Գուգլակ (բերդ)

Վիքիպեդիայից՝ ազատ հանրագիտարանից
Jump to navigation Jump to search

Գուգլակ, Կուկլակ, բերդ Հայկական Կիլիկիայում, Կիլիկյան լեռնանցքում։

Գուգլակ պաշտպանում էր լեռնանցքը, որը 11-14-րդ դարերին կոչվել է բերդի անունով՝ «Կապանն Կուկլակայ»։ Կիլիկիայի հայկական պետության կազմում եղել է սահմանային չորս մեծ իշխանություններից մեկի (կոչվել է Գուգլակի անունով) գահանիստը։ Գուգլակով էր անցնում Եվրոպայից դեպի Կիլիկիա և Արևելք տանող առևտրաուղին, ուստի, բերդում կար մաքսատուն։ Գուգլակում արդյունահանվել է ոսկի, արծաթ, պղինձ, եղել է ձուլարան։ Գուգլակ բերդը, բացառությամբ արևմտյան կողմի, որը կառուցապատված էր հզոր պարսպով, շրջապատված էր անդնդախոր կիրճերով։ Բերդի երկարությունը եղել է 300, լայնությունը՝ 100 քայլ։ Բոլորաձև աշտարակներով պարսպի մի մասը եղել է սրբատաշ քարից։ Բերդի ներսում ևս եղել են աշտարականման ամրություններ։ Ամենամեծ աշտարակը Գուգլակի արևմտյան կողմում էր, կային գետնափոր բնակարաններ, սյունազարդ գավիթ, վիմափոր ջրամբարներ, մթերանոցներ։ Գուգլակի քարաժայռից ցածր էր իջնում հսկայական սանդուղքը՝ մոտ 60 աստիճաններ

Գրականություն[խմբագրել | խմբագրել կոդը]

Ալիշան, Սիսուան, Վնտ․, 1885։

Տես նաև[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 243 CC-BY-SA-icon-80x15.png