Արա Գասպարյան

Արա Գասպարյան;
Ծնվել է	1970 թվականի նոյեմբերի 26
Ծննդավայր	Երևան
Քաղաքացիություն	Հայաստան
Ազգություն	հայ
Կրթություն	Հայկական պետական մանկավարժական համալսարան, Հայաստանի Ամերիկյան Համալսարան
Գիտական աստիճան	պատմական գիտությունների թեկնածու
Երկեր	Ֆրանսիան Նապոլեոն Բոնապարտի կառավարման տարիներին (1799-1814), Երևան, 2013
Մասնագիտություն	պատմաբան
Աշխատանք	պատմության դասախոս
Աշխատավայր	Երևանի պետական համալսարան

Արա Գասպարյան (1970, Երևան, Հայկական ԽՍՀ, ԽՍՀՄ), հայ պատմաբան։ Պատմական գիտությունների թեկնածու, դոցենտ։

Կենսագրություն

Ծնվել է 1970 թվականի նոյեմբերի 26-ին Երևանում։ 1988 թվականին ավարտել է Երևանի թիվ 57 միջնակարգ դպրոցը։ 1988 –1993 թթ. ուսանել է Հայկական պետական Մանկավարժական համալսարանում՝ պատմաբան-իրավագետ մասնագիտությամբ, 1993 –1996 թթ.՝ Ռուսաստանի Դաշնություն Մոսկվայի Աշխատանքի և սոցիալական հարաբերությունների ակադեմիայում։ 2002 թվականին ավարտել է Հայաստանի Ամերիկյան Համալսարանը՝ քաղաքագետ, միջազգայնագետ մասնագիտությամբ։ 2005 թվականին պաշտպանել է թեկնածուական ատենախոսություն ,,Սևծովյան նեղուցների հիմնախնդիրը՛՛ թեմայով։ 2003 թվականից դասախոսում է ԵՊՀ Պատմության ֆակուլտետի Համաշխարհային պատմության ամբիոնում։ 2009 թվականից աշխատում է Հայաստանի անվտանգության խորհրդի աշխատակազմում։