Գրիգորիս Պալաքյան

Գրիգորիս Պալաքյան;
Ծնվել է	փետրվարի 4, 1877
Ծննդավայր	Թոխաթ
Մահացել է	հոկտեմբերի 8, 1934 (57 տարեկան)
Մահվան վայր	Մարսել
Գերեզման	Saint Pierre Cemetery
Քաղաքացիություն	Օսմանյան կայսրություն
Ազգություն	հայ
Կրոն	Հայ Առաքելական Եկեղեցի
Կրթություն	Սանասարյան վարժարան
Երկեր	«Հայ գողգոթան»
Մասնագիտություն	քահանա և գրող
Աշխատանք	եկեղեցական, ազգային և հասարակական գործիչ
Աշխատավայր	Այգ և Հայ Առաքելական Եկեղեցի
Զբաղեցրած պաշտոններ	եպիսկոպոս և գլխավոր խմբագիր
	Grigoris Balakian Վիքիպահեստում

Գրիգորիս Պալաքյան (փետրվարի 4, 1877(1877-02-04)^[1], Թոքաթ, Սեբաստիայի վիլայեթ, Օսմանյան կայսրություն - հոկտեմբերի 8, 1934(1934-10-08)^[2], Մարսել), եկեղեցական, ազգային և հասարակական գործիչ։

Կենսագրություն[խմբագրել | խմբագրել կոդը]

Սովորել է Թոքաթի, ապա՝ Կարինի Սանասարյան վարժարաններում, 1913-1914 թթ. Բեռլինի համալսարանում հետևել աստվածաբանության և փիլիսոփայության դասընթացների։ 1914-1915 թթ. Երզնկայի գավառի հայոց առաջնորդական տեղապահ։ 1915 թվականի ապրիլի 24-ին հայ այլ մտավորականների հետ ձերբակալվել է և աքսորվել։ Եղել է Այաշի, Չանկըրի, Չորումի, Թոմարզայի և այլ համակենտրոնացման ճամբարներում։ Բանտարկված է եղել Կոմիտասի, Ակնունու, Սիամանթոյի, Ռուբեն Սևակի և այլոց հետ։ Հրաշքով փրկվելով մահից՝ գերմանացու անվան տակ 1917 թ. գնացել է Կ. Պոլիս։ 1919 թ. տեղափոխվել է Ֆրանսիա, ապա՝ Անգլիա։ 1921 թվականին, Ս. Թեհլիրյանի դատի ժամանակ հանդես գալով իբրև վկա, մերկացրել է երիտթուրքերի հայաջինջ քաղաքականությունը։ Ընտրվել է Մանչեստրի, ապա Մարսելի հայ համայնքների հոգևոր առաջնորդ (ծայրագույն վարդապետ)։ Գրել է մի շարք աշխատություններ (մի մասն անտիպ է)։ «Հայ գողգոթան» աշխատությունը (հ. 1. Վիեննա., 1922, հ. 2. Փարիզ, 1959) հայերի ցեղասպանության պատմության ուսումնասիրության կարևոր սկզբնաղբյուր է։ Փաստական հարուստ նյութերի հիման վրա տալիս է հայ ժողովրդի ողբերգության մանրամասները՝ իբրև ականատես և արհավիրքից վերապրող։

Ծանոթագրություններ[խմբագրել | խմբագրել կոդը]

↑ ^1,0 ^1,1 https://www.yerkir.eu/activites/patrimoine/web-expo-99-photos-de-survivants-du-genocide-des-armeniens/
↑ ^2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_e905685b59a76501-1] 1,0 ^1,1 https://www.yerkir.eu/activites/patrimoine/web-expo-99-photos-de-survivants-du-genocide-des-armeniens/

[_98c628e6183a7acc-2] 2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[1]

[2]