Գերմաներեն Վիքիպեդիա

Գերմաներեն Վիքիպեդիա ; Ddetschsprachige Wikipedia
URL՝	de.wikipedia.org
Կոմերցիոն՝	Բարեգործական
Կայքի տիպ	Ցանցային հանրագիտարան
Գրանցում	Ոչ պարտադիր
Լեզու	Գերմաներեն
Սեփականատեր	Վիքիմեդիա Հիմնադրամ
Աշխատանքի սկսում	16 փետրվար 2001
Հոդվածների թիվ՝	2 565 770
Էջերի թիվ՝	7 120 280
Խմբագրումների թիվ՝	209 652 192
Գրանցված մասնակիցներ՝	3 685 427
Ակտիվ մասնակիցներ՝	20 876
Ադմինիստրատորներ՝	186
Խորություն:	92.8

Գերմաներեն Վիքիպեդիա (գերմ.՝ Deutschsprachige Wikipedia), Վիքիպեդիա բազմալեզու և ազատ հանրագիտարանի գերմանալեզու տարբերակն է։ Մեծությամբ երկրորդն է՝ Անգլերեն Վիքիպեդիայից հետո։ Ստեղծվել է 2001 թվականի մարտի 16-ին։ Իսկ առաջին հոդվածը գրվեց հաջորդ իսկ օրը՝ մարտի 17-ին։

Ինչպես մնացած բոլոր Վիքիմեդիա-նախագծերը, Գերմաներեն Վիքիպեդիայի բովանդակությունը գտնվում է ազատ արտոնագրի ներքո և յուրաքանչյուր ոք կարող է փոփոխել, հարստացնել, օգտագործել և տարածել այդ բովանդակությունը, քանի դեռ հետագա տարբերակները տարածվում են նույն սկբզունքներով և նշվում են հեղինակիները։

Ըստ խորության^[1] և ակտիվ մասնակիցների^[2]՝ Գերմաներեն Վիքիպեդիան 3-րդ է, և զիջում է միայն Անգլերեն և Ֆրանսերեն Վիքիպեդիաներին։

Վիճակագրություն[խմբագրել | խմբագրել կոդը]

Այսօր՝ 19 Ապրիլի 2021-ին Վիքիպեդիայի գերմաներեն բաժինը ունի 2 565 770 հոդված։ Գրանցված են 3 685 427 մասնակից, նրանցից 4949 կատարել են գոնե մեկ խմբագրում անցած 30 օրվա ընթացքում, իսկ 186 մասնակից ունեն ադմինիստրատորի կարգավիճակ։ Ընդհանուր խմբագրումների թիվը հատում է 209 652 192-ը։