Գոհար Գրիգորյան

Գոհար Գրիգորյան
Ծնվել է	մարտի 20, 1924(1924-03-20)
Ծննդավայր	Դիլիջան, Հայկական ԽՍՀ, ԱԽՖՍՀ, ԽՍՀՄ
Մահացել է	սեպտեմբերի 8, 2008(2008-09-08) (84 տարեկան)
Վախճանի վայր	Երևան, Հայաստան
Կրթություն	ՀԱՊՀ (1949)
Աշխատավայր	Հայպետնախագիծ
Ուշագրավ աշխատանքներ	Երևանի մանկական երկաթուղի
Պարգևներ

Գոհար Մամիկոնի Գրիգորյան (մարտի 20, 1924(1924-03-20), Դիլիջան, Հայկական ԽՍՀ, ԱԽՖՍՀ, ԽՍՀՄ - սեպտեմբերի 8, 2008(2008-09-08), Երևան, Հայաստան), հայ ճարտարապետ, ՀԽՍՀ վաստակավոր ճարտարապետ (1972)։ Հայաստանի ճարտարապետների միության անդամ (1957)։

Կենսագրություն

1949 թվականին ավարտել է Երևանի պոլիտեխնիկական ինստիտուտը։ 1949-1996 թվականներին աշխատել է Հայպետնախագիծ ինստիտուտում (1949-1955 թվականներն՝ «Երքաղնախագիծ»), 1967-1992 թվականներին եղել է նախագծերի գլխավոր ճարտարապետ։

Գործունեություն

Երևանի մանկական երկաթուղու կայարանը

Գրիգորյանի նախագծերով Երևանում կառուցվել են՝

• Կամոյի անվան դպրոցը (այժմ՝ թիվ 76 հայ-արգենտինյան դպրոց)
• Համահեղինակների հետ՝ բնակելի տներ 1953-1956 թվականներին, բոլորը ամուսնու՝ ճարտարապետ Բաբկեն Հակոբյանի հետ
• Մանկական երկաթուղու կայարանը, 1954
• Մանկապարտեզներ՝ Երևանում, 1954, Գյումրիում, 1955, Հրազդանում, 1982
• Վարչական շենքեր՝ Մեղրիում, 1974, Արթիկում, 1974, Մեծամորում, 1974, Սևանում, 1977
• Մարզպետարանի և քաղխորհրդի միացյալ շենքը Հրազդանում, 1973
• Բնակելի թաղամաս Արթիկում, 1974
• Տներ Վանաձորում, Գյումրիում

1977-1985 թվականներին ճարտարապետ Մարտին Միքայելյանի հետ վերակազմել է Հրազդան քաղաքի վարչական-մշակութային կենտրոնի նախագիծը՝ բնակելի 4 միկրոշրջաններով։

Հեղինակային խմբի հետ 1974-1978 թվականներին մասնակցել է Մեծամոր ավանի նախագծմանն ու կառուցապատմանը։

Մի շարք տիպային, փորձարարական, մրցութային նախագծերի հեղինակ է։

Ցուցահանդեսներ

1992, 1994, 2004 թվականներին Երևանում կազմակերպվել է Գրիգորյանի ճարտարապետական, գրաֆիկական և գեղանկարչական աշխատանքների ցուցահանդեսները։