի Հանրապետության Նախագահի երիտասարդական մրցանակ շնորհելու մասին
  5. ↑ The “BE HEARD” Prize Winners Are Announced
  6. ↑ Die Kandidaten der Hotlist 2021
  7. ↑ Coburger Rückert-Preis 2022
  8. ↑ Jesus’ Cat
  9. ↑ «Jesus' Katze – Geschichten von den Strassen Jerewans». Արխիվացված է օրիգինալից 2022 թ․ նոյեմբերի 27-ին. Վերցված է 2022 թ․ նոյեմբերի 27-ին.
  10. ↑ Jesus’ Katze
  11. ↑ Pisica lui Iisus
  12. ↑ Мачката на Исус
  13. ↑ «Кот Иисуса». Արխիվացված է օրիգինալից 2024 թ․ մարտի 28-ին. Վերցված է 2024 թ․ մարտի 28-ին.
  14. ↑ Macja e Jezusit
  15. ↑ Jēzus kaķis

Աղբյուրներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Գրիգ_(արձակագիր)&oldid=10171866» էջից